Mahindra Scorpio N facelift : నూతన లుక్లో మహీంద్రా స్కార్పియో N.. పనోరమిక్ సన్రూఫ్తో అదిరిపోయే అప్డేట్!
ఈ వార్తాకథనం ఏంటి
భారతీయ ఆటో మొబైల్ మార్కెట్లో 'బిగ్ డాడీ ఆఫ్ ఎస్యూవీ'గా గుర్తింపు పొందిన మహీంద్రా స్కార్పియో N త్వరలోనే కొత్త అవతార్లో ప్రేక్షకుల ముందుకు రానుంది. 2022లో తొలిసారిగా మార్కెట్లోకి వచ్చిన ఈ లాడర్-ఫ్రేమ్ ఎస్యూవీ ఇప్పుడు మిడ్-సైకిల్ అప్డేట్ (ఫేస్లిఫ్ట్) రూపంలో పలు కీలక మార్పులతో విడుదలకు సిద్ధమవుతోంది. ఇటీవల రాజస్థాన్లోని జైసల్మేర్ పరిసర ప్రాంతాల్లో తీవ్రమైన వేడి వాతావరణంలో, వివిధ రకాల రోడ్లపై ఈ కొత్త మోడల్ను మహీంద్రా పరీక్షిస్తున్న సమయంలో స్పై ఫోటోలు, వీడియోలు బయటకు వచ్చాయి. ప్రస్తుతం అవి సోషల్ మీడియాలో వైరల్ అవుతున్నాయి.
వివరాలు
ఫ్రంట్ డిజైన్లో కొత్త మార్పులు
లీకైన సమాచారం ప్రకారం, స్కార్పియో N ఫేస్లిఫ్ట్ ముందు భాగంలో పలు డిజైన్ అప్డేట్లు కనిపించనున్నాయి. మహీంద్రా గతంలో ప్రదర్శించిన 'విజన్.ఎస్' కాన్సెప్ట్ మోడల్ను ఆధారంగా తీసుకుని హారిజాంటల్ స్లాట్స్తో కూడిన కొత్త ఫ్రంట్ గ్రిల్ను అందించే అవకాశం ఉంది. అదే సమయంలో ఫ్రంట్ బంపర్, హెడ్ల్యాంప్స్, ఎయిర్ ఇన్టేక్ ప్రాంతాలను మరింత స్టైలిష్గా రీడిజైన్ చేసినట్లు తెలుస్తోంది. ఈ మార్పుల వల్ల స్కార్పియో Nకు మరింత ప్రీమియం, అగ్రెసివ్ లుక్ రానుందని ఆటోమొబైల్ నిపుణులు అంచనా వేస్తున్నారు.
వివరాలు
కొత్త అలాయ్ వీల్స్.. రియర్ డిజైన్లో స్వల్ప మార్పులు
వాహనం సైడ్ ప్రొఫైల్లో కొత్తగా డిజైన్ చేసిన 18 అంగుళాల అలాయ్ వీల్స్ ప్రత్యేక ఆకర్షణగా నిలవనున్నాయి. వెనుక భాగంలో టెయిల్ ల్యాంప్స్, బంపర్లో స్వల్ప మార్పులు మాత్రమే కనిపించనున్నాయి. మిగతా బాడీ లైన్స్ మాత్రం ప్రస్తుత మోడల్ తరహాలోనే కొనసాగనున్నాయి. టెస్టింగ్ సమయంలో వాహనం పూర్తిగా కవర్ చేసి ఉన్నప్పటికీ, ఇది పూర్తిస్థాయి రీడిజైన్ కాదని, స్మార్ట్ ఫేస్లిఫ్ట్ మాత్రమేనని స్పష్టమవుతోంది.
వివరాలు
ఇంటీరియర్లో భారీ మార్పులు
ఎక్స్టీరియర్ కంటే ఇంటీరియర్లోనే మహీంద్రా ఎక్కువ అప్డేట్లు తీసుకురానుంది. డ్యాష్బోర్డ్ డిజైన్ను పూర్తిగా రీడిజైన్ చేసినట్లు సమాచారం. ప్రస్తుతం ఉన్న వర్టికల్ ఏసీ వెంట్స్ స్థానంలో కొత్త హారిజాంటల్ ఏసీ వెంట్స్ను అందించనున్నారు. అలాగే ప్రస్తుతం ఉన్న చిన్న ఇన్ఫోటైన్మెంట్ స్క్రీన్ స్థానంలో థార్ రాక్స్ మోడల్లో ఉన్నట్లుగా 10.25 అంగుళాల పెద్ద ఫ్లోటింగ్ టచ్స్క్రీన్ను అమర్చనున్నారు. డ్రైవర్ కోసం ప్రస్తుతం అందిస్తున్న సెమీ-డిజిటల్ ఇన్స్ట్రుమెంట్ క్లస్టర్ స్థానంలో పూర్తిస్థాయి 10.25 అంగుళాల డిజిటల్ ఇన్స్ట్రుమెంట్ క్లస్టర్ను తీసుకురానున్నారు.
వివరాలు
పనోరమిక్ సన్రూఫ్, ADAS ఫీచర్లు
ప్రస్తుత స్కార్పియో Nలో సింగిల్-పేన్ సన్రూఫ్ మాత్రమే అందుబాటులో ఉంది. అయితే వినియోగదారుల డిమాండ్ను దృష్టిలో ఉంచుకుని కొత్త ఫేస్లిఫ్ట్ వెర్షన్లో పెద్ద పనోరమిక్ సన్రూఫ్ను అందించే అవకాశం ఉంది. అలాగే టెస్టింగ్ మోడల్లో విండ్స్క్రీన్ వద్ద కెమెరాలు, ఫ్రంట్ బంపర్ ప్రాంతంలో రాడార్ మాడ్యూల్స్ కనిపించాయి. దీంతో లెవెల్-2 ADAS (అడ్వాన్స్డ్ డ్రైవర్ అసిస్టెన్స్ సిస్టమ్) ఫీచర్లను మరిన్ని వేరియంట్లలో అందించనున్నట్లు తెలుస్తోంది. దీనితో పాటు 360 డిగ్రీల కెమెరా వ్యవస్థ కూడా కొత్త మోడల్లో అందుబాటులోకి రానుంది.
వివరాలు
ఇంజిన్లో మార్పులు లేవు
డిజైన్, ఫీచర్ల పరంగా పలు అప్డేట్లు వచ్చినప్పటికీ, ఇంజిన్ విభాగంలో మాత్రం ఎలాంటి మార్పులు ఉండబోవడం లేదు. కొత్త స్కార్పియో Nలో ప్రస్తుతం అందిస్తున్న ఇంజిన్లనే కొనసాగించనున్నారు. పెట్రోల్ ఇంజిన్ 2.0 లీటర్ mStallion టర్బో పెట్రోల్ ఇంజిన్ గరిష్ట పవర్: 200 బీహెచ్పీ డీజిల్ ఇంజిన్ 2.2 లీటర్ mHawk డీజిల్ ఇంజిన్ వివిధ ట్యూనింగ్ ఆప్షన్లతో అందుబాటులో ఉంటుంది. ఈ రెండు ఇంజిన్లు 6-స్పీడ్ మాన్యువల్, 6-స్పీడ్ ఆటోమేటిక్ గేర్బాక్స్ ఎంపికలతో రానున్నాయి. అదనంగా అడ్వెంచర్ ప్రియుల కోసం టాప్ డీజిల్ వేరియంట్లలో 4x4 డ్రైవ్ట్రెయిన్ సిస్టమ్ కూడా అందుబాటులో కొనసాగనుంది.
వివరాలు
ఎప్పుడు లాంచ్ అవుతుందంటే?
మహీంద్రా స్కార్పియో N ఫేస్లిఫ్ట్ను ఈ ఏడాది పండుగ సీజన్ నాటికి భారత మార్కెట్లో విడుదల చేసే అవకాశాలు ఉన్నాయని ఆటో మొబైల్ వర్గాలు అంచనా వేస్తున్నాయి. అత్యాధునిక ఫీచర్లు, ప్రీమియం ఇంటీరియర్, సరికొత్త డిజైన్ అప్డేట్లతో రాబోతున్న ఈ ఎస్యూవీ మరోసారి మార్కెట్లో సంచలనం సృష్టించే అవకాశాలు కనిపిస్తున్నాయి.