మరోసారి ఆకాశాన్నింటిన టాటా కార్ల ధరలు
ఈ వార్తాకథనం ఏంటి
దేశీయ ప్రముఖ ఆటోమొబైల్ సంస్థ టాటా మోటర్స్ మరోసారి కస్టమర్లకు ఊహించిన షాక్ ఇచ్చింది.
ఇప్పటికే పలుమార్లు వాహనాల ధరలను పెంచిన టాటా మోటర్స్, తాజాగా మరోసారి పెంచనున్నట్లు స్పష్టం చేసింది. జులై 17 నుంచి ఈ పెంపు ఉంటుందని కంపెనీ ఓ ప్రకటనలో తెలిపింది.
విద్యుత్ వాహనాలు సహా అన్ని మోడళ్లపై సగటున 0.6శాతం చొప్పున పెంపు ఉంటుందని కంపెనీ పేర్కొంది.
ఇన్‌పుట్ కాస్ట్ పెరగడమే ధరల పెంపునకు కారణమని టాటా మోటర్స్ తెలిపింది.
టాటా మోటర్స్ కు చెందిన హ్యాచ్ బ్యాక్, సెడాన్, ఎస్‌యూవీ, ఈవీ వాహనాల అన్నింటికీ ఈ పెంపు వర్తించనుంది. టియోగో, టిగోర్, ఆల్ట్రోజ్, నెక్సాన్ ఈవీ, టిగోర్ ఈవీ పేరట విద్యుత్ కార్లను టాటా అమ్ముతోంది.
Details
జులై 31లోపు జరిగే డెలివరీలకు ధరల పెంపు వర్తించదు
అయితే జులై 16 వరకు చేసిన బుకింగ్‌లకు, జులై 31లోపు జరిగే డెలివరీలకు ధరల పెంపు వర్తించదు. ధరల భారం పడకుండా ఉండాలంటే జూలై 17లోపు కొనుగోలు చేయాల్సి ఉంటుంది.
2022-23 క్యూ 1లో టాటా మోటర్స్ 2,31,248 యూనిట్లతో పోలిస్తే 2023-24 క్యూ1లో 2,26,245 వాహన విక్రయాలను నమోదు చేసింది.
జూన్ 22 నెల దేశీలమ అమ్మకాల పరంగా 80,383 యూనిట్లను విక్రయించింది. గతేడాది జూన్ అమ్మకాల కంటే 79,606 వద్ద స్వల్పంగా ఎక్కువ.
దేశీయ విపణిలో PVల పరంగా మొత్తం విక్రయాల పరంగా, జూన్ 2022లో 45,197 యూనిట్లతో పోలిస్తే జూన్ 2023లో టాటా మోటార్స్ 47,235 యూనిట్లను విక్రయించడం విశేషం.