BMW M340i: భారత్‌లో విడుదలైన అప్డేటెడ్ బిఎమ్‌డబ్ల్యూ ఎం340ఐ పెర్ఫార్మెన్స్ సెడాన్‌
ఈ వార్తాకథనం ఏంటి
బిఎమ్‌డబ్ల్యూ ఇండియా, ప్రముఖ లగ్జరీ కార్ల తయారీ సంస్థ, తన అప్డేటెడ్ బిఎమ్‌డబ్ల్యూ ఎం340ఐ పెర్ఫార్మెన్స్ సెడాన్‌ను భారతదేశంలో విడుదల చేసింది. ఈ కారు ధర రూ. 72.90 లక్షల (ఎక్స్-షోరూమ్)గా నిర్ణయించబడింది. బిఎమ్‌డబ్ల్యూ M340i నూతన డిజైన్ లో హెడ్‌ల్యాంప్‌లకు M లైట్ షాడోలైన్ ముగింపు, కాంట్రాస్ట్ రెడ్ బ్రేక్ కాలిపర్‌లతో 19-అంగుళాల జెట్-బ్లాక్ అల్లాయ్ వీల్స్ (995M), షార్పర్ బంపర్ డిజైన్, బ్లాక్ మెష్ కిడ్నీ గ్రిల్, డ్యూయల్-ఎగ్జాస్ట్ టిప్స్,బ్లాక్-అవుట్ ORVMలను కలిగి ఉంటుంది. ఈ కొత్త వెర్షన్‌లో చేర్చిన స్టైలింగ్ మార్పులు వాటి అందాన్ని పెంచుతున్నాయి.
వివరాలు
సరికొత్త OS8.5 ఆపరేటింగ్ ఇంటర్‌ఫేస్‌
ఇంటీరియర్ విషయానికి వస్తే, ఇందులో వెర్నాస్కా లెదర్ అప్హోల్స్టరీని నలుపు రంగులో డిజైన్ చేయడమే కాకుండా, కాంట్రాస్ట్ M హైలైట్‌లు కూడా ఉన్నవి. ధర రూ. 86,65,185 (ఎక్స్-షోరూమ్)గా నిర్ణయించబడింది. ఈ కారులో కొత్తగా పరిచయం చేయబడిన కర్వ్డ్ డిస్‌ప్లే ఇప్పుడు సరికొత్త OS8.5 ఆపరేటింగ్ ఇంటర్‌ఫేస్‌తో అందుబాటులో ఉంది. ఇతర మార్పుల్లో స్టీరింగ్ వీల్‌పై రెడ్ సెంటర్ మార్కర్, M హై గ్లోస్ షాడోలైన్, వ్యక్తిగత హెడ్‌లైనర్, ఇంటీరియర్ ట్రిమ్ అంత్రాసైట్ రంగులో ఉన్నాయి.
వివరాలు
స్పాయిలర్‌పై కార్బన్ ఫైబర్ ఫినిషర్
ఈ కారులో ప్రత్యేకమైన ఫీచర్లలో వెల్‌కమ్ లైట్ కార్పెట్, ఆరు డిమ్మబుల్ లైట్లతో కూడిన యాంబియంట్ లైటింగ్, మూడు-జోన్ క్లైమేట్ కంట్రోల్, 16-స్పీకర్ హర్మాన్ కార్డాన్ సౌండ్ సిస్టమ్, వెనుకవైపు 40:20:40 స్ప్లిట్ సీట్లు ఉన్నాయి. కస్టమర్‌లు M పనితీరు ఉపకరణాలను కూడా ఎంచుకోవచ్చు, వాటిలో స్పాయిలర్‌పై కార్బన్ ఫైబర్ ఫినిషర్, మెష్ కిడ్నీ గ్రిల్, M-బ్యాడ్జ్డ్ డోర్ పిన్స్, ఆల్కాంటారా ఆర్మ్‌రెస్ట్,50 జహ్రే M చిహ్నం ఉన్నాయి.
వివరాలు
8-స్పీడ్ ఆటోమేటిక్ గేర్‌బాక్స్
పవర్‌ట్రెయిన్ పరంగా, బిఎమ్‌డబ్ల్యూ M340i ఎటువంటి మార్పులు చేయలేదు.ఇది 3.0 లీటర్ టర్బోచార్జ్డ్ స్ట్రెయిట్ సిక్స్ ఇంజన్‌ను కలిగి ఉంది. ఇది సుమారు 374bhp శక్తిని, 500Nm టార్క్‌ను ఉత్పత్తి చేస్తుంది.ఈ ఇంజన్,8-స్పీడ్ ఆటోమేటిక్ గేర్‌బాక్స్ ద్వారా xDrive ఛానెల్ ద్వారా నాలుగు చక్రాలకు పవర్‌ను పంపిస్తే,కారు కేవలం 4.4 సెకన్లలో 0-100 కిమీ వేగాన్ని అందుకోగలుగుతుంది.