Car Launches: ఫిబ్రవరిలో కొత్త కార్లతో షోరూమ్‌లు సందడి.. MG మెజెస్టర్ నుంచి నిస్సాన్ టెక్టన్ వరకు టాప్-5 లాంచ్‌లివే!

వ్రాసిన వారు Jayachandra Akuri

Feb 02, 2026

03:37 pm

ఈ వార్తాకథనం ఏంటి

ఫిబ్రవరి 2026లో భారత ఆటో మొబైల్ మార్కెట్‌లో భారీ దూకుడు కనిపించనుంది. BMW, MG, Nissan, Volkswagen, VinFast వంటి ప్రముఖ అంతర్జాతీయ కార్ల బ్రాండ్లు ఈ నెలలో తమ కొత్త మోడళ్లను లాంచ్ చేయడానికి సిద్ధమవుతున్నాయి. ఈ లైనప్‌లో ఎలక్ట్రిక్ వాహనాలు, ప్రీమియం SUVలు, గ్లోబల్ మోడల్స్ ఉండటం విశేషం. మాస్ మార్కెట్ నుంచి లగ్జరీ సెగ్మెంట్ వరకు దాదాపు అన్ని వర్గాల వినియోగదారులను ఆకట్టుకునేలా ఈ కొత్త కార్లు ఉండనున్నాయి.

Details

ఎంజీ మెజెస్టర్ ఎస్‌యూవీ

JSW MG Motor India తన కొత్త ఫ్లాగ్‌షిప్ SUV 'MG Majestor' ను ఫిబ్రవరి 12న భారత మార్కెట్లో ఆవిష్కరించనుంది. ఇటీవల విడుదలైన టీజర్ ప్రకారం, ఈ SUV డిజైన్ విదేశాల్లో విక్రయిస్తున్న 'Maxus D90' నుంచి ప్రేరణ పొందినట్లు తెలుస్తోంది. పెద్ద గ్రిల్‌, స్కిడ్ ప్లేట్స్‌తో కూడిన రగ్డ్ బంపర్‌, హుడ్ వెంట స్ప్లిట్ LED హెడ్‌ల్యాంప్స్‌, DRLs ఈ వాహనానికి ప్రత్యేక ఆకర్షణగా నిలవనున్నాయి. మస్క్యులర్ బానెట్‌, 20 ఇంచుల అలాయ్ వీల్స్‌, వెడల్పైన ఫెండర్ ఫ్లేర్స్‌ వాహనానికి భారీ, బలమైన లుక్‌ను అందిస్తున్నాయి.

Details

BMW X3 30 xDrive M స్పోర్ట్ ప్రో

BMW ఇండియా ఫిబ్రవరి 16న 'X3 30 xDrive M Sport Pro' వేరియంట్‌ను లాంచ్ చేయనుంది. ఇది భారత్‌లో X3 సిరీస్‌లో అత్యంత శక్తివంతమైన మోడల్‌గా నిలవనుంది. ఇందులో 2.0 లీటర్, 4-సిలిండర్ టర్బో పెట్రోల్ ఇంజిన్‌కు 48V మైల్డ్ హైబ్రిడ్ సిస్టమ్‌ను జత చేశారు. ఈ ఇంజిన్ 258 హెచ్‌పీ పవర్‌, 400 Nm టార్క్‌ను ఉత్పత్తి చేస్తుంది. 8-స్పీడ్ స్టెప్‌ట్రానిక్ ఆటోమేటిక్ గేర్‌బాక్స్‌తో ఈ SUV అందుబాటులోకి రానుంది.

