Discount on SUV: జీప్ కంపాస్‌పై ప్రత్యేక ఆఫర్.. రూ. 4.75 లక్షల వరకు తగ్గింపు!
ఈ వార్తాకథనం ఏంటి
జీప్ ఇండియా తన ప్రీమియం ఎస్‌యూవీ జీప్ కంపాస్‌పై డిసెంబరులో భారీ తగ్గింపులను ప్రకటించింది. ఈ ఆఫర్ కింద, వినియోగదారులకు రూ. 3.20 లక్షల వరకు, కార్పొరేట్ ఆఫర్‌లో రూ. 1.40 లక్షల తగ్గిస్తున్నట్లు పేర్కొంది. ఈ తగ్గింపులతో పాటు, ప్రత్యేక ఆఫర్ కింద రూ. 15,000 తగ్గింపును కూడా అందించడం విశేషం. మొత్తంగా ఈ ఆఫర్ ద్వారా రూ. 4.75 లక్షల వరకు తగ్గనుంది. జీప్ కంపాస్ ప్రారంభ ఎక్స్-షోరూమ్ ధర రూ. 18.99 లక్షలు కాగా, ఈ ఆఫర్ డిసెంబర్ నెల వరకే అందుబాటులో ఉంటుంది. ఈ కొత్త ఆఫర్‌తో జీప్ ఇండియా తన 'కంపాస్ యానివర్సరీ ఎడిషన్'ను కూడా ఆక్టోబర్ 3న లాంచ్ చేసింది.
Details
ఈ ఎడిషన్‌లో 7 ఎక్స్టీరియర్ రంగులు
ఈ ఎడిషన్‌లోని ముఖ్యమైన అప్‌డేట్లు, ఫీచర్ల గురించి తెలుసుకుందాం. కంపాస్ యానివర్సరీ ఎడిషన్ లో హుడ్ (బానెట్) డిజైన్‌లో ఆధునిక మార్పులు చేశారు. హుడ్ మధ్య భాగంలో డెకాల్‌తో డ్యూయల్-టోన్ లుక్ ఇవ్వడమే కాకుండా, ఫ్రంట్-గ్రిల్ లోని రెండవ స్లాట్ లో వెల్వెట్ రెడ్ యాక్సెంట్ కూడా ఉంది. ఈ ఎడిషన్‌లో పెర్ల్ బ్లూ, సిల్వేరీ మూన్, బ్రిలియంట్ బ్లాక్, ఎక్సోటికా రెడ్, మెగ్నీషియో గ్రే, టెక్నో మెటాలిక్ గ్రీన్, గెలాక్సీ బ్లూ వంటి 7 ఎక్స్టీరియర్ రంగులు అందుబాటులో ఉన్నాయి. ఇంటీరియర్స్ కూడా చాలా స్మార్ట్‌గా రూపొందించారు.
Details
ఈ ఎస్ యూవీలో అత్యాధునిక ఫీచర్లు
కొత్త వెల్వెట్ రెడ్ సీటు కవర్లతో స్పోర్టీ లుక్, డ్యూయల్-ఛానల్ రికార్డింగ్ సామర్థ్యం, వైట్ యాంబియంట్ లైటింగ్ వంటి ఫీచర్లతో మరింత ఆధునికంగా కనిపిస్తుంది. 10.1 అంగుళాల టచ్ స్క్రీన్ డిస్ప్లే, వైర్లెస్ ఆండ్రాయిడ్ ఆటో, ఆపిల్ కార్ ప్లే కనెక్టివిటీ, డ్యూయల్ ప్యాన్ పనోరమిక్ సన్ రూఫ్, జీప్ లైఫ్ కనెక్టివిటీ సూట్, వైర్లెస్ ఛార్జింగ్ వంటి ఫీచర్లు కూడా జీప్ కంపాస్ యానివర్సరీ ఎడిషన్‌లో అందుబాటులో ఉన్నాయి. అలాగే 17 అంగుళాల అల్లాయ్ వీల్స్ కూడా ఇందులో ఉన్నాయి.