Trump: అమెరికా ఎప్పుడూ అగ్రస్థానంలోనే ఉంటుంది: ట్రంప్
ఈ వార్తాకథనం ఏంటి
అమెరికా ప్రపంచంలో ఎప్పటికీ అగ్రస్థానంలోనే కొనసాగుతుందని, ఆ స్థానాన్ని కోల్పోకుండా కాపాడతామని అమెరికా అధ్యక్షుడు డొనాల్డ్ ట్రంప్ స్పష్టం చేశారు. అమెరికా 250వ స్వాతంత్య్ర వేడుకల సందర్భంగా శనివారం వాషింగ్టన్లో నిర్వహించిన ప్రత్యేక కార్యక్రమంలో ఆయన ప్రసంగించారు. తన ప్రసంగంలో దేశభక్తి, జాతీయ ఐక్యత, విభజనవాదం వంటి కీలక అంశాలను ట్రంప్ ప్రస్తావించారు. అలాగే 'అమెరికన్ ఓటరు అర్హత రక్షణ చట్టం' (American Voter Eligibility Protection Act)కు సంబంధించిన తన నినాదాన్ని మరోసారి వినిపిస్తూ ఎన్నికల వ్యవస్థలో ఓటరు అర్హతలకు ప్రాధాన్యం ఇవ్వాల్సిన అవసరాన్ని పేర్కొన్నారు.
వివరాలు
స్వాతంత్య్ర వేడుకలకు వాతావరణం ఆటంకం
అమెరికా వ్యాప్తంగా నిర్వహించిన స్వాతంత్య్ర వేడుకలకు వాతావరణం కొంత ఆటంకం కలిగించింది. కొన్ని ప్రాంతాల్లో తీవ్ర ఎండలు, మరికొన్ని ప్రాంతాల్లో వర్షపు జల్లులు కురవడంతో కార్యక్రమాల నిర్వహణకు ఇబ్బందులు ఎదురయ్యాయి. ఇదిలా ఉండగా, న్యూయార్క్లోని కోని ఐలాండ్లో బాణసంచా ప్రదర్శనను వీక్షిస్తున్న ప్రజలపై ఓ దుండగుడు కాల్పులకు పాల్పడ్డాడు. ఈ ఘటనలో ఎనిమిది మంది గాయపడగా, పోలీసులు కేసు నమోదు చేసి దర్యాప్తు చేపట్టారు.