Zelenskyy: ఉక్రెయిన్‌-యూకే కీలక ఒప్పందం.. 3.1 బిలియన్‌ డాలర్ల రుణ సాయం
ఈ వార్తాకథనం ఏంటి
అమెరికా మాజీ అధ్యక్షుడు డొనాల్డ్‌ ట్రంప్‌తో వివాదం అనంతరం ఉక్రెయిన్‌ అధ్యక్షుడు వోలోడిమిర్‌ జెలెన్‌స్కీ యూకే పర్యటనలో కొంత ఊరట పొందారు. యూకే ప్రధాని కీర్‌ స్టార్మర్‌తో భేటీ అయిన ఆయన, 3.1 బిలియన్‌ డాలర్ల విలువైన రుణ ఒప్పందంపై సంతకం చేశారు. ఈ నిధులను ఉక్రెయిన్‌ రక్షణ సామర్థ్యాలను బలోపేతం చేసుకోవడానికి ఉపయోగించనున్నట్లు జెలెన్‌స్కీ తెలిపారు. యూకే ప్రధాని స్టార్మర్‌తో ఉక్రెయిన్‌ సహా యూరప్‌ మొత్తం ఎదుర్కొంటున్న సవాళ్లపై చర్చించామని, కీవ్‌ బలోపేతంతోపాటు, యుద్ధాన్ని ముగించేందుకు తీసుకోవాల్సిన చర్యలు కూడా చర్చకు వచ్చాయని జెలెన్ స్కీ తెలిపారు. తమ రక్షణ సామర్థ్యాలను ఈ రుణ ఒప్పందం బలపరుస్తుందని, ఉక్రెయిన్‌లో ఆయుధ తయారీకి వీటిని వినియోగిస్తామన్నారు.
Details
యూకే ప్రభుత్వానికి ధన్యవాదాలు
యుద్ధం ప్రారంభం నుంచి అండగా ఉన్న యూకే ప్రభుత్వానికి, ప్రజలకు కృతజ్ఞతలని, ఇలాంటి వ్యూహాత్మక భాగస్వామ్యం లభించడం తమ అదృష్టమని జెలెన్‌స్కీ తెలిపారు. రష్యా-ఉక్రెయిన్‌ మధ్య యుద్ధంపై ఐరోపా దేశాధినేతలతో స్టార్మర్ ఏర్పాటు చేసిన సమావేశానికి జెలెన్‌స్కీ హాజరవనున్నారు. తన పర్యటన సందర్భంగా బ్రిటన్‌ రాజు ఛార్లెస్‌తోనూ సమావేశమయ్యే అవకాశం ఉంది. జెలెన్‌స్కీ లండన్‌లోని 10-డౌనింగ్‌ స్ట్రీట్‌కు చేరుకున్నప్పుడు, స్టార్మర్ ఆయనకు హృదయపూర్వక స్వాగతం పలికారు. ఈ సందర్భంగా ఉక్రెయిన్‌కు తన సంపూర్ణ మద్దతును ప్రకటించారు.
Details
అమెరికాతో ఎలాంటి ఒప్పందం కుదరలేదు
అమెరికా ప్రతిపాదించిన శాంతి ఒప్పందంపై చర్చించేందుకు జెలెన్‌స్కీ వైట్‌హౌస్‌ వెళ్లారు. రష్యా యుద్ధానికి తెరదించేందుకు ఉక్రెయిన్‌లో అరుదైన ఖనిజాల తవ్వకానికి అనుమతి ఇవ్వాలని అమెరికా సూచించింది. అయితే భవిష్యత్తులో రష్యా దాడులు చేస్తే తమకు రక్షణ కల్పించాలని జెలెన్‌స్కీ ఒత్తిడి చేశారు. దీంతో ట్రంప్‌ ఆగ్రహంతో చర్చలు అర్థంతరంగా ముగిశాయి. ఎలాంటి ఒప్పందం కుదరకుండా జెలెన్‌స్కీ వైట్‌హౌస్‌ను వీడాడు.