Donald Trump: ట్రంప్ టారిఫ్‌లతో ఆశించిన వాణిజ్య లాభం రాలేదని సీబీఓ నివేదిక
ఈ వార్తాకథనం ఏంటి
అమెరికాకు విదేశాల నుంచి వచ్చే ఉత్పత్తులపై అధ్యక్షుడు డొనాల్డ్ ట్రంప్ (Donald Trump) విధించిన టారిఫ్‌లు ఆశించిన స్థాయిలో ప్రభావం చూపలేదని కాంగ్రెషనల్ బడ్జెట్ ఆఫీస్‌ (CBO) తాజా విశ్లేషణలో తెలిపింది. మొదట ఈ సుంకాల వల్ల అమెరికా వాణిజ్య లోటు నాలుగు ట్రిలియన్ డాలర్ల వరకు తగ్గుతుందని అంచనా వేసినా, ఇప్పుడు ఆ తగ్గుదల గరిష్టంగా ఒక ట్రిలియన్ డాలర్ల చుట్టుపక్కలే ఉండొచ్చని తేల్చింది.
వివరాలు
ఆగస్టులో చేసిన ముందస్తు అంచనాల కంటే తక్కువ
జనవరి నుంచి నవంబర్ వరకు అమల్లో ఉన్న ఈ సుంకాల ప్రభావాన్ని పరిశీలించి సీబీఓ తాజా గణాంకాలను విడుదల చేసింది. వచ్చే 11 ఏళ్లలో ప్రాథమిక లోటు సుమారు 2.5 ట్రిలియన్ డాలర్లు తగ్గొచ్చని, దాంతో ప్రభుత్వ రుణభారం మీద పడే వ్యయం దాదాపు 500 బిలియన్ డాలర్ల వరకు తగ్గే అవకాశం ఉందని వెల్లడించింది. అయితే ఈ సంఖ్యలు ఆగస్టులో చేసిన ముందస్తు అంచనాల కంటే తక్కువ. అప్పటి అంచనాల ప్రకారం లోటు తగ్గుదల 3.3 ట్రిలియన్ డాలర్లు, రుణఖర్చుల తగ్గుదల 700 బిలియన్ డాలర్లుగా ఉన్నాయి. తాజా వివరాలను పరిగణనలోకి తీసుకుని సీబీఓ తన అంచనాలను ఇలా సవరించింది.