Range Rover: SRH ఆల్రౌండర్ నితీష్ రెడ్డి గ్యారేజ్లో కొత్త కారు.. ఈ లగ్జరీ SUV ప్రత్యేకతలు ఇవే..
ఈ వార్తాకథనం ఏంటి
ఐపీఎల్ 2026లో అద్భుత ప్రదర్శనతో దూసుకుపోతున్న సన్ రైజర్స్ హైదరాబాద్ యువ ఆల్రౌండర్ నితీష్ కుమార్ రెడ్డి మరో మైలురాయిని చేరుకున్నాడు. తాజాగా రేంజ్ రోవర్ ఆటోబయోగ్రఫీ లగ్జరీ SUVను కొనుగోలు చేసి తన గ్యారేజ్ను మరింత ఆకర్షణీయంగా మార్చుకున్నాడు. కేవలం 22ఏళ్ల వయసులోనే ఈ ఘనత సాధించిన నితీష్, ఇప్పటికే కంగనా రనౌత్,సంజయ్ దత్, శిల్పా శెట్టి,జాన్వీ కపూర్ వంటి ప్రముఖుల జాబితాలో చేరాడు. ఇటీవల సోషల్ మీడియాలో వైరల్ అయిన వీడియోల్లో నితీష్ తన కుటుంబంతో కలిసి బటుమి గోల్డ్ కలర్లో మెరిసే ఈ SUVను డ్రైవ్ చేస్తూ కనిపించాడు. గోల్డ్తో పాటు సాంటోరిని బ్లాక్,ఫుజి వైట్, బెల్గ్రేవియా గ్రీన్ వంటి ఆకర్షణీయమైన కలర్ ఆప్షన్లు కూడా అందుబాటులో ఉన్నాయి.
వివరాలు
కేవలం 4.6 సెకండ్లలో 100 కి.మీ వేగం
ముఖ్యంగా ఈ కారు డెలివరీ తీసుకుంటున్న దృశ్యాలు అభిమానులను ఆకట్టుకున్నాయి. ఇదే సమయంలో ఏప్రిల్ 18న సన్రైజర్స్ హైదరాబాద్ జట్టు చెన్నై సూపర్ కింగ్స్పై 10 పరుగుల తేడాతో గెలిచిన మ్యాచ్లో నితీష్ బౌలింగ్ అద్భుతం. ఈ రేంజ్ రోవర్ ఆటోబయోగ్రఫీ టాప్ వేరియంట్లో 4.4 లీటర్ V8 ఇంజిన్ ఉండి, 522 హెచ్పీ పవర్, 750 ఎన్ఎం టార్క్ ఇస్తుంది. మైల్డ్ హైబ్రిడ్ టెక్నాలజీ సపోర్ట్తో కేవలం 4.6 సెకండ్లలో 0 నుంచి 100 కిమీ వేగాన్ని అందుకుంటుంది. గరిష్ట వేగం 250 కిమీ వరకు ఉంటుంది. అలాగే ప్లగ్-ఇన్ హైబ్రిడ్, డీజిల్ ఇంజిన్ ఆప్షన్లు కూడా ఉన్నాయి. అయితే నితీష్ ఏ వేరియంట్ ఎంచుకున్నాడో ఇంకా తెలియలేదు.
వివరాలు
కారు ప్రీమియం ఫీచర్లు..
కారు లోపల ప్రీమియం ఫీచర్లు ఆకట్టుకుంటాయి. పవర్ అడ్జస్టబుల్, మసాజ్ ఫంక్షన్ సీట్లు ప్రయాణికులకు విశ్రాంతి కలిగిస్తాయి. కర్వ్డ్ టచ్స్క్రీన్ ద్వారా పనిచేసే పివి ప్రో ఇన్ఫోటైన్మెంట్ సిస్టమ్, వైర్లెస్ ఆపిల్ కార్ప్లే, ఆండ్రాయిడ్ ఆటో సపోర్ట్ ఉన్నాయి. 29 స్పీకర్ల మెరిడియన్ సౌండ్ సిస్టమ్ డ్రైవ్ను కచేరీలా మార్చేస్తుంది. ఫోర్-జోన్ క్లైమేట్ కంట్రోల్, రియర్ ఎగ్జిక్యూటివ్ సీటింగ్ వంటి ఫీచర్లు VIP అనుభూతి ఇస్తాయి. భద్రత విషయానికి వస్తే 360 డిగ్రీ కెమెరా, డైనమిక్ స్టాబిలిటీ కంట్రోల్, మల్టిపుల్ ఎయిర్బ్యాగ్స్, అడ్వాన్స్డ్ డ్రైవర్ అసిస్టెన్స్ సిస్టమ్ వంటి ఫీచర్లు అందుబాటులో ఉన్నాయి. మొత్తంగా, నితీష్ రెడ్డి కొనుగోలు చేసిన ఈ లగ్జరీ SUV ప్రస్తుతం చర్చనీయాంశంగా మారింది.