Indian Motorcycle 125th anniversary: ఇండియన్ మోటార్సైకిల్ 125వ వార్షికోత్సవం.. ప్రత్యేక హ్యాండ్పెయింటెడ్ బైక్ల విడుదల
ఈ వార్తాకథనం ఏంటి
అమెరికాకు చెందిన ప్రముఖ బైక్ తయారీ సంస్థ ఇండియన్ మోటార్సైకిల్ తమ 125వ వార్షికోత్సవాన్ని పురస్కరించుకుని ప్రత్యేకంగా హ్యాండ్పెయింటెడ్ లిమిటెడ్ ఎడిషన్ బైక్లను విడుదల చేసింది. ఈ ప్రత్యేక లైన్అప్లో ఇండియన్ చీఫ్ వింటేజ్ 125వ యానివర్సరీ ఎడిషన్, ఇండియన్ స్కౌట్ బాబర్ 125వ యానివర్సరీ ఎడిషన్, ఇండియన్ ఛాలెంజర్ 125వ యానివర్సరీ ఎడిషన్ మోడళ్లు ఉన్నాయి. ప్రతి బైక్కి ప్రత్యేకమైన ఎరుపు-నలుపు కలర్ కాంబినేషన్తో పాటు పిన్ స్ట్రైప్స్, ఎక్స్క్లూజివ్ బ్యాడ్జింగ్, వ్యక్తిగత సీరియల్ నంబర్ ప్లేట్ ఇవ్వబడింది. చీఫ్ వింటేజ్,ఛాలెంజర్ యానివర్సరీ ఎడిషన్లు ప్రపంచవ్యాప్తంగా కేవలం 250 యూనిట్లు మాత్రమే అందుబాటులో ఉంటాయి.
వివరాలు
అన్ని బైక్లలో 'రైడ్ కమాండ్+' టచ్స్క్రీన్ సిస్టమ్
స్కౌట్ బాబర్ మాత్రం 450 యూనిట్ల వరకు తయారు చేయనున్నారు. ప్రత్యేక బ్యాడ్జింగ్ తప్ప మెకానికల్గా ఇవి సాధారణ మోడళ్లతో సమానంగానే ఉంటాయి. అన్ని బైక్లలో 'రైడ్ కమాండ్+' టచ్స్క్రీన్ సిస్టమ్ను అందించారు. చీఫ్, స్కౌట్ మోడళ్లలో 4 అంగుళాల స్క్రీన్ ఉండగా, ఛాలెంజర్లో 7 అంగుళాల పెద్ద డిస్ప్లే ఉంటుంది. మార్కెట్ను బట్టి నావిగేషన్, రైడ్ సమాచారం, వాహనం లొకేటర్, మెయింటెనెన్స్ అలర్ట్స్, బ్లూటూత్ కనెక్టివిటీ వంటి ఫీచర్లు అందుబాటులో ఉంటాయి. చీఫ్ వింటేజ్ మోడల్ క్లాసిక్ క్రూయిజర్ స్టైల్కు గుర్తుగా వైర్ వీల్స్, విన్టేజ్ హ్యాండిల్బార్, ఫ్లోటింగ్ సీట్తో వస్తుంది.
వివరాలు
ఛాలెంజర్ మోడల్ పవర్ప్లస్'లో 112 లిక్విడ్ కూల్డ్ ఇంజిన్
ఇందులో థండర్స్ట్రోక్ 116 వి-ట్విన్ ఇంజిన్ ఉండి 156 న్యూటన్ మీటర్ల టార్క్ ఇస్తుంది. స్కౌట్ బాబర్ స్పోర్టీ లుక్తో 1,250 సీసీ లిక్విడ్ కూల్డ్ ఇంజిన్ ద్వారా 111 హార్స్ పవర్ శక్తిని అందిస్తుంది. సెలెక్టబుల్ రైడ్ మోడ్లు కూడా ఇందులో ఉన్నాయి. ఇక ఛాలెంజర్ మోడల్ పవర్ప్లస్ 112 లిక్విడ్ కూల్డ్ ఇంజిన్తో వచ్చి గాలి రక్షణ కోసం చాసిస్ మౌంటెడ్ ఫెయిరింగ్ కలిగి ఉంటుంది. ప్రీమియం ఆడియో సిస్టమ్, పాలిష్డ్ ఫ్లోర్బోర్డ్స్, బ్యాక్లిట్ స్విచ్లు, ప్రత్యేకంగా కుట్టిన సీటుతో ఈ యానివర్సరీ ఎడిషన్ ప్రత్యేక ఆకర్షణగా నిలుస్తోంది.