Skoda: భారత్‌లో 2026 స్కోడా కోడియాక్‌ లాంచ్.. ధర ఎంతంటే?

వ్రాసిన వారు Jayachandra Akuri

May 11, 2026

03:32 pm

ఈ వార్తాకథనం ఏంటి

స్కోడా భారత మార్కెట్లో 2026 మోడల్ స్కోడా కోడియాక్ ఎస్‌యూవీను అధికారికంగా విడుదల చేసింది. ఈ ప్రీమియం ఎస్‌యూవీ ప్రారంభ ఎక్స్‌షోరూమ్ ధర రూ.36.99 లక్షలుగా నిర్ణయించింది. గత మోడల్‌ డిజైన్‌ శైలిని కొనసాగించినప్పటికీ, కొత్త కోడియాక్‌లో ఆధునిక ఫీచర్లు, అడ్వాన్స్‌డ్ డ్రైవర్ అసిస్టెన్స్ సిస్టమ్‌ (ADAS), క్యాబిన్‌ అప్‌గ్రేడ్‌లు వంటి పలు మార్పులు చేశారు. కొత్త కోడియాక్‌ మూడు వేరియంట్లలో అందుబాటులోకి వచ్చింది. వాటిలో లాంజ్, స్పోర్ట్‌లైన్, సెలక్షన్ ఎల్&కె ఉన్నాయి.

వివరాలు

ఇంజిన్‌, పనితీరు

2026 స్కోడా కోడియాక్‌లో గత మోడల్‌లో ఉన్నదే 2.0 లీటర్‌, నాలుగు సిలిండర్ల టర్బో పెట్రోల్‌ ఇంజిన్‌ను కొనసాగించారు. దీనికి 7-స్పీడ్ డ్యూయల్ క్లచ్ ఆటోమేటిక్ ట్రాన్స్‌మిషన్‌ను జత చేశారు. ఈ పవర్‌ట్రెయిన్‌ గరిష్టంగా 204 హార్స్‌పవర్‌ శక్తి, 320Nm టార్క్‌ను ఉత్పత్తి చేస్తుంది. ఇంటీరియర్‌, కంఫర్ట్ ఫీచర్లు లాంజ్ వేరియంట్‌లో గ్రే సుడియా ఫ్యాబ్రిక్ అప్హోల్స్టరీని అందించారు. సెలక్షన్ L&K వేరియంట్‌లో ప్రీమియం కాగ్నాక్ లెదర్ అప్హోల్స్టరీతో పాటు ముందు సీట్లకు ఎర్గో ఫీచర్‌ను జోడించారు. ఈ సీట్లలో ప్న్యుమాటిక్ మసాజ్‌, వెంటిలేషన్‌, హీటింగ్‌, పవర్ అడ్జస్ట్‌మెంట్ వంటి సౌకర్యాలు ఉన్నాయి.

వివరాలు

టెక్నాలజీ, ADAS ఫీచర్లు

కొత్త కోడియాక్‌లో పెద్ద టచ్‌స్క్రీన్ ఇన్ఫోటైన్‌మెంట్ సిస్టమ్‌, డిజిటల్ ఇన్‌స్ట్రుమెంట్ క్లస్టర్‌ను అందించారు. అలాగే కనెక్టివిటీ ఫీచర్లను మెరుగుపరచడంతో పాటు స్మార్ట్‌ఫోన్ ఇంటిగ్రేషన్‌ను మరింత స్మూత్‌గా రూపొందించారు. ప్రత్యేకంగా Sportline వేరియంట్‌లో ఆధునిక ADAS ఫీచర్లు అందుబాటులో ఉన్నాయి. వీటిలో LED మ్యాట్రిక్స్ హెడ్‌ల్యాంప్స్ అడాప్టివ్ ఫ్రంట్-లైటింగ్ సిస్టమ్ (AFS) అడాప్టివ్ క్రూయిజ్ కంట్రోల్ హెచ్చరిక & బ్రేకింగ్‌తో ఫ్రంట్ అసిస్ట్ లేన్ అసిస్ట్ సైడ్ అసిస్ట్ (బ్లైండ్ స్పాట్ డిటెక్షన్, లెన్ చేంజ్ అసిస్టు) వంటి సదుపాయాలు ఉన్నాయి.

వివరాలు

ధరలు

2026 స్కోడా కోడియాక్‌ ధరలు ఇలా ఉన్నాయి: లాంజ్ - రూ.36.99 లక్షలు స్పోర్ట్‌లైన్ - రూ.44.99 లక్షలు సెలక్షన్ L&K - రూ.46.99 లక్షలు భారత మార్కెట్లో వోక్స్‌వ్యాగన్ టేరాన్, వోక్స్‌వ్యాగన్ టిగువాన్ ఆర్-లైన్, హ్యుందాయ్ టక్సన్, జీప్ మెరిడియన్, ఎంజి హెక్టర్ వంటి ఎస్‌యూవీలకు గట్టి పోటీ ఇవ్వాలనే లక్ష్యంతో స్కోడా ఈ కొత్త కోడియాక్‌ను తీసుకొచ్చింది. ముఖ్యంగా ADAS ఫీచర్లను జోడించడం కంపెనీకి భారత మార్కెట్లో కీలక అడుగుగా భావిస్తున్నారు.