Hyundai Venue : కొత్త వెన్యూ vs పాత వెన్యూ - ఏది బెస్ట్ ఆప్షన్?

వ్రాసిన వారు Jayachandra Akuri

Oct 25, 2025

02:59 pm

ఈ వార్తాకథనం ఏంటి

హ్యుందాయ్ తాజాగా తన అత్యంత ప్రాచుర్యం పొందిన కాంపాక్ట్ ఎస్‌యూవీ 'వెన్యూ' రెండో తరం మోడల్‌ను అధికారికంగా ఆవిష్కరించింది. కొత్త డిజైన్‌, అప్‌గ్రేడ్‌డ్‌ ఇంటీరియర్స్‌తో ఈ కార్‌ పూర్తిగా కొత్త లుక్‌లో దర్శనమిస్తోంది. అయితే ఇంజిన్ ఆప్షన్ల విషయానికి వస్తే పాత మోడల్‌లో ఉన్న వాటినే కొనసాగించింది. ఈ సరికొత్త వెన్యూ ధరలను నవంబర్‌ 4న ప్రకటించనున్నారు. కొత్త వర్షన్‌ ఎలా భిన్నంగా ఉందో ఇక్కడ చూద్దాం. డిజైన్‌లో మార్పులు కొత్త వెన్యూ తన పాత సిల్హౌట్‌ను కొనసాగించినా, మరింత మస్క్యులర్‌, నిటారుగా కనిపించే లుక్‌ ఇచ్చారు. గ్లోబల్‌ ఎస్‌యూవీ డిజైన్‌ల స్ఫూర్తితో బాడీ ఎడ్జెస్‌ను సాఫ్ట్‌ నుంచి షార్ప్‌గా మార్చారు.

Details

ఫ్రంట్‌ డిజైన్‌

బోనెట్‌ లైన్‌ వెంబడి ఫుల్-విడ్త్‌ ఎల్‌ఈడీ లైట్‌ బార్‌ను ఇచ్చి, రెండు వైపులా కొత్త క్వాడ్‌ ఎల్‌ఈడీ హెడ్‌ల్యాంప్‌లను కలిపారు. పెద్ద ఫ్రంట్‌ గ్రిల్‌, సిల్వర్‌ యాక్సెంట్‌ బంపర్‌ దీని బోల్డ్‌నెస్‌ను మరింత పెంచాయి. సైడ్‌ ప్రొఫైల్‌ స్క్వేర్‌ వీల్‌ ఆర్చెస్‌, 16-అంగుళాల అల్లాయ్‌ వీల్స్‌, మందపాటి క్లాడింగ్‌ వెన్యూకి రగ్గెడ్‌ లుక్‌ను ఇచ్చాయి. రియర్‌ డిజైన్‌ కనెక్టెడ్‌ ఎల్‌ఈడీ టెయిల్‌ల్యాంప్స్‌, బ్లాక్‌ ఫినిష్‌లోని హ్యుందాయ్‌ లోగో, కొత్త బంపర్‌ డిజైన్‌ - మొత్తం వెన్యూ వెనుక భాగాన్ని మరింత ప్రీమియమ్‌గా మార్చాయి.

Details

ఇంటీరియర్‌లో విప్లవాత్మక మార్పులు

క్యాబిన్‌ను పూర్తిగా పునరుద్ధరించారు. ఇప్పుడు ఇది మరింత టెక్‌ ఫోకస్‌గా, మినిమలిస్టిక్‌గా కనిపిస్తుంది. డ్యూయల్‌ 12.3-ఇంచ్‌ స్క్రీన్లు ఒకే వంపుతో కలిపిన గ్లాస్‌ ప్యానెల్‌లో ఇన్ఫోటైన్‌మెంట్‌ సిస్టమ్‌, డిజిటల్‌ ఇన్‌స్ట్రుమెంట్‌ క్లస్టర్‌ ఉన్నాయి. డాష్‌బోర్డ్‌ పాత రౌండ్‌ వెంట్‌ల స్థానంలో స్లిమ్‌ ఎయిర్‌ వెంట్‌లను ఇచ్చారు. స్టీరింగ్‌ వీల్‌ హ్యుందాయ్‌ ఈవీ డిజైన్‌ స్ఫూర్తితో బ్యాక్‌లిట్‌ ఎలిమెంట్స్‌ కలిగిన కొత్త త్రీ-స్పోక్‌ స్టీరింగ్‌ వీల్‌. క్లైమేట్‌ కంట్రోల్‌ ఇప్పుడు పూర్తిగా టచ్‌ ఆధారిత ఇంటర్‌ఫేస్‌, రోటరీ నాబ్‌ల స్థానంలో వచ్చింది.

Details

కొత్త ఫీచర్లు

హ్యుందాయ్‌ ఈ మోడల్‌లో అనేక కొత్త ఫీచర్లను జోడించింది. కంఫర్ట్‌: వెనుక సీట్లకు రెండు-దశల రిక్లైన్‌ ఫీచర్‌, విండో సన్‌షేడ్స్‌. వీల్‌బేస్‌ పెరగడంతో లెగ్‌రూమ్‌ కూడా పెరిగింది. టెక్నాలజీ: కొత్త సెంటర్‌ కన్సోల్‌లో వెంటిలేటెడ్‌ సీట్లు, డ్రైవ్‌/ట్రాక్షన్‌ మోడ్‌లు, ఎలక్ట్రానిక్‌ పార్కింగ్‌ బ్రేక్‌ ఉన్నాయి. సేఫ్టీ & స్టైల్‌: ఫ్రంట్‌ పార్కింగ్‌ సెన్సార్లు, యాంబియంట్‌ లైటింగ్‌, అప్‌డేటెడ్‌ డాష్‌బోర్డ్‌. ఇంజిన్‌ ఆప్షన్లు (మార్పులేమీ లేవు) హ్యుందాయ్‌ పాత మోడల్‌లో ఉన్న పవర్‌ట్రైన్‌ ఆప్షన్లను యథాతథంగా కొనసాగించింది: 1. 1.2 లీటర్‌ పెట్రోల్‌ ఇంజిన్‌ (మాన్యువల్‌ గేర్‌బాక్స్‌) 2. 1.0 లీటర్‌ టర్బో పెట్రోల్‌ (iMT / DCT ఆప్షన్లు) 3. 1.5 లీటర్‌ డీజిల్‌ ఇంజిన్‌ (మాన్యువల్‌ / ఆటోమేటిక్‌ గేర్‌బాక్స్‌)

Details

ధరలు & లాంచ్‌

కొత్త హ్యుందాయ్‌ వెన్యూ బుకింగ్‌లు ఇప్పటికే ప్రారంభమయ్యాయి. నవంబర్‌ 4న ధరలు ప్రకటిస్తారు. ఈ సంవత్సరం చివరి నాటికి కస్టమర్లకు డెలివరీలు ప్రారంభమవుతాయి.