Loading...
Toyota Fortuner: టయోటా ఫార్చ్యూనర్‌ న్యూలుక్‌... అదిరిపోయింది
టయోటా ఫార్చ్యూనర్‌ న్యూలుక్‌... అదిరిపోయింది

Toyota Fortuner: టయోటా ఫార్చ్యూనర్‌ న్యూలుక్‌... అదిరిపోయింది

వ్రాసిన వారు Balachander Sharma
Nov 17, 2026
10:19 am

ఈ వార్తాకథనం ఏంటి

టయోటా ఫార్చ్యూనర్‌ అభిమానులకు ఇది ఆసక్తికరమైన వార్త. కొత్త తరం ఫార్చ్యూనర్‌ టెస్టింగ్‌ సమయంలో కెమెరాకు చిక్కింది. అర్జెంటీనాలో కనిపించిన ఈ SUVని అక్కడ SW4 పేరుతో విక్రయిస్తున్నారు. పూర్తిగా కవర్‌ చేసినప్పటికీ ఫొటోల్లో కొన్ని కీలక మార్పులు స్పష్టంగా కనిపిస్తున్నాయి. టయోటా ఫార్చ్యూనర్‌ అసలు రూపాన్ని మార్చకుండా, డిజైన్‌, ఫీచర్లలో గణనీయమైన అప్‌డేట్‌ ఇవ్వబోతున్నట్లు తెలుస్తోంది. ముఖ్యంగా కొత్త ఫ్రంట్‌ డిజైన్‌ SUVకి మరింత ఆధునిక లుక్‌ తీసుకొచ్చేలా కనిపిస్తోంది.

Details

డిజైన్‌లో ఇవే కీలక మార్పులు

కొత్త ఫార్చ్యూనర్‌లో ప్రస్తుతం ఉన్న పొడవైన బానెట్‌, నిటారుగా ఉండే బాడీ, పెద్ద గ్లాస్‌ ఏరియా కొనసాగనున్నాయి.

అయితే ముందు భాగంలో కొత్త హెడ్‌ల్యాంప్స్‌, వెడల్పాటి మెష్‌ గ్రిల్‌, రీడిజైన్‌ చేసిన బంపర్‌ కనిపిస్తున్నాయి.

వెనుక భాగంలో టెయిల్‌ ల్యాంప్స్‌, టెయిల్‌గేట్‌లోనూ మార్పులు వచ్చే అవకాశం ఉంది. కొత్త అల్లాయ్‌ వీల్స్‌ కూడా ఈ అప్‌డేట్‌లో భాగంగా ఉండొచ్చు.

అంటే ఫార్చ్యూనర్‌ పూర్తిగా కొత్త SUVగా కాకుండా, తెలిసిన బలమైన రూపానికి మరింత స్టైలిష్‌ టచ్‌ ఇచ్చే విధంగా తయారవుతోంది.

Details

హైలక్స్‌ ప్లాట్‌ఫామ్‌ కొనసాగింపు

ఫార్చ్యూనర్‌కు ఉన్న అసలు బలం దాని రఫ్‌ అండ్‌ టఫ్‌ స్వభావమే. అందుకే కొత్త మోడల్‌లోనూ టయోటా హైలక్స్‌ ఆధారిత IMV ల్యాడర్‌-ఫ్రేమ్‌ ఆర్కిటెక్చర్‌ కొనసాగనుంది.

దీంతో ఎత్తైన డ్రైవింగ్‌ పొజిషన్‌, బలమైన నిర్మాణం, టోయింగ్‌, ఆఫ్‌-రోడ్‌ సామర్థ్యాలు అలాగే ఉండే అవకాశం ఉంది.

క్యాబిన్‌లో కొత్త స్టీరింగ్‌ వీల్‌, అప్‌డేటెడ్‌ ఇన్‌స్ట్రుమెంట్‌ క్లస్టర్‌, కొత్త ఇన్ఫోటైన్‌మెంట్‌ సిస్టమ్‌ రావచ్చని తెలుస్తోంది. ADAS వంటి అధునాతన సేఫ్టీ ఫీచర్లు కూడా చేరే అవకాశం ఉంది.

ADVERTISEMENT

Details

ఇండియాలో ఇంజిన్‌ ఎలా ఉంటుంది?

భారత్‌లో కొత్త ఫార్చ్యూనర్‌ 2.8 లీటర్‌ టర్బో డీజిల్‌ ఇంజిన్‌తోనే కొనసాగవచ్చని అంచనా.

ప్రస్తుతం ఇది 204 hp, 500 Nm టార్క్‌ అందిస్తోంది. 6-స్పీడ్‌ మాన్యువల్‌, 6-స్పీడ్‌ ఆటోమేటిక్‌ గేర్‌బాక్స్‌లు కొనసాగే అవకాశం ఉంది.

2.7 లీటర్‌ పెట్రోల్‌ ఇంజిన్‌ కూడా తిరిగి రావచ్చని సమాచారం. ఈ ఇంజిన్‌ 166 hp, 245 Nm ఉత్పత్తి చేస్తుంది.

కొత్త ఫార్చ్యూనర్‌ గ్లోబల్‌ డెబ్యూ డిసెంబర్‌ 1, 2026న దక్షిణాఫ్రికాలో జరగనుంది. భారత్‌లో 2027లో విడుదలయ్యే అవకాశం ఉన్నా, టయోటా ఇంకా అధికారిక తేదీ ప్రకటించలేదు.

ADVERTISEMENT