Iran-Iraq: ఇరాన్ నుంచి ఇరాక్కు భారీగా నగదు.. విమానాన్ని అడ్డుకున్న అమెరికా?
ఈ వార్తాకథనం ఏంటి
ఇరాన్ నుంచి ఇరాక్కు భారీ మొత్తంలో నగదు తీసుకెళ్తున్న విమానాన్ని అమెరికా అడ్డుకున్నట్లు సమాచారం వెలువడింది. దాదాపు 500 మిలియన్ డాలర్ల విలువైన కరెన్సీని తరలిస్తున్న ఆ విమానాన్ని అమెరికా వైమానిక దళం మధ్యలోనే ఆపినట్లు అంతర్జాతీయ మీడియా కథనాలు చెబుతున్నాయి. అయితే ఈ ఘటనపై ఇరాన్ ఇప్పటి వరకు ఎలాంటి అధికారిక స్పందన ఇవ్వలేదు. ఇప్పటికే అమెరికా-ఇరాన్ మధ్య ఉద్రిక్తతలు మరింత పెరుగుతున్న పరిస్థితుల్లో, ఇరాక్లో కార్యకలాపాలు నిర్వహిస్తున్నఇరాన్ అనుకూల సాయుధ గుంపులకు ఆర్థిక సహాయం అందించడంపై అనుమానాలు వ్యక్తమవుతున్నాయి. ఈ సహాయం ద్వారా అక్కడి అమెరికా స్థావరాలపై దాడులకు ప్రోత్సాహం ఇస్తోందని పలు అంతర్జాతీయ నివేదికలు సూచిస్తున్నాయి. ఈ పరిణామాల నేపథ్యంలో,ఇరాక్కు అందిస్తున్న ఆర్థిక సహకారాన్ని అమెరికా నిలిపివేసినట్లు సమాచారం.
వివరాలు
అమెరికా ప్రయోజనాలను లక్ష్యంగా చేసుకోవడంపై అగ్రరాజ్యం కన్నెర్ర
పశ్చిమాసియాలో పెరుగుతున్న ఉద్రిక్తతల ప్రభావంతో ఇరాక్ గత కొంతకాలంగా అనేక సవాళ్లను ఎదుర్కొంటోంది. ముఖ్యంగా అమెరికా, ఇరాన్ చర్యలు ఆ దేశ పరిస్థితిని క్లిష్టంగా మార్చాయి. ఇరాక్ ప్రభుత్వం ప్రత్యక్షంగా ఇరాన్కు మద్దతు ప్రకటించకపోయినా, అక్కడ ఉన్న ఇరాన్ అనుచర గుంపులు అమెరికా ప్రయోజనాలను లక్ష్యంగా చేసుకోవడం వల్ల పరిస్థితి ఉద్రిక్తంగా మారుతోంది. దీనిపై ఆందోళన వ్యక్తం చేసిన అమెరికా, భద్రతా సహకారాన్ని కూడా తగ్గించినట్లు ఇరాక్ అధికార వర్గాలు వెల్లడించాయి.