Dakar Rally: డాకర్ ర్యాలీ అభిమానులకు షాక్.. 2027 రేస్‌ నుంచి సౌదీ ఔట్
ఈ వార్తాకథనం ఏంటి
డాకర్ ర్యాలీ అభిమానులకు షాక్.. 2027 రేస్‌ నుంచి సౌదీ ఔట్.. అయితే ర్యాలీకి బ్రేక్ పడలేదు. భద్రతా పరిస్థితుల నేపథ్యంలో వచ్చే ఏడాది జనవరిలో జరగాల్సిన ఈ అంతర్జాతీయ మోటార్ స్పోర్ట్స్ ఈవెంట్‌ను సౌదీ అరేబియా నుంచి మరో ప్రాంతానికి తరలించాలని నిర్వాహకులు నిర్ణయించారు. అయితే 2028లో మాత్రం డాకర్ ర్యాలీ మళ్లీ సౌదీ గడ్డపైకి అడుగుపెట్టనుంది. అది కూడా ర్యాలీ చరిత్రలో ఎంతో ప్రత్యేకమైన 50వ ఎడిషన్‌తో కావడం విశేషం.
Details
2027 ర్యాలీకి కొత్త వేదిక
ప్రపంచ మోటార్ స్పోర్ట్స్ సమాఖ్య (FIA) అక్టోబర్ 25న ఈ విషయాన్ని అధికారికంగా వెల్లడించింది.
2027 జనవరి 1 నుంచి 15 వరకు సౌదీ అరేబియాలో జరగాల్సిన డాకర్ ర్యాలీని మరో ప్రాంతంలో నిర్వహించనున్నట్లు ప్రకటించింది.
ఇటీవల ప్రాంతంలో చోటుచేసుకున్న పరిణామాల నేపథ్యంలో ఈ నిర్ణయం తీసుకున్నట్లు తెలిపింది.
అమౌరీ స్పోర్ట్ ఆర్గనైజేషన్ (A.S.O.), సౌదీ మోటార్‌స్పోర్ట్స్ కంపెనీ (SMC) సంయుక్తంగా ఈ మార్పును ప్రకటించాయి.
సౌదీ ఆటోమొబైల్ అండ్ మోటార్‌సైకిల్ ఫెడరేషన్ (SAMF) సమన్వయంతో, FIA, FIM మద్దతుతో ఈ నిర్ణయం తీసుకున్నట్లు వెల్లడించాయి.
అయితే 2027 డాకర్ ర్యాలీ యథావిధిగా కొనసాగనుంది. కొత్త వేదికను రాబోయే రోజుల్లో ప్రకటించనున్నారు.
డ్రైవర్లు, జట్లు, భాగస్వాములకు సహకారం అందించేందుకు A.S.O. సంప్రదింపులు జరుపుతోంది.
Details
2028లో 50వ ఎడిషన్‌తో తిరిగి రాక
2028లో డాకర్ ర్యాలీకి సౌదీ అరేబియా ఆతిథ్యం ఇవ్వనుంది. ఆ ఏడాది జరిగేది ర్యాలీ 50వ ఎడిషన్ కావడంతో నిర్వాహకులు దీనిని ప్రత్యేకంగా నిర్వహించేందుకు సిద్ధమవుతున్నారు.
2020 నుంచి వరుసగా ఏడేళ్ల పాటు సౌదీ అరేబియా డాకర్ ర్యాలీకి వేదికగా నిలిచింది.
ప్రపంచవ్యాప్తంగా ఉన్న పోటీదారులకు అక్కడి ఎడారి మార్గాలు, భౌగోళిక వైవిధ్యం సరికొత్త సవాళ్లను విసిరాయి.
తాజా నిర్ణయం ఒక్క ఏడాదికి మాత్రమే పరిమితమని, సౌదీతో తమ దీర్ఘకాల భాగస్వామ్యం కొనసాగుతుందని నిర్వాహకులు స్పష్టం చేశారు.