Keeway SR 125: రెట్రో లుక్లో అదిరిపోయే 125cc బైక్.. స్టైల్, ఫీచర్లకు ఫిదా అవ్వాల్సిందే..!
ఈ వార్తాకథనం ఏంటి
నియో-రెట్రో స్టైల్ బైక్లపై యువతలో ఆసక్తి రోజురోజుకూ పెరుగుతోంది. అయితే అలాంటి స్టైలిష్ లుక్ కోసం 150 సిసి లేదా అంతకంటే ఎక్కువ సెగ్మెంట్కి వెళ్లాల్సిన అవసరం లేదు. 125 సిసి విభాగంలోనే ఆకర్షణీయమైన డిజైన్తో ప్రత్యేక గుర్తింపు పొందిన మోడల్గా కీవే ఎస్ఆర్ 125 నిలుస్తోంది. చైనాకు చెందిన ద్విచక్ర వాహన తయారీ సంస్థ 'కివే' రూపొందించిన ఈ బైక్ను భారత్లో ఆదిశ్వర్ ఆటో రైడ్ ఇండియా విక్రయిస్తోంది. 2022లో మార్కెట్లోకి వచ్చిన ఈ మోడల్, ఇప్పటికీ యూనిక్ లుక్ కోరుకునే కస్టమర్లను ఆకర్షిస్తోంది. ఈ బైక్ క్లాసీ రెడ్, క్లాసీ వైట్, క్లాసీ బ్లాక్ రంగుల్లో లభిస్తోంది.
వివరాలు
ఈ బైకులో అధునాతన ఫీచర్లు
125 సిసి సింగిల్ సిలిండర్, ఎయిర్ కూల్డ్ ఇంజిన్తో వచ్చే ఈ బైక్ 9.7 హెచ్పీ పవర్, 8.2 ఎన్ఎమ్ టార్క్ ఉత్పత్తి చేస్తుంది. 5-స్పీడ్ గేర్బాక్స్తో కూడిన ఈ వాహనం గరిష్టంగా 100 కి.మీ/గం వేగాన్ని అందుకోగలదు. అయితే పనితీరు పరంగా చూస్తే, Honda Shine 125తో పోలిస్తే కొంత వెనుకబడినట్టు తెలుస్తోంది. షైన్ 125లో 10.7 హెచ్పీ పవర్, 11 ఎన్ఎమ్ టార్క్ లభిస్తుండగా, SR 125లో ఇవి తక్కువగా ఉన్నాయి. అంతేకాకుండా సుమారు 120 కిలోల బరువుతో ఈ బైక్ కొంచెం హెవీగా అనిపిస్తుంది.
వివరాలు
ధర కొంచెం ఎక్కువే
సస్పెన్షన్ విషయానికి వస్తే ముందు టెలిస్కోపిక్ ఫోర్క్, వెనుక భాగంలో 5-స్టెప్ అడ్జస్టబుల్ షాక్ అబ్జార్బర్ అందించారు. 17 అంగుళాల వైర్ స్పోక్ వీల్స్, డ్యూయల్ పర్పస్ టైర్లు, 300 మిమీ డిస్క్ బ్రేక్ వంటి ఫీచర్లు ఈ బైక్కు రఫ్ అండ్ క్లాసిక్ లుక్ను మరింత హైలైట్ చేస్తాయి. ధర విషయానికి వస్తే, ఈ బైక్ రూ.1.25 లక్షల ఎక్స్-షోరూమ్ ధరతో లభిస్తోంది. 125 సిసి సెగ్మెంట్లో ఇది కొంచెం అధిక ధరగానే ఉన్నప్పటికీ, ప్రత్యేకమైన డిజైన్ కోరుకునే వారికి మంచి ఎంపికగా నిలుస్తుంది. టీవీఎస్ రైడర్ 125, హోండా ఎస్పీ125, బజాజ్ పల్సర్ 125 వంటి మోడళ్లకు భిన్నమైన ప్రత్యామ్నాయంగా దీన్ని పరిగణించవచ్చు.
వివరాలు
మీ ప్రాంతంలో సర్వీస్ సౌకర్యాలను చెక్ చేసుకోవాలి
అయితే డీలర్షిప్లు పరిమితంగా ఉండటం, సర్వీస్ సెంటర్ల కొరత వంటి అంశాలు కొనుగోలు నిర్ణయంపై ప్రభావం చూపవచ్చు. కాబట్టి కొనుగోలు చేసే ముందు మీ ప్రాంతంలో సర్వీస్ సౌకర్యాలు అందుబాటులో ఉన్నాయో లేదో పరిశీలించడం ఉత్తమం.