Eblu Feo X: ఫ్యామిలీ కోసం బెస్ట్ EV స్కూటర్.. 5-ఇయర్స్ వారంటీ, అద్భుతమైన ఫీచర్లు

వ్రాసిన వారు Jayachandra Akuri

Mar 11, 2025

11:50 am

ఈ వార్తాకథనం ఏంటి

భారతదేశంలో ఎలక్ట్రిక్ వాహనాల (EVs) క్రేజ్ రోజు రోజుకు పెరుగుతోంది. పెట్రోల్ ధరల పెరుగుదల, పర్యావరణ పరిరక్షణపై పెరుగుతున్న అవగాహన, ప్రభుత్వ ప్రోత్సాహకాలు వల్ల ప్రజలు ఎక్కువగా ఎలక్ట్రిక్ టూవీలర్ల వైపు ఆకర్షితులవుతున్నారు. ప్రస్తుతం మార్కెట్లో హీరో, బజాజ్, ఓలా, ఏథర్ వంటి ప్రముఖ కంపెనీలు తమ ఉనికిని కొనసాగిస్తున్నాయి. అయితే వీటికి పోటీగా చిన్న కంపెనీలు కూడా తక్కువ ధరలో మంచి ఫీచర్లు కలిగిన ఎలక్ట్రిక్ స్కూటర్లను విడుదల చేస్తూ మార్కెట్‌ను ఆకర్షిస్తున్నాయి.

Details

ఎక్స్-షోరూమ్ ధర రూ. 99,999

ఈ నేపథ్యంలో దేశీయ ఎలక్ట్రిక్ వాహన తయారీ సంస్థ గోదావరి ఎలక్ట్రిక్ మోటార్స్ తన కొత్త మోడల్ Eblu Feo Xని భారత మార్కెట్లోకి విడుదల చేసింది. స్కూటర్‌ను 2024లో భారత్ మొబిలిటీ గ్లోబల్ ఎక్స్‌పోలో ప్రదర్శించగా, మార్కెట్లోకి వచ్చినప్పటి నుంచే మంచి ఆదరణను అందుకుంది. ఇప్పుడు, 2025లో ఈ స్కూటర్ కొత్త వెర్షన్‌తో లాంచ్ చేశారు. ఈ ఎలక్ట్రిక్ స్కూటర్‌ను రూ. 99,999 ఎక్స్-షోరూమ్ ధరకు అందుబాటులోకి తెచ్చారు. ఈ స్కూటర్ పాంటోన్ బ్లూ, వైన్ రెడ్, జెట్ బ్లాక్, టెలిగ్రే, ట్రాఫిక్ వైట్ వంటి ఐదు రంగుల్లో లభిస్తుంది.

Details

Eblu Feo X ప్రత్యేకతలు

7.4-అంగుళాల మల్టీ-కలర్ TFT ఇన్స్ట్రుమెంట్ కన్సోల్ బ్లూటూత్ కనెక్టివిటీ, కాల్ అలర్ట్, టైప్-C USB ఛార్జింగ్ పోర్ట్ పూర్తిగా LED లైటింగ్, టెలిస్కోపిక్ ఫ్రంట్ సస్పెన్షన్ సెటప్ కాంబి బ్రేకింగ్ సిస్టమ్ (CBS), డిస్క్ బ్రేక్‌లు 28 లీటర్ల స్టోరేజ్ సామర్థ్యం 12-అంగుళాల ట్యూబ్‌లెస్ అల్లాయ్ వీల్స్ ఎకో, నార్మల్, పవర్ అనే మూడు రైడింగ్ మోడ్స్, అదనంగా రివర్స్ మోడ్

Details

బ్యాటరీ & మైలేజ్

2.36 kWh బ్యాటరీ ప్యాక్ - టాప్ స్పీడ్: 60 kmph ఫుల్ ఛార్జ్‌పై 110 కి.మీ రేంజ్ 60V హోమ్ ఛార్జర్‌తో 5 గంటల 25 నిమిషాల్లో పూర్తిగా ఛార్జ్ అవుతుంది 5 సంవత్సరాల లేదా 50,000 కి.మీ వారంటీ ప్రస్తుతం Eblu Feo X స్కూటర్‌కు ప్రీ-ఆర్డర్లు ఎక్కువగా వస్తున్నాయని సమాచారం. టాప్-క్లాస్ ఫీచర్లు, స్టైలిష్ డిజైన్, మంచి బ్యాటరీ సామర్థ్యంతో ఈ స్కూటర్ EV మార్కెట్లో మరింత విజయాన్ని సాధించే అవకాశముంది.