Seattle food festival: సియాటిల్ సెంటర్లో కాల్పులు.. ఇద్దరు మృతి
ఈ వార్తాకథనం ఏంటి
అమెరికాలోని సియాటిల్ సెంటర్లో ఆదివారం జరిగిన కాల్పుల ఘటన కలకలం రేపింది. ఈ ఘటనకు పోలీసులు, అత్యవసర సేవల సిబ్బంది వెంటనే స్పందించి సహాయక చర్యలు చేపట్టారు. ఈ కాల్పుల్లో ఇద్దరు ప్రాణాలు కోల్పోయారు. మరో ఐదుగురు గాయపడ్డారు. క్షతగాత్రుల్లో రెండేళ్ల బాలుడు కూడా ఉన్నాడు. స్థానిక కాలమానం ప్రకారం సాయంత్రం 6 గంటల సమయంలో ఈ ఘటన చోటుచేసుకుంది. అదే సమయంలో సియాటిల్లో ప్రముఖంగా నిర్వహిస్తున్న 'బైట్ ఆఫ్ సియాటిల్' ఫుడ్ ఫెస్టివల్ కొనసాగుతుండగా, భారీ సంఖ్యలో సందర్శకులు అక్కడికి చేరుకున్నారు. వేడుక సందడిగా సాగుతున్న వేళ ఒక్కసారిగా కాల్పుల శబ్దాలు వినిపించడంతో అక్కడ ఉన్నవారిలో తీవ్ర భయాందోళనలు నెలకొన్నాయి.
వివరాలు
ప్రాణాలు కాపాడుకునేందుకు ఎటు పడితే అటు పరుగులు తీసిన ప్రజలు
ప్రత్యక్ష సాక్షుల కథనం ప్రకారం, కాల్పులు ప్రారంభమైన వెంటనే ప్రజలు ప్రాణాలు కాపాడుకునేందుకు ఎటు పడితే అటు పరుగులు తీశారు.
ఈ క్రమంలో అక్కడ కొద్దిసేపు తీవ్ర గందరగోళ పరిస్థితులు నెలకొన్నాయి.
ఫెస్టివల్కు వచ్చిన 22 ఏళ్ల కాయ్లా కర్రిస్ మాట్లాడుతూ, తాను ఆర్మరీ సమీపంలో ఉన్న సమయంలో ఒక్కసారిగా కాల్పుల శబ్దాలు వినిపించాయని తెలిపింది.
వెంటనే ప్రజలంతా భయంతో తమ చేతిలో ఉన్న వస్తువులను అక్కడే వదిలేసి పరుగులు తీశారని ఆమె వివరించింది.
"ప్రతి ఒక్కరూ వస్తువులు పడేసి పరుగులు తీస్తున్నారు. అక్కడ ఉన్న వారందరూ అదే చేశారు" అని ఆమె పేర్కొంది.
వివరాలు
కాల్పులకు గల కారణాలు తెలియరాలేదు
కాల్పులకు గల కారణాలపై అధికారులు ఇప్పటివరకు ఎలాంటి వివరాలు వెల్లడించలేదు.
అలాగే ఈ ఘటన వెనుక ఉన్న నేపథ్యం ఏమిటన్న అంశంపైనా స్పష్టత ఇవ్వలేదు. బాధితుల ఆరోగ్య పరిస్థితి, అనుమానితుల వివరాలు వంటి అంశాలపై అధికారిక ప్రకటన కోసం ఎదురుచూస్తున్నారు.
ఈ ఘటనపై పోలీసులు సమగ్ర దర్యాప్తు కొనసాగిస్తున్నారు. కేసుకు సంబంధించిన మరిన్ని వివరాలు అధికారికంగా వెల్లడయ్యే అవకాశం ఉంది.
ట్విట్టర్ పోస్ట్ చేయండి
ఫుడ్ ఫెస్టివల్ మధ్యలో కాల్పులు.. సియాటిల్లో ఉద్రిక్తత
🚨BREAKING LATEST UPDATE: Two dead, five injured in Seattle Center shooting during Bite of Seattle festival
— War Updates FC (@k_c_shivansh) July 27, 2026
Two people dead and five others injured after a shooting at the Bite of Seattle festival near Seattle Center and the Space Needle in Seattle, Washington.
The shooting… https://t.co/s2KejXoonr pic.twitter.com/oAcfHpRQg9