గాజాలో బంధీగా ఉన్న ఇజ్రాయెల్ యువతి వీడియోను రిలీజ్ చేసిన హమాస్
ఇజ్రాయెల్-హమాస్ మధ్య భీకర యుద్ధం నడుస్తోంది. ఈ క్రమంలో హమాస్ మిలిటెంట్లు పలువురు ఇజ్రాయెల్ పౌరులను బంధీలుగా పట్టుకున్నారు. ఈ క్రమంలో గాజా స్ట్రిప్లో బంధీలుగా ఉన్న ఇజ్రాయెల్ పౌరుల వీడియోను హమాస్ మిలిటెంట్లు విడుదల చేసినట్లు జెరూసలేం పోస్ట్ నివేదించింది. ఓ యువతి చేయి విరగడంతో వైద్యం పొందుతున్న దృశ్యాలు హమాస్ రిలీజ్ చేసిన వీడియోలో కనపడుతుంది. బంధీగా ఉన్న ఆ యువతి తాను ఇజ్రాయెల్లోని షోహమ్కు చెందిన 21 ఏళ్ల మియా షెమ్గా వీడియోలో పరిచయం చేసుకుంది. తనను హమాస్ మిలిటెంట్లు జాగ్రత్తగా చూసుకుంటున్నట్లు పేర్కొంది. తన చేయి విరిగిన తర్వాత గాజాలో శస్త్రచికిత్స చేయించుకున్నానని, వీలైనంత త్వరగా ఇంటికి చేరుకోవాలని కోరుకుంటున్నట్లు ఆ యువతి పేర్కొంది.