Iran: అమెరికా జోక్యం చేసుకుంటే కాల్పుల విరమణను ఉల్లంఘించినట్లే : ఇరాన్ స్ట్రాంగ్ వార్నింగ్
వ్రాసిన వారు
Jayachandra Akuri
May 04, 2026
12:56 pm
ఈ వార్తాకథనం ఏంటి
ఇరాన్కు చెందిన ఒక ఉన్నతాధికారి సోమవారం ఓ కీలక హెచ్చరిక జారీ చేశారు. హోర్ముజ్ జలసంధిలో అమెరికా జోక్యం చేసుకునే ఏ ప్రయత్నాన్నైనా కాల్పుల విరమణ ఒప్పందం ఉల్లంఘనగా పరిగణిస్తామని స్పష్టం చేశారు. ఇరాన్ పార్లమెంట్లో జాతీయ భద్రతా కమిషన్ అధిపతి ఇబ్రాహీం అజిజీ సోషల్ మీడియా వేదిక ఎక్స్లో స్పందిస్తూ, "హోర్ముజ్ జలసంధిలో కొత్త సముద్ర వ్యవస్థలో అమెరికా జోక్యం చేస్తే, దాన్ని కాల్పుల విరమణకు భంగం కలిగించినట్లుగా భావిస్తామని పేర్కొన్నారు. ఇదే సమయంలో అమెరికా అధ్యక్షుడు డొనాల్డ్ ట్రంప్ సోమవారం నుంచి హోర్ముజ్ జలసంధిలో ఆపిన నౌకలకు అమెరికా సైన్యం రక్షణగా ఎస్కార్ట్ అందిస్తుందని ప్రకటించారు. ఈ ప్రకటన నేపథ్యంలో ఇరాన్ నుంచి ఈ హెచ్చరిక వెలువడింది.