Germany Gurdwara: జర్మనీ గురుద్వారాలో ఘర్షణ.. 11 మందికి గాయాలు
ఈ వార్తాకథనం ఏంటి
జర్మనీలోని మోయెర్స్ నగరంలో ఉన్న ఓ గురుద్వారాలో రెండు వర్గాల మధ్య హింసాత్మక ఘర్షణ చోటుచేసుకుంది. సోమవారం జరిగిన ఈ ఘటనలో కనీసం 11 మంది గాయపడ్డారు. గురుద్వారాలో ఆధిపత్యం, నిధుల నియంత్రణ అంశాలపై నెలకొన్న వివాదాలే ఈ ఘర్షణకు కారణమై ఉండవచ్చని పోలీసులు అనుమానం వ్యక్తం చేస్తున్నారు.
వివరాలు
అసలేం ఏమి జరిగింది..?
ప్రార్థనా మందిరంలో రెండు గ్రూపుల మధ్య మాటామాటా పెరిగి అది కాస్తా తీవ్ర ఘర్షణకు దారితీసింది. ఈ ఘటనలో దాదాపు 40 మంది పాల్గొన్నారు. ఒకరిపై ఒకరు కత్తులు,కిర్పాన్ల వంటి పదునైన ఆయుధాలతో దాడి చేసుకున్నారు. కొందరు మిరప ద్రావకాన్ని కూడా ఉపయోగించారు.ఈ ఘర్షణకు సంబంధించిన భయానక దృశ్యాలు సామాజిక మాధ్యమాల్లో విస్తృతంగా ప్రచారం అయ్యాయి. సమాచారం అందుకున్న వెంటనే పోలీసులు, ప్రత్యేక బలగాలతో కలిసి భారీగా సంఘటనా స్థలానికి చేరుకుని పరిస్థితిని అదుపులోకి తీసుకువచ్చారు. గురుద్వారాకు కొత్త పాలక మండలి ఎన్నికలు, నిధుల నియంత్రణ వంటి అంశాలపై మాజీ, ప్రస్తుత సభ్యుల మధ్య కొంతకాలంగా విభేదాలు కొనసాగుతున్నాయని ప్రత్యక్ష సాక్షులు తెలిపారు.
వివరాలు
పోలీసుల అదుపులో అనుమానితుడు
అవే ఈ దాడికి కారణమై ఉండవచ్చని వారు పేర్కొన్నారు."ఇది ముందుగానే ప్రణాళికతో చేసిన దాడి. ప్రార్థనలు ప్రారంభమయ్యే ముందు దాడి చేసిన వారు మిరప ద్రావకం చల్లారు.వారిలో ఒకరు తుపాకీతో కాల్పులు జరిపగా,మరికొందరు కత్తులతో దాడి చేశారు"అని ఓ సాక్షి వివరించాడు. ఘర్షణలో గాయపడిన వారికి అక్కడికక్కడే వైద్య సిబ్బంది చికిత్స అందించారు. ఎవరూ ప్రాణాపాయ స్థితిలో లేరని అధికారులు తెలిపారు.ఈఘటనకు సంబంధించి పోలీసులు ఒక అనుమానితుడిని అదుపులోకి తీసుకుని విచారణ కొనసాగిస్తున్నారు. సంఘటనా స్థలంలో లభించిన తూటా ఖాళీ పొట్లాల ఆధారంగా అది ఖాళీ గుండ్లను పేల్చే తుపాకీ అయి ఉండవచ్చని పోలీసులు భావిస్తున్నారు. అయితే ఆ తుపాకీని ఇంకా స్వాధీనం చేసుకోవాల్సి ఉంది.ఈఘటనపై క్రిమినల్ దర్యాప్తు విభాగం విచారణ కొనసాగిస్తోంది.
ట్విట్టర్ పోస్ట్ చేయండి
ఘర్షణకు సంబంధించిన వీడియోలు సోషల్ మీడియాలో వైరల్
🤯🇩🇪 Shocking scenes from Gurdwara Duisburg, Germany:
— Allen Hampton (@Hamp_Allen) April 20, 2026
Sikhs fighting inside sacred space, turbans flying, kirpans drawn on each other over Golak money, and a forced takeover by the previous management, who lost the election.
This violence isn't random. It's the direct result of… pic.twitter.com/47h4lni6w1