Ferrari: ఫెరారీ హైపర్ కార్ F250 వచ్చేస్తోంది.. ఫీచర్లు చూస్తే వావ్ అనాల్సిందే!
అద్భుతమైన, శక్తివంతమైన కార్లకు ఫెరారీ (Ferrari)బ్రాండ్ పెట్టింది పేరు. ఈ ఇటాలియన్ కారు బ్రాండ్ అందించే కార్లకు ప్రపంచవ్యాప్తంగా అభిమానులు ఉన్నారు. తాజాగా ఫెరారీ F250 జర్మనీలో రోడ్ల మీద తిరుగుతున్నట్లు గుర్తించారు. ఫెరారీ లోగోను బ్రేక్ కాలిపర్‌లపై చూడొచ్చు. అయితే ప్రోటోటైప్‌లో SF90 నుండి క్వాడ్ టెయిల్‌లైట్లు, రౌండ్ ఎగ్జాస్ట్ ఫీచర్లు ఉన్నాయి. ఫెరారీ తన ఫ్లాగ్‌షిప్ మోడల్ కోసం V12 ఇంజిన్‌ను V6తో భర్తీ చేయవచ్చని పుకార్లు కూడా ఉన్నాయి.
ఫెరారీ ప్రోటోటైప్ 2024లో ఆవిష్కరణ
ఫెరారీ 599 కూపేలు, 199 కన్వర్టిబుల్స్ ఉత్పత్తితో 2024లో F250ని ఆవిష్కరించాలని చూస్తోంది. 30 యూనిట్లకు పరిమితం చేయబడిన మరింత ఉగ్రమైన XX వేరియంట్ కూడా ఉండనుంది. ఫెరారీ ప్రొడక్షన్ రన్ ఇప్పటికే రిజర్వ్ ను చేశారు. F250 ప్రోటోటైప్ ఫెరారీ 2024లో విడుదల కానున్నట్లు తెలుస్తోంది. ఇది అద్భుతమైన ఏరోడైనమిక్స్, హైబ్రిడ్ పవర్‌ట్రెయిన్‌తో ఈ వాహనం ఆటోమోటివ్ ప్రపంచంలో సంచనాలను సృష్టించడం ఖాయమని సంస్థ భావిస్తోంది.
