Nepal: నేపాల్‌లో రెండు హెలికాప్టర్లు ఢీ.. ఒక విదేశీయుడు మృతి, మరొకరికి గాయాలు
ఈ వార్తాకథనం ఏంటి
నేపాల్‌లోని పర్వత ప్రాంతంలో మంగళవారం ఉదయం ఘోర ప్రమాదం జరిగింది. ప్రపంచంలోనే అత్యంత ఎత్తైన పర్వతం మౌంట్ ఎవరెస్ట్‌కు వెళ్లే మార్గంలోని సోలుఖుంబు ప్రాంతంలో రెండు హెలికాప్టర్లు ఢీకొన్నాయి. ల్యాండింగ్ సమయంలో జరిగిన ఈ ఘటనలో ఒక విదేశీయుడు ప్రాణాలు కోల్పోగా, మరో వ్యక్తి గాయపడ్డాడు. ఈ ప్రమాదంతో స్థానికంగా కలకలం రేగింది.
ట్విట్టర్ పోస్ట్ చేయండి
హెలికాప్టర్ల ఢీకొనడంతో ఒకరు మృతి
TWO HELICOPTERS COLLIDE NEAR EVEREST BASE CAMP; ONE FOREIGNER KILLED
— Subodh Kumar (@kumarsubodh_) November 3, 2026
Scary footage this morning.
Two helicopters operated by Fishtail Air and Air Dynasty collided while attempting to land at Pheriche in Nepal’s Everest region
One foreign passenger was killed and another… pic.twitter.com/FjIhxVdr5D
వివరాలు
సోలుఖుంబు హెలిప్యాడ్ వద్ద ప్రమాదం
సోలుఖుంబు హెలిప్యాడ్ వద్ద మంగళవారం ఉదయం ఫిష్‌టెయిల్ ఎయిర్, డైనాస్టీ ఎయిర్ సంస్థలకు చెందిన రెండు హెలికాప్టర్లు ల్యాండింగ్ అవుతుండగా ఒకదానికొకటి ఢీకొన్నాయి.
నేపాల్ పోలీసుల ప్రాథమిక నివేదిక ప్రకారం.. ఉదయం సుమారు 8.11 గంటలకు ఈ ప్రమాదం చోటుచేసుకుంది.
రెండు హెలికాప్టర్లు ఒకేసారి హెలిప్యాడ్‌పై దిగేందుకు ప్రయత్నిస్తున్న సమయంలో ఈ ఘటన జరిగినట్లు పోలీసులు తెలిపారు.
వివరాలు
సోలుఖుంబు హెలిప్యాడ్ వద్ద ప్రమాదం
ఈ ప్రమాదంలో ఒక విదేశీయుడు మృతి చెందగా, మరో వ్యక్తికి గాయాలయ్యాయి.
అయితే మృతుడు, గాయపడిన వ్యక్తికి సంబంధించిన పూర్తి వివరాలను అధికారులు ఇంకా వెల్లడించలేదు.
గాయపడిన వ్యక్తిని హెలికాప్టర్‌లో లుక్లాకు తరలించారు. అక్కడ అతడికి చికిత్స అందించేందుకు ఏర్పాట్లు చేశారు.
రెండు హెలికాప్టర్లు ఒకే సమయంలో ల్యాండింగ్ అవుతున్న క్రమంలో ఢీకొన్నట్లు ప్రాథమిక సమాచారం వెల్లడిస్తోంది.
ప్రమాదానికి గల కారణాలు, ఇతర వివరాలపై పోలీసులు దర్యాప్తు చేస్తున్నారు.