Details

నిస్సాన్ టెక్టన్

భారత మార్కెట్లో తన కొత్త వ్యూహాన్ని అమలు చేసే దిశగా Nissan India అడుగులు వేస్తోంది. ఇందులో భాగంగా ఫిబ్రవరి 4న కొత్త మిడ్-సైజ్ SUV 'Nissan Tekton'ను పరిచయం చేయనుంది. ఇది ఇటీవల లాంచ్ అయిన Renault Dusterకు బ్రదర్ మోడల్‌గా ఉండనుంది. ఈ SUVకు 1.3 లీటర్ టర్బో పెట్రోల్ ఇంజిన్‌ను అందించే అవకాశం ఉంది. అలాగే తక్కువ వేరియంట్లలో ప్రస్తుతం Nissan Magniteలో ఉపయోగిస్తున్న 1.0 లీటర్ టర్బో పెట్రోల్ ఇంజిన్‌ను కూడా ఇవ్వవచ్చని సమాచారం. మాన్యువల్‌, ఆటోమేటిక్ గేర్‌బాక్స్ ఆప్షన్లతో పాటు భవిష్యత్తులో హైబ్రిడ్ వేరియంట్ కూడా రావచ్చని అంచనా.

Details

వోక్స్‌వ్యాగన్ టేరాన్ ఆర్-లైన్

'Volkswagen Tayron R-Line'ఫిబ్రవరి 2026లో భారత మార్కెట్లోకి వచ్చే అవకాశం ఉంది. ఈ మోడల్‌తో Volkswagen భారత్‌లో ప్రీమియం మూడు లైన్ల SUV సెగ్మెంట్‌లో తిరిగి అడుగుపెట్టనుంది.Tiguan R-Line పైన బ్రాండ్ ఫ్లాగ్‌షిప్ మోడల్‌గా Tayronనిలవనుంది. Tiguan ఆధారంగా రూపొందించిన ఈ 7-సీటర్ SUVకు స్ట్రెచ్ చేసిన బాడీ, షార్ప్ స్టైలింగ్, కనెక్టెడ్ LEDలైటింగ్‌తో కూడిన మోడ్రన్ డిజైన్ లాంగ్వేజ్ ఉన్నాయి. ఇందులో 2.0 లీటర్ టర్బో పెట్రోల్ ఇంజిన్ 201.2 bhpపవర్‌, 320 Nmటార్క్‌ను ఉత్పత్తి చేస్తుంది. 7-స్పీడ్ డ్యూయల్ క్లచ్ ట్రాన్స్‌మిషన్‌, ఆల్-వీల్ డ్రైవ్ సిస్టమ్‌తో ఇది వస్తుంది. ఈ SUV 0 నుంచి 100 కిమీ వేగాన్ని కేవలం 7.3 సెకన్లలో చేరుకోగా, గరిష్ట వేగం 224 కిలోమీటర్లు.

Details

విన్‌ఫాస్ట్ లిమో గ్రీన్

వియత్నాం ఆటోమేకర్ 'VinFast' భారత్‌లో గతంలో ప్రదర్శించిన **Limo Green SUV**ను ఫిబ్రవరి 2026లో లాంచ్ చేయనున్నట్లు ఇప్పటికే ధృవీకరించింది. ఇది 7-సీటర్ SUVగా మార్కెట్లోకి రానుంది. ఈ మోడల్ VF6, VF7 కార్ల డిజైన్ DNAను కొనసాగిస్తుంది. ముందు భాగంలో క్లిన్‌, మినిమలిస్ట్ లుక్‌తో పాటు వాహనం వెడల్పునా విస్తరించిన DRLs ఉంటాయి. ఇవి మధ్యలో కలసి VinFast లోగో దగ్గర ప్రత్యేకమైన 'V' ఆకారాన్ని రూపొందిస్తాయి. వెర్టికల్ హెడ్‌ల్యాంప్స్ డిజైన్‌కు ఆధునిక ఆకర్షణను జోడిస్తున్నాయి. సైడ్ ప్రొఫైల్‌లో మస్క్యులర్ క్లాడింగ్‌తో SUV తరహా స్టాన్స్ స్పష్టంగా కనిపిస్తుంది.