KTM duke 390 350cc : కేటీఎం నుంచి షాకింగ్ ఆఫర్.. తక్కువ ధరకే 390 డ్యూక్.. ఫీచర్లు సూపర్బ్!

వ్రాసిన వారు Jayachandra Akuri

Apr 21, 2026

09:05 am

ఈ వార్తాకథనం ఏంటి

బజాజ్ ఆటోకు చెందిన కేటీఎం బ్రాండ్ భారత మార్కెట్‌లో తన స్థానాన్ని మరింత బలపరచేందుకు కొత్త వ్యూహంతో ముందుకొచ్చింది. ఇప్పటివరకు 399సీసీ ఇంజిన్‌తో హై పెర్ఫార్మెన్స్ బైకులను అందించిన సంస్థ, ఇప్పుడు కొత్తగా 350సీసీ వేరియంట్లను ప్రవేశపెట్టింది. ఈ మార్పు వెనుక ప్రధాన కారణం 'టాక్స్ ప్లానింగ్' వ్యూహమేనని తెలుస్తోంది. ఈ కొత్త మోడళ్ల విశేషాలు ఇలా ఉన్నాయి.

వివరాలు

జీఎస్టీ వ్యూహం.. ధరల్లో భారీ తగ్గింపు

భారత ప్రభుత్వ నిబంధనల ప్రకారం 350సీసీకి మించిన ఇంజిన్ సామర్థ్యం ఉన్న బైకులపై 28 శాతం జీఎస్టీతో పాటు అదనపు సెస్ కూడా వర్తిస్తుంది. అయితే కేటీఎం ఇప్పుడు తన ఇంజిన్‌ను 350సీసీ పరిమితిలోనే రూపొందించడం ద్వారా ఈ బైకులను 18 శాతం జీఎస్టీ పరిధిలోకి తీసుకువచ్చింది. దీని ఫలితంగా బైక్‌ల నాణ్యతలో లేదా బ్రాండ్ విలువలో ఎలాంటి తగ్గింపు లేకుండానే ఎంట్రీ ధరను గణనీయంగా తగ్గించగలిగింది.

వివరాలు

కొత్త 350సీసీ బైక్స్: పవర్ & పనితీరు

ఇంజిన్ సామర్థ్యం తగ్గించినప్పటికీ, కేటీఎం తన సిగ్నేచర్ పనితీరును అలాగే కొనసాగించింది. ఇంజిన్ : 350సీసీ సింగిల్ సిలిండర్ పవర్ అవుట్‌పుట్ : 41.5 హెచ్‌పీ పీక్ పవర్ టార్క్ : 33.5 ఎన్ఎం ఈ సెటప్ సిటీ రైడ్స్‌లో వేగంగా స్పందించడానికి, అలాగే హైవే లాంగ్ రైడ్స్‌కు కూడా అనువుగా ఉంటుంది.

వివరాలు

డిజైన్, హార్డ్‌వేర్.. మార్పులేమీ లేవు

ఇంజిన్ తప్ప డిజైన్, మెకానికల్ సెటప్‌లో పెద్దగా మార్పులు చేయలేదు. పాత మోడళ్లలో ఉన్న ఆకర్షణీయమైన స్టైలింగ్‌ను అలాగే కొనసాగించారు. కేటీఎం 390 డ్యూక్ : అగ్రెసివ్ నేకెడ్ డిజైన్, షార్ప్ LED హెడ్‌ల్యాంప్స్, మస్క్యులర్ బాడీ వర్క్‌తో ప్రత్యేక ఆకర్షణ. కేటీఎం 390 అడ్వెంచర్ : ఆఫ్-రోడ్ ప్రియుల కోసం రూపొందించిన మోడల్. ఇందులో స్టీల్ ట్రెల్లిస్ ఫ్రేమ్ ఉపయోగించారు.

వివరాలు

సస్పెన్షన్ సెటప్

ముందు భాగం: 200 ఎంఎం ట్రావెల్‌తో అడ్జస్టబుల్ USD ఫోర్క్స్ వెనుక భాగం: 205 ఎంఎం ట్రావెల్‌తో అడ్జస్టబుల్ మోనోషాక్ ఈ సెటప్ కఠినమైన రోడ్లలో కూడా సాఫీగా ప్రయాణం అందిస్తుంది. ధరల వివరాలు కొత్తగా లాంచ్ అయిన 350సీసీ వేరియంట్ల ధరలు ఇలా ఉన్నాయి: కేటీఎం 390 డ్యూక్ (350సీసీ) : రూ. 2,77,268 కేటీఎం 390 అడ్వెంచర్ (350సీసీ) : రూ. 2,80,905 ఇప్పటికే మార్కెట్‌లో ఉన్న 399సీసీ హై-ఎండ్ మోడల్స్ (390 డ్యూక్ ఆర్, అడ్వెంచర్ ఎస్, ఎక్స్, ఆర్) ఎటువంటి మార్పులు లేకుండా యథాతథంగా కొనసాగుతాయి. ఈ కొత్త 350సీసీ వేరియంట్లు ప్రధానంగా బడ్జెట్‌కు అనుకూలమైన ప్రత్యామ్నాయంగా వినియోగదారులకు అందుబాటులోకి వచ్చాయి.