BMW R 12 G/S: భారత్లో లాంచైన బిఎండబ్ల్యూ ఆర్ 12 G/S బైక్...ధర ఎంతో తెలుసా?
ఈ వార్తాకథనం ఏంటి
ప్రీమియం బైక్ ప్రియులను ఆకట్టుకునేలా బిఎండబ్ల్యూ Motorrad కొత్త R 12 G/Sను భారత మార్కెట్లో విడుదల చేసింది. ఈ బైక్ ప్రారంభ ఎక్స్షోరూమ్ ధర రూ.25.40 లక్షలు. ప్రస్తుతం ఇది కేవలం Pro వేరియంట్లోనే పూర్తిగా విదేశాల్లో తయారై భారత్కు దిగుమతి అయ్యే CBU మోడల్గా అందుబాటులో ఉంది. బైక్ డెలివరీలు కూడా వెంటనే ప్రారంభమయ్యాయి. 1980లో సిరీస్ ప్రొడక్షన్లోకి వచ్చిన BMW R 80 G/S నుంచి స్ఫూర్తి పొందిన ఈ కొత్త మోడల్.. బాక్సర్ ఇంజిన్, షాఫ్ట్ డ్రైవ్, ఎండ్యూరో ఛాసిస్తో ప్రత్యేకంగా నిలుస్తోంది.
Details
1,170cc బాక్సర్ ఇంజిన్తో పవర్ఫుల్ రైడ్
BMW R 12 G/Sలో ఎయిర్, ఆయిల్ కూల్డ్ 1,170cc బాక్సర్ ఇంజిన్ను అమర్చారు. ఇది 7,000 rpm వద్ద 109 hp పవర్, 6,500 rpm వద్ద 115 Nm టార్క్ ఉత్పత్తి చేస్తుంది.
101mm బోర్, 73mm స్ట్రోక్తో రూపొందించిన ఈ ఇంజిన్కు ఎడమవైపు ఎగ్జాస్ట్ సిస్టమ్ ఇచ్చారు. వెనుక చక్రానికి పవర్ను షాఫ్ట్ డ్రైవ్ ద్వారా అందిస్తుంది.
అంటే రోడ్డుపై వేగంతో పాటు కఠినమైన మార్గాల్లోనూ బైక్ సామర్థ్యాన్ని చూపించేలా ఇంజిన్, డ్రైవ్ట్రెయిన్ను రూపొందించారు.
Details
21 అంగుళాల వీల్.. ఆఫ్రోడ్ కోసం ప్రత్యేక సెటప్
ఈ బైక్లో ట్యూబ్యులర్ స్టీల్ స్పేస్ఫ్రేమ్, బోల్టెడ్ రియర్ ఫ్రేమ్ను ఉపయోగించారు.
ముందు భాగంలో 21-అంగుళాల వీల్ స్టాండర్డ్గా వస్తుంది. ఎండ్యూరో ప్యాకేజీ తీసుకుంటే వెనుకవైపు 18-అంగుళాల వీల్ లభిస్తుంది.
రెండింటికీ క్రాస్-స్పోక్ డిజైన్ ఉంటుంది. సస్పెన్షన్ విషయానికి వస్తే ముందు 45mm పూర్తిగా అడ్జస్టబుల్ USD ఫోర్క్తో 210mm ట్రావెల్, వెనుక Paralever స్వింగార్మ్తో 200mm ట్రావెల్ అందించారు.
దీంతో రాళ్లు, గుంతలు, అసమాన రోడ్లపై బైక్ నియంత్రణ మెరుగ్గా ఉండేలా సెటప్ చేశారు.
Details
రైడింగ్ మోడ్లు.. సేఫ్టీ ఫీచర్లకు ప్రాధాన్యం
BMW R 12 G/Sలో Rain, Road, Enduro అనే మూడు రైడింగ్ మోడ్లు స్టాండర్డ్గా వస్తాయి.
ఎండ్యూరో ప్యాకేజీతో Enduro Pro మోడ్ కూడా లభిస్తుంది. Dynamic Traction Control, Engine Drag Torque Control వంటి సేఫ్టీ ఫీచర్లు ఉన్నాయి.
ముందు 310mm డ్యూయల్ డిస్క్లు, వెనుక 265mm డిస్క్ బ్రేక్ ఇచ్చారు. ABS Pro కూడా స్టాండర్డ్.
Comfort Packageలో Shift Assistant Pro, Hill Start Control, క్రూయిజ్ కంట్రోల్, హీటెడ్ గ్రిప్స్ వంటి ఫీచర్లు ఉన్నాయి. దీంతో రూ.25.40 లక్షల ధరకు ఈ బైక్ ప్రీమియం అడ్వెంచర్ సెగ్మెంట్లో గట్టి పోటీ ఇవ్వనుంది.