సింగిల్ ఛార్జింగ్‌తో 600 కిలోమీటర్లు.. కొత్త ఈవీని విడుదల చేసిన ఆడి ఇండియా!
ఈ వార్తాకథనం ఏంటి
జర్మనీకి చెందిన విలాసవంతమైన కార్ల తయారీ సంస్థ ఆడీ దేశీయ మార్కెట్‌లో దూసుకెళ్తుతోంది. ఆ సంస్థ సరికొత్త ఈవీ మోడల్స్ ను మార్కెట్లోకి పరిచయం చేసింది. అంతర్జాతీయ మార్కెట్లోకి విడుదల చేసిన కొన్ని నెలల్లోనే ఇండియాలో ఈ మోడల్స్‌ను విడుదల చేయడం విశేషం. నాలుగు రకాల వేరియంట్లలో లభించనున్న ఈ మోడల్‌లో 50 ఈ- ట్రాన్ ధరను రూ. 1.13 కోట్లు, స్పోర్ట్ బ్యాక్ 55 ఈ- ట్రాన్ ధరను రూ.1.18 కోట్లు, 55 ఈ-ట్రాన్ ధర రూ.1.26 కోట్లు, టాప్ ఎండ్ క్యూ8 స్పోర్ట్స్ బ్యాక్ వెర్షన్ ధరను రూ.1.30 కోట్లుగా ఉంటుందని కంపెనీ వెల్లడించింది.
Details
ప్రయాణికుల భద్రత కోసం 8 ఎయిర్ బ్యాగులు
114 కిలోవాట్ అవర్ పెద్ద బ్యాటరీ కలిగిన క్యూ8 ఈ-ట్రాన్ ను ఒకసారి ఛార్జింగ్ చేస్తే 600 కిలోమీటర్ల వరకు ప్రయాణించవచ్చు. కేవలం 5.6 సెకన్లలోనే గంటకు 0-100 కిలోమీటర్ల వేగాన్ని అందుకోవచ్చు. ఇందులో క్యూ8 50 వెర్షన్ 95 కిలోవాట్ బ్యాటరీని ఒక్కసారి ఛార్జింగ్ చేయడం ద్వారా 505 కిలోమీటర్లు ప్రయాణిస్తుందని, అదే విధంగా 6 సెకన్లలోనే గంటలకు 0-100 కిలోమీటర్ల వేగాన్ని అందుకుంటుందని కంపెనీ పేర్కొంది. ప్రయాణికుల భద్రత కోసం కారులో 8 ఎయిర్ బ్యాగులు ఉండనున్నాయి. కాంప్లిమెంటరీ కింద 10 ఏండ్ల రోడ్‌ సైడ్‌ అసిస్టెన్స్‌, ఐదేండ్ల వ్యారెంటీ ఉండనుంది.