PM Modi France visit: ప్రధాని మోదీకి ఫ్రాన్స్‌లో ప్రఖ్యాత 'లౌవ్రే' మ్యూజియంలో ప్రత్యేక డిన్నర్
ఈ వార్తాకథనం ఏంటి
ప్రధాని నరేంద్ర మోదీ ఫ్రాన్స్ పర్యటనను వెళ్లనున్నారు. భారత్- ఫ్రెంచ్ ద్వైపాక్షిక సంబంధాలను మరింత బలపడేందుకు వచ్చే వారం మోదీ చెపట్ట1నున్న పారిస్ పర్యటన దోహదపడుతుందని నిపుణులు భావిస్తున్నారు.
జూలై 14న జరిగే బాస్టిల్ డే పరేడ్ (ఫ్రాన్స్ జాతీయ దినోత్సవం)కి గౌరవ అతిథిగా ప్రధాని మోదీని ఆ దేశ అధ్యక్షుడు ఇమ్మాన్యుయేల్ మాక్రాన్ ప్రత్యేకంగా ఆహ్వానించారు. ఈ కార్యక్రమంలో పాల్గొనేందుకు మోదీ జూలై 13న ఫ్రాన్స్‌కు చేరుకోనున్నారు.
ఫ్రాన్స్‌లో 17ఏళ్ల నహెల్‌అనే యువకుడిని పోలీసులు కాల్చిచంపిన తర్వాత, ఘర్షణలు చెలరేగుతున్న వేళ మోదీ ప్యారిస్ పర్యటన చేపట్టడం గమనార్హం.
ఫాన్స్‌కు చేరుకున్న రోజు ప్రతిష్టాత్మక పెర్ఫార్మింగ్ ఆర్ట్స్ సెంటర్ లా సీన్ మ్యూజికేల్‌లో ప్రవాస భారతీయులను ఉద్దేశించి మోదీ ప్రసంగించనున్నారు.
మోదీ
ప్రధాని మోదీ పర్యటన ఎందుకు ముఖ్యం అంటే?
ఫ్రాన్స్ జాతీయ దినోత్సవం సందర్భంగా నిర్వహించే పరేడ్‌కు ప్రతిఏడాది విదేశీ ప్రతినిధులను ఆహ్వానించడం ఫ్రాన్స్ సంస్కృతిలో లేదు. ఆ అరుదైన గౌరవం ఇప్పుడు ప్రధాని మోదీకి దక్కింది.
జూన్ 13న ప్రధాని మోదీకి ఫ్రెంచ్ అధ్యక్షుడు పారిస్‌లోని ఎలీసీ ప్యాలెస్ నివాసంలో ప్రైవేట్ డిన్నర్‌ను ఇవ్వనున్నారు. ఈ సందర్భంగా ఇరువురు నేతలు ప్రధాన ద్వైపాక్షిక, ప్రపంచ సమస్యలపై చర్చిస్తారు.
జూన్ 14న బాస్టిల్ డే పరేడ్ తర్వాత అధికారిక ప్రతినిధి స్థాయి చర్చ జరగనుంది. అనంతరం ప్రఖ్యాత లౌవ్రే మ్యూజియంలోని కోర్ మార్లీ ప్రాంగణంలో రెండోరోజు మోదీకి మాక్రాన్ ఆతిథ్యం ఇవ్వనున్నారు.
ఈ 250మందికి పైగా ప్రముఖులు హాజరు కానున్నారు. లౌవ్రే మ్యూజియంలోని మోనాలిసా పెయింటింగ్‌తో మోదీ-మక్రాన్ ఇద్దరూ ఫొటోలు తీసుకోనున్నట్లు తెలిసింది.