Tata Safari EV : దీపావళి ముందే టాటా సఫారీ ఈవీ ఎంట్రీ.. 600 కి.మీ రేంజ్ హైలైట్
ఈ వార్తాకథనం ఏంటి
టాటా మోటార్స్ తన ఎలక్ట్రిక్ వాహనాల శ్రేణిని మరింత విస్తరిస్తూ, ఎంతోకాలంగా ఎదురుచూస్తున్న 'సఫారీ ఈవీ'ను భారత మార్కెట్లోకి తీసుకురానుంది. తాజా నివేదికల ప్రకారం, ఈ కొత్త మోడల్ 2026 దీపావళి పండుగ సీజన్కు ముందే విడుదల కానుంది. టాటా బ్రాండ్ నుంచి వచ్చే తొలి 7-సీటర్ ఎలక్ట్రిక్ ఎస్యూవీగా ఇది ప్రత్యేక గుర్తింపు పొందనుంది. ప్రస్తుతం ఫ్లాగ్షిప్ ఎలక్ట్రిక్ కారుగా ఉన్న హారియర్ ఈవీ స్థానాన్ని ఇకపై సఫారీ ఈవీ భర్తీ చేయనుంది. ఈ వాహనం ఉత్పత్తిని 2026 ఆగస్టు నాటికి ప్రారంభించాలని కంపెనీ లక్ష్యంగా పెట్టుకుంది.
వివరాలు
ప్లాట్ఫామ్, పవర్ట్రెయిన్ వివరాలు
అంతర్గతంగా 'టైరోనా' అనే కోడ్ నేమ్తో పిలుస్తున్న ఈ సఫారీ ఈవీ, