భారతదేశంలో విభిన్న రైడింగ్ స్టైల్స్‌కు సరిపోయే ఉత్తమ క్రూయిజర్ బైక్స్ ఏంటో తెలుసుకుందాం
క్రూయిజర్ మోటార్‌సైకిళ్లు కేవలం లేడ్-బ్యాక్ రైడింగ్ స్టైల్ కోసం మాత్రమే అని కొనుగోలుదారులలో ఒక అభిప్రాయం ఉంది. ఈ క్రూయిజర్ సెగ్మెంట్ కొన్ని వర్గాలుగా విడదీస్తే, ఒకదానికొకటి చాలా భిన్నంగా ఉంటుంది. క్రూయిజర్ ఫార్మాట్‌కు ప్రత్యామ్నాయంగా రూపొందించిన "బాబర్" స్టైల్ సోలో రైడింగ్ కు బాగుంటుంది. బాబర్‌లు సాధారణంగా మెరుగైన నియంత్రణ కోసం ప్రత్యేక రైడింగ్ పొజిషన్‌తో వస్తాయి. ఈ కేటగిరీలో జావా పెరాక్, 42 బాబర్ బైక్స్ వస్తాయి. పవర్ క్రూయిజర్‌లు సాధారణ క్రూయిజర్ మోటార్‌సైకిళ్లు, స్ట్రీట్‌ఫైటర్ ఫీచర్స్ తో కలిపి వస్తాయి. కొంచెం రిలాక్స్డ్ రైడింగ్ స్టాన్స్‌ని, హై-స్పీడ్ కార్నర్-కార్వింగ్ రైడ్‌ల కావాలనుకుంటే, ఖచ్చితంగా పవర్ క్రూయిజర్‌ను ఎంచుకోవాలి. ఇందులో బజాజ్ డోమినార్ 400, బెనెల్లీ 502C బైక్స్ వస్తాయి.
క్లాసిక్ క్రూయిజర్, క్రూయిజర్ సెగ్మెంట్‌లో రిలాక్స్డ్, హైవే రన్‌ల కోసం రైడింగ్ స్టాన్స్‌ అందిస్తుంది
కేఫ్ రేసర్లు శక్తివంతమైన, తేలికైన మోటార్‌సైకిళ్లు, ఇందులో స్పోర్ట్స్ బైక్, క్రూయిజర్ ఫీచర్స్ ఉంటాయి. సుదూర ప్రయాణ సామర్థ్యాలతో పాటు ప్రత్యేక రైడింగ్ పొజిషన్‌తో, ఈ బైక్‌లు స్పోర్టీ క్రూయిజర్ సెగ్మెంట్‌లో ఉన్నాయి. ఇందులో రాయల్ ఎన్‌ఫీల్డ్ కాంటినెంటల్ GT 650, హోండా CB350RS వంటి బైక్స్ వస్తాయి. . క్లాసిక్ క్రూయిజర్, క్రూయిజర్ సెగ్మెంట్‌లో రిలాక్స్డ్, హైవే రన్‌ల కోసం లేడ్-బ్యాక్, ఫుట్-ఫార్వర్డ్-టైప్ రైడింగ్ స్టాన్స్‌ను అందిస్తుంది. ఈ బైక్‌లలో సాధారణంగా పొడవైన వీల్‌బేస్‌ ఉంటాయి, ఇది రైడర్‌కు లాంజ్ లాంటి సీటింగ్ అనుభవాన్ని అందిస్తుంది. ఇందులో కవాసకి వల్కాన్ S, రాయల్ ఎన్‌ఫీల్డ్ సూపర్ మెటోర్ 650, బజాజ్ అవెంజర్ క్రూయిస్ 220 వస్తాయి.
