Hero Passion Plus: హీరో ప్యాషన్‌ 2025 మోడల్‌ విడుదల.. దీని ధర ఎంతంటే?
ఈ వార్తాకథనం ఏంటి
దేశంలోని ప్రముఖ ద్విచక్ర వాహన తయారీ సంస్థ హీరో మోటోకార్ప్ తన బైక్‌ల శ్రేణిలో తాజా మార్పులు చేస్తూ ముందుకెళ్తోంది. కేంద్ర ప్రభుత్వం ఏప్రిల్‌ 1, 2025 నుంచి అమల్లోకి తెచ్చిన బీఎస్6 ఫేజ్-2 ఓబీడీ-2బీ ఉద్గార నిబంధనలను అనుసరించే విధంగా,తన బైక్‌ మోడళ్లను ఒక్కొక్కటిగా విడుదల చేస్తోంది. ఈ క్రమంలో,ఇటీవలే 2025 ఎడిషన్‌ స్ప్లెండర్‌ ప్లస్‌ బైక్‌ను ప్రవేశపెట్టిన హీరో,ఇప్పుడు 2025 మోడల్‌ ప్యాషన్‌ ప్లస్‌ బైక్‌ను మార్కెట్‌లోకి తీసుకొచ్చింది. ఈ మోడల్‌ ధరను కంపెనీ రూ.81,651గా (ఎక్స్‌ షోరూమ్‌ ధర) నిర్ణయించింది.
వివరాలు
ఫీచర్లు
కొత్త ప్యాషన్‌ ప్లస్‌లో 97.2 సీసీ సామర్థ్యం గల సింగిల్‌ సిలిండర్‌ ఎయిర్ కూల్డ్‌ ఇంజిన్‌ను ఏర్పాటు చేశారు. ఇది గరిష్ఠంగా 8 హెచ్‌పీ పవర్‌, 8.05 ఎన్‌ఎం టార్క్‌ను ఉత్పత్తి చేయగలదు.4-స్పీడ్‌ గేర్‌బాక్స్‌తో పాటు, వెల్‌ మల్టీ ప్లేట్‌ క్లచ్‌ వ్యవస్థను ఇందులో ఉపయోగించారు. ఇది స్ప్లెండర్‌,హెచ్‌ఎఫ్‌ డీలక్స్‌ మోడళ్లలో కనిపించే అదే ఇంజిన్‌ ప్లాట్‌ఫాం మీద ఆధారపడినదే. రంగుల విషయానికి వస్తే, ఈ బైక్‌ బ్లాక్ నెక్సస్‌ బ్లూ, బ్లాక్ హెవీ గ్రే అనే రెండు ఆకర్షణీయమైన కలర్‌ ఆప్షన్లలో లభిస్తోంది. ఫీచర్ల విషయానికొస్తే,ప్యాషన్‌ ప్లస్‌ బైక్‌లో డిజిటల్‌, అనలాగ్‌ కలిపిన ఇన్‌స్ట్రుమెంట్‌ క్లస్టర్,ఐడల్‌ స్టాప్-స్టార్ట్‌ సిస్టమ్,సైడ్‌ స్టాండ్‌ ఇండికేటర్,మొబైల్‌ ఛార్జింగ్‌ పోర్ట్ వంటి ఉపయోగకరమైన సౌకర్యాలు అందుబాటులో ఉన్నాయి.
వివరాలు
తాజా మోడల్‌ ధర సుమారు రూ.1750 మేర ఎక్కువ
నిలువుగా టెలిస్కోపిక్‌ ఫ్రంట్‌ సస్పెన్షన్‌, వెనుక భాగంలో ట్విన్‌ ట్యూబ్‌ షాక్‌ అబ్జార్బర్లు అందించబడిన ఈ బైక్‌, ముందు, వెనుక డ్రమ్‌ బ్రేకులు మరియు 18 అంగుళాల అల్లాయ్‌ వీల్స్ కలిగి ఉంది. గత ఏడాది విడుదలైన మోడల్‌తో పోలిస్తే, తాజా మోడల్‌ ధర సుమారు రూ.1750 మేర ఎక్కువగా నిర్ణయించబడింది.