Maruti Suzuki WagonR: సరికొత్త రికార్డు.. అక్టోబర్‌లో అత్యధికంగా అమ్ముడైన మారుతి సుజుకి వ్యాగన్ఆర్
ఈ వార్తాకథనం ఏంటి
అమ్మకాల్లో మారుతి సుజుకీ వ్యాగన్ఆర్ సరికొత్త రికార్డును సృష్టించింది.
హ్యాచ్‌బ్యాక్ సెగ్మెంట్ ఇటీవలి సంవత్సరాలలో అధిక గ్రౌండ్ క్లియరెన్స్‌తో సబ్-ఫోర్-మీటర్ SUVల నుండి గట్టి పోటీని ఎదుర్కొంటున్న విషయం తెలిసిందే.
అక్టోబర్ 2023లో మారుతి సుజుకి వ్యాగన్ఆర్ ఇండియాలో అత్యధికంగా అమ్ముడైన వెహికల్‌గా రికార్డుకెక్కింది.
ఇప్పటివరకూ 22,080 యూనిట్లను విక్రయించినట్లు సంస్థ పేర్కొంది.
అక్టోబర్ 2022లో 17,945 యూనిట్లు అమ్ముడుపోగా, తాజాగా 23శాతం పెరిగినట్లు ఆ సంస్థ ధ్రువీకరించింది.
ఇక మారుతి సుజుకి స్విప్ట్ రెండో స్థానంలో నిలిచింది.
అక్టోబర్ 2022లో 17,231 యూనిట్ల విక్రయించగా, తాజాగా 20,598 యూనిట్లతో 20% వృద్ధిని సాధించింది.
Details
ఐదో స్థానంలో హ్యుందాయ్ i20
16,594 యూనిట్ల అమ్మకాలతో బాలెనో మూడవ స్థానంలో నిలిచింది. ఇక ఆల్టో 11,200 యూనిట్లతో నాల్గవ స్థానంలో నిలిచింది.
హ్యుందాయ్ i20 ప్రీమియం హ్యాచ్‌బ్యాక్ గత నెల అమ్మకాలలో ఐదవ స్థానంలో నిలిచింది.
6,552 యూనిట్ల విక్రయాలతో హ్యుందాయ్ గ్రాండ్ i10 NIOS ఆరవ స్థానంలో నిలిచింది.
గతేడాది ఇదే కాలంలో విక్రయించిన 8,855 యూనిట్లతో పోలిస్తే 26శాతం అమ్మకాలు తగ్గుముఖం పట్టాయి.
టాటా ఆల్ట్రోజ్ 25శాతం వృద్ధితో ఏడో స్థానంలో ఉండగా, టియాగో 7,187 యూనిట్ల నుంచి 5,356 యూనిట్లకు చేరుకుంది. దీంతో టియాగో అమ్మకాలు 25శాతం తగ్గాయి.