Trump: పోప్ గెటప్‌లో ట్రంప్ ఫొటో వైరల్.. కామెంట్ల వర్షం కురిపిస్తున్న నెటిజన్లు
ఈ వార్తాకథనం ఏంటి
అమెరికా మాజీ అధ్యక్షుడు డొనాల్డ్ ట్రంప్ మరోసారి వివాదాస్పద వ్యాఖ్యలతో పాటు వినూత్న అవతారంలో దర్శనమిచ్చారు. తాజాగా ట్రంప్ తనను తాను పోప్‌గా ఊహించుకుంటూ ఒక చిత్రాన్ని సోషల్ మీడియా వేదిక అయిన ట్రూత్ సోషల్‌లో పోస్ట్ చేశారు. ఈ చిత్రం ఇప్పుడు నెటిజన్లను ఆకర్షిస్తోంది. ఇటీవల పోప్ ఫ్రాన్సిస్ కన్నుమూశారు. ఆయన అంత్యక్రియలు ఘనంగా జరగగా, అందులో ట్రంప్ దంపతులు హాజరయ్యారు. పోప్ మరణంతో ప్రపంచ ఖ్రైస్తవ లోకం తదుపరి పోప్ ఎవరన్న ఉత్కంఠతో ఉంది. పోప్ ఎంపిక ప్రక్రియ అత్యంత గోప్యంగా జరుగనుంది. అంత్యక్రియల సమయంలో మీడియా ప్రతినిధులు ట్రంప్‌ను "కొత్త పోప్‌గా మీరు ఎవరిని అభిలషిస్తున్నారు?" అని ప్రశ్నించారు.
Details
పోప్ నేనే అవ్వాలనుకుంటున్నా : ట్రంప్
దీనికి ట్రంప్ సరదాగా స్పందిస్తూ, 'పోప్ నేనే అవ్వాలనుకుంటున్నానని చెప్పారు. ఈ వ్యాఖ్యలు ఇప్పుడు సామాజిక మాధ్యమాల్లో చర్చనీయాంశంగా మారాయి. తర్వాత అందుకు తగ్గట్టుగానే ట్రంప్ తనను పోప్‌లా చూపించే ఒక ఫోటోను పోస్టు చేశారు. ఆ చిత్రం ఇంటర్నెట్‌లో వైరల్ అవుతుండగా, నెటిజన్ల నుంచి నానా రకాల స్పందనలు వస్తున్నాయి. 'ఇది హాస్యాస్పదంగా ఉందంటూ వ్యాఖ్యానిస్తున్నారు. ఈ ఫొటోతో పాటు ట్రంప్ వ్యాఖ్యలు మరోసారి ఆయన వ్యంగ్య శైలిని ప్రతిబింబించాయి. అయితే కొన్ని వర్గాలు మాత్రం ఇది సీరియస్ అంశం కావచ్చని అభిప్రాయపడుతున్నాయి. మొత్తానికి ట్రంప్ పోప్ అవతారంతో మరోసారి మీడియాలో హాట్ టాపిక్ అయ్యారు.