ఖలిస్థానీలపై కెనడా ఉదారత; భారత్ ఆగ్రహం
ఈ వార్తాకథనం ఏంటి
కెనడాలో ఖలిస్థానీలపై అక్కడి ప్రభుత్వం ప్రదర్శిస్తున్న ఉదాసినతపై భారత్ మండిపడింది.
అంతేకాదు కెనడాలో శనివారం జరగనున్న 'ఖలిస్థాన్ స్వాతంత్య్ర యాత్ర'ను సైతం తీవ్రంగా వ్యతిరేకించింది.
ఇది భారత దౌత్య వైత్తలకు ప్రమాదంగా మారుతుందని ఆందోళన వ్యక్తం చేసింది.
ఒట్టావాలోని భారత హైకమిషనర్, టొరంటోలోని కాన్సులేట్ జనరల్‌ను బెదిరిస్తూ ఖలిస్థానీ నాయకులు పోస్టర్లు వేశారు.
ఇటీవల కెనడాలో హత్యకు గురైన ఖలిస్థాన్ నాయకుడు పూజారి హర్జీత్ సింగ్ నిజ్జార్ పేరిట ఈ ర్యాలీని నిర్వహించనున్నారు.
నిజ్జర్ హత్యకు భారత అధికారులు, నిఘా సంస్థలే కారణమని ఖలిస్థాన్ అనుకూల సంస్థలు వాదిస్తున్నాయి.
కెనడా
దౌత్యవేత్తల భద్రత‌ను కెనడా అధికారులకు తెలిపిన భారత్
దౌత్యవేత్తల భద్రతకు సంబంధించిన భయాందోళనలను కెనడా గ్లోబల్ అఫైర్స్, రాయల్ కెనడియన్ మౌంటెడ్ పోలీస్, దౌత్య భద్రతకు సంబంధించిన ఉన్నతాధికారులకు, ఒట్టావాలోని పోలీసు విభాగాలకు తెలియజేసినట్లు భారతీయ సీనియర్ అధికారి తెలిపారు.
భావ ప్రకటనా స్వేచ్ఛ ముసుగులో ర్యాలీలో ఖలిస్థానీ అనుకూల శక్తులు విదేశీ రాయబారులకు హాని కలిగించేందుకు ప్రయత్నిస్తున్నారని ఒట్టావాలోని భారత హైకమిషనర్ సంజయ్ కుమార్ వర్మ పేర్కొన్నారు.
అమృతపాల్ సింగ్ కోసం భారత్‌లో పోలీసుల గాలింపును నిరసిస్తూ, మార్చి 23న ఒట్టావాలోని భారత హైకమిషన్ భద్రతా చుట్టుకొలతలోకి ఖలిస్థానీ మద్దతుదారులు ఎలా చొచ్చుకుపోయి, భయాందోళన కలిగించారో ప్రత్యేకంగా చెప్పనక్కర్లేదు.
అయితే శనివారం చేపట్టబోయే ర్యాలీలో అంతకు మించిన హింస జరగొచ్చని భారత్ ఆందోళన వ్యక్తం చేస్తోంది.