KTM India: కేటీఏం అభిమానులకు షాక్.. జూన్ 1 నుంచి బైక్ల ధరలు పెరిగే అవకాశం!
ఈ వార్తాకథనం ఏంటి
భారత మార్కెట్లో ప్రముఖ స్పోర్ట్స్ బైక్ తయారీ సంస్థ కేటీఏం ఇండియా జూన్ 1 నుంచి పలు మోటార్సైకిళ్ల ధరలను సవరించే అవకాశమున్నట్లు పలు మీడియా నివేదికలు సూచిస్తున్నాయి. ఇటీవల విడుదలైన 160 డ్యూక్ నుంచి 390 అడ్వెంచర్ S వరకు అనేక మోడళ్లపై ఈ ధరల పెంపు ప్రభావం చూపే అవకాశం ఉందని సమాచారం. అయితే ఈ విషయంపై ఇప్పటివరకు KTM లేదా దాని భాగస్వామ్య సంస్థ బజాజ్ ఆటో నుంచి ఎలాంటి అధికారిక ప్రకటన వెలువడలేదు. అయినప్పటికీ, వివిధ నివేదికల ప్రకారం మోడల్ను బట్టి బైక్ల ధరలు సుమారు రూ.4,000 నుంచి రూ.6,000 వరకు పెరగవచ్చని అంచనా వేస్తున్నారు.
వివరాలు
KTM 160 డ్యూక్ ఎక్స్-షోరూమ్ ధర రూ.1.74 లక్షలు
ఉత్పత్తి వ్యయాలు, ముడి పదార్థాల ధరలు పెరగడం వంటి కారణాల వల్ల కంపెనీ ఈ నిర్ణయం తీసుకునే అవకాశం ఉందని మార్కెట్ విశ్లేషకులు అభిప్రాయపడుతున్నారు. ప్రస్తుతం KTM 160 డ్యూక్ ఎక్స్-షోరూమ్ ధర రూ.1.74 లక్షల నుంచి ప్రారంభమవుతోంది. మరోవైపు కంపెనీ అడ్వెంచర్ సెగ్మెంట్లోని ఫ్లాగ్షిప్ మోడల్ 390 అడ్వెంచర్ S ఎక్స్-షోరూమ్ ధర రూ.3.97 లక్షలుగా ఉంది. ఇటీవల కంపెనీ విడుదల చేసిన కొత్త 350సీసీ మోడళ్ల ధరల్లో కూడా మార్పులు ఉండొచ్చని సమాచారం. అయితే భారతదేశంలోనే పూర్తిగా తయారయ్యే KTM అధిక సీసీ మోడళ్ల ధరల్లో పెద్దగా మార్పులు ఉండకపోవచ్చని నివేదికలు పేర్కొంటున్నాయి.
వివరాలు
ఇందులో 6 స్పీడ్ మాన్యువల్ గేర్ బాక్స్
ఇక KTM 160 డ్యూక్ విషయానికొస్తే, ఇది కంపెనీ ఎంట్రీ-లెవల్ స్పోర్టీ స్ట్రీట్ఫైటర్ బైక్గా మార్కెట్లో అందుబాటులో ఉంది. ఈ బైక్లో 164.2సీసీ సింగిల్ సిలిండర్, లిక్విడ్ కూల్డ్ ఇంజిన్ను అందించారు. ఈ ఇంజిన్ 18.73 bhp శక్తిని, 15.5 Nm టార్క్ను ఉత్పత్తి చేస్తుంది. దీనికి 6-స్పీడ్ మాన్యువల్ గేర్బాక్స్ను జత చేశారు. అలాగే అసిస్ట్ అండ్ స్లిప్పర్ క్లచ్, WP Apex సస్పెన్షన్, డ్యూయల్ ఛానల్ ABS వంటి ఆధునిక ఫీచర్లను కూడా అందించారు. బ్రేకింగ్ వ్యవస్థలో భాగంగా ముందు భాగంలో 320 మిల్లీమీటర్ల డిస్క్ బ్రేక్, వెనుక భాగంలో 230 మిల్లీమీటర్ల డిస్క్ బ్రేక్ను ఏర్పాటు చేశారు.
వివరాలు
వినియోగదారులపై అదనపు భారం
స్పోర్టీ డిజైన్తో పాటు మెరుగైన పనితీరు అందించే ఈ బైక్ యువతను ఆకర్షిస్తోంది. జూన్ 1 నుంచి ధరల పెంపుపై అధికారిక ప్రకటన వస్తే, KTM బైక్ కొనుగోలు చేయాలని భావిస్తున్న వినియోగదారులపై అదనపు భారం పడే అవకాశం ఉంది.