USA: అమెరికాలో వీసా అక్రమాలపై దర్యాప్తు.. కాగ్నిజెంట్పై విచారణ
వ్రాసిన వారు
Moogati Shabari
Jul 09, 2026
09:22 am
ఈ వార్తాకథనం ఏంటి
అమెరికాలో హెచ్-1బీ (H-1B), పీఈఆర్ఎం (PERM) ఉద్యోగ వీసాలకు సంబంధించిన అక్రమాలపై ఫెడరల్ అధికారులు సమగ్ర దర్యాప్తు ప్రారంభించారు. ఈ విచారణలో భారతీయ ఐటీ దిగ్గజం కాగ్నిజెంట్ కూడా పరిశీలన ఎదుర్కొంటున్న సంస్థల జాబితాలో ఉందని అమెరికా ఫెడరల్ కార్మిక విభాగానికి చెందిన ఒక అధికారి వెల్లడించారు.
వివరాలు
బలవంతపు పద్ధతుల్లో లంచాలు వసూలు..
అమెరికా కార్మిక శాఖ పరిధిలో పనిచేసే ఇన్స్పెక్టర్ జనరల్ కార్యాలయం నిర్వహించిన ప్రాథమిక పరిశీలనలో, కొన్ని సంస్థలు, కార్మికుల నియామకంలో మధ్యవర్తులుగా వ్యవహరించే బ్రోకర్లు తప్పుడు సమాచారంతో వీసా దరఖాస్తులు సమర్పించినట్లు గుర్తించినట్లు వెల్లడించింది. అంతేకాకుండా, విదేశాల నుంచి ఉద్యోగాల కోసం వచ్చిన కార్మికుల వద్ద నుంచి అక్రమంగా, బలవంతపు పద్ధతుల్లో లంచాలు వసూలు చేసినట్లు కూడా దర్యాప్తులో వెలుగులోకి వచ్చినట్లు అధికారులు తెలిపారు.