Mini Cooper SE India: లగ్జరీ ఎలక్ట్రిక్ కార్ల ప్రియులకు గుడ్న్యూస్.. మినీ కూపర్ బుకింగ్స్ షురూ
ఈ వార్తాకథనం ఏంటి
లగ్జరీ కార్లలో ప్రత్యేకమైన డిజైన్ను కోరుకునే వారికి మినీ ఇండియా కొత్త అవకాశాన్ని తీసుకొచ్చింది. రెండో తరం మినీ కూపర్ ఎస్ఈ ఎలక్ట్రిక్ హ్యాచ్బ్యాక్తో పాటు, ప్రముఖ బ్రిటిష్ డిజైనర్ పాల్ స్మిత్ ప్రత్యేకంగా రూపొందించిన ఎడిషన్ మోడళ్లకు ప్రీ-లాంచ్ బుకింగ్స్ ప్రారంభించింది. నవంబర్ 27న ఈ కార్లు భారత ఆటో మొబైల్ మార్కెట్లో విడుదల కానున్నాయి. ఆసక్తి ఉన్నవారు దేశవ్యాప్తంగా ఉన్న అధీకృత మినీ డీలర్షిప్ల ద్వారా తమ పేర్లను నమోదు చేసుకోవచ్చు. అయితే, బుకింగ్ మొత్తం, వేరియంట్ల వారీగా ధరలను కంపెనీ ఇంకా ప్రకటించలేదు.
Details
ఒక్కసారి ఛార్జ్ చేస్తే 402 కిలోమీటర్ల ప్రయాణం
కొత్త మినీ కూపర్ ఎస్ఈలో 54.2 kWh బ్యాటరీ ప్యాక్ను అందించారు. ఒక్కసారి పూర్తిగా ఛార్జ్ చేస్తే WLTP ప్రమాణాల ప్రకారం 402 కిలోమీటర్ల వరకు ప్రయాణించవచ్చని కంపెనీ చెబుతోంది.
ఇందులోని ఎలక్ట్రిక్ మోటార్ 218 hp శక్తి, 330 Nm టార్క్ను ఉత్పత్తి చేస్తుంది. కేవలం 6.7 సెకన్లలో గంటకు 0 నుంచి 100 కిలోమీటర్ల వేగాన్ని అందుకుంటుంది.
గరిష్ఠ వేగం గంటకు 170 కిలోమీటర్లు. 95 kW డీసీ ఫాస్ట్ ఛార్జర్తో 30 నిమిషాల్లో 10 నుంచి 80 శాతం వరకు బ్యాటరీని నింపుకోవచ్చు.
Details
టెక్నాలజీతో పాటు క్లాసిక్ టచ్
కారు లోపల 9.45 అంగుళాల వృత్తాకార OLED టచ్స్క్రీన్ ప్రత్యేక ఆకర్షణగా నిలుస్తుంది.
వైర్లెస్ ఛార్జింగ్, పనోరమిక్ సన్రూఫ్, హీటెడ్ ఫ్రంట్ సీట్లు, 360 డిగ్రీల కెమెరా, ఆరు ఎయిర్బ్యాగ్స్ వంటి ఫీచర్లు ఉండే అవకాశం ఉంది.
అయితే, భారత్లో అందించే ఫీచర్ల జాబితాను కంపెనీ ఇంకా ఖరారు చేయలేదు.
Details
పాల్ స్మిత్ ఎడిషన్లో మూడు మోడళ్లు
పాల్ స్మిత్ ఎడిషన్ను కూపర్ ఎస్, కూపర్ కన్వర్టిబుల్, కూపర్ ఎస్ఈ మోడళ్లలో అందించనున్నారు.
ఈ ప్రత్యేక డిజైన్ ప్యాకేజీలో 20కి పైగా ప్రత్యేకమైన ఇంటీరియర్, ఎక్స్టీరియర్ మార్పులు ఉన్నాయి. స్టేట్మెంట్ గ్రే, ఇన్స్పైర్డ్ వైట్, మిడ్నైట్ బ్లాక్ మెటాలిక్ రంగులు అందుబాటులో ఉంటాయి.
సంప్రదాయ మినీ రూపానికి ఆధునిక హంగులు జోడించడం ఈ ఎడిషన్ ప్రత్యేకత. ధరలు, భారత్కు సంబంధించిన పూర్తి వివరాలు నవంబర్ 27న విడుదల సమయంలో వెల్లడయ్యే అవకాశం ఉంది.