Ferrari HC25: ఫ్యూచరిస్టిక్ లుక్తో అదిరిపోయిన HC25.. కొత్త డిజైన్తో ఆకట్టుకుంటున్న ఫెరారీ!
ఈ వార్తాకథనం ఏంటి
ఇటాలియన్ లగ్జరీ స్పోర్ట్స్ కార్ల దిగ్గజం ఫెరారీ తన స్పెషల్ ప్రాజెక్ట్స్ డివిజన్ కింద రూపొందించిన ప్రత్యేక వన్-ఆఫ్ సూపర్కార్ ఫెరారీ HC25ను అధికారికంగా ఆవిష్కరించింది. ఈ ప్రత్యేక మోడల్ అమెరికాలోని Circuit of the Americasలో నిర్వహించిన ఫెరారీ రేసింగ్ డేస్ ఈవెంట్లో తొలిసారి ప్రజల ముందుకు వచ్చింది. ఈ సూపర్కార్ను ఫెరారీ F8 స్పైడర్ ప్లాట్ఫామ్ ఆధారంగా అభివృద్ధి చేశారు. ఫెరారీ HC25ను కేవలం ఒక ప్రత్యేక కస్టమర్ కోసం మాత్రమే డిజైన్ చేశారు. ఫెరారీ డిజైన్ స్టూడియో ఆధ్వర్యంలో, చీఫ్ డిజైన్ ఆఫీసర్ ఫ్లావియో మాన్జోని నేతృత్వంలో ఈ కారు రూపుదిద్దుకుంది.
వివరాలు
షార్ప్, ఫ్యూచరిస్టిక్ లుక్
ఈ మోడల్కు ప్రత్యేక ప్రాధాన్యం ఉండటానికి ప్రధాన కారణం, ఇది ఫెరారీ రూపొందించిన చివరి నాన్-హైబ్రిడ్ ట్విన్-టర్బో V8 ఓపెన్-టాప్ మోడల్ అయిన F8 Spider ఆధారంగా నిర్మించబడటమే. ఫెరారీ తెలిపిన ప్రకారం, HC25 పాత మిడ్-ఇంజిన్ V8 ఫెరారీ కార్ల డిజైన్ శైలికి, కొత్త తరం ఫెరారీ F80, ఫెరారీ 12Cilindri మోడళ్ల ఆధునిక డిజైన్ భాషకు మధ్య వారధిలా పనిచేస్తుంది. డిజైన్ పరంగా చూస్తే, స్టాండర్డ్ F8 స్పైడర్తో పోలిస్తే ఫెరారీ HC25కు పూర్తిగా కొత్త బాడీవర్క్ను అందించారు. మరింత షార్ప్, ఫ్యూచరిస్టిక్ లుక్తో దీన్ని తీర్చిదిద్దారు. కార్ మధ్య భాగంలో గ్లోసీ బ్లాక్ ఫినిష్ను ఉపయోగించి, అందులో రేడియేటర్ ఇంటేక్స్, కూలింగ్ అవుట్లెట్స్ను సమగ్రంగా అమర్చారు.
వివరాలు
వర్టికల్ డీఆర్ఎల్ సెటప్ను ఉపయోగించడం ఇదే తొలిసారి
ఈ డిజైన్ వల్ల కార్ ముందు, వెనుక భాగాలు స్పష్టంగా వేరుగా కనిపిస్తాయి. అలాగే వెనుక భాగం నుంచి డోర్ల వరకు, రియర్ స్క్రీన్ వైపు వెళ్లే ప్రత్యేక ఆరో-ఇన్స్పైర్డ్ డిజైన్ను కూడా ఫెరారీ జోడించింది. ఫ్రంట్లో సన్నని కస్టమ్ హెడ్ల్యాంప్స్ను అమర్చగా, వాటిలో వర్టికల్గా అమర్చిన బూమరాంగ్ ఆకారంలోని DRLs ప్రత్యేక ఆకర్షణగా నిలుస్తున్నాయి. రోడ్పై నడిచే ఫెరారీ కార్లలో వర్టికల్ డీఆర్ఎల్ సెటప్ను ఉపయోగించడం ఇదే తొలిసారి. వెనుక భాగంలో స్లిమ్ ఎల్ఈడీ టెయిల్ ల్యాంప్స్, కొత్త కార్బన్ ఫైబర్ డిఫ్యూజర్, ట్విన్ ట్రాపిజోయిడల్ ఎగ్జాస్ట్ అవుట్లెట్స్ను అందించారు.
వివరాలు
అధునాతన ఫీచర్లు ఇవే
ఈ వన్-ఆఫ్ సూపర్కార్ను మ్యాట్ మూన్లైట్ గ్రే కలర్లో ఫినిష్ చేయగా, ప్రత్యేకంగా రూపొందించిన ఫైవ్-స్పోక్ అలాయ్ వీల్స్ను అమర్చారు. ఇంటీరియర్ విషయానికి వస్తే, ఫెరారీ HC25లో F8 స్పైడర్ క్యాబిన్ లేఅవుట్ను కొనసాగించారు. అయితే ఇందులో కొత్త గ్రే-అండ్-యెల్లో థీమ్ను అందించారు. సీట్లు, డ్యాష్బోర్డ్, స్టిచింగ్లపై పసుపు రంగు హైలైట్స్ను ఉపయోగించారు. ఇవి ఫెరారీ ఐకానిక్ లోగో, బ్రేక్ కాలిపర్స్ నుంచి ప్రేరణ పొందినవిగా కంపెనీ తెలిపింది. అలాగే DRLsలో కనిపించే బూమరాంగ్ గ్రాఫిక్స్ను ఇంటీరియర్లో కూడా కొనసాగించారు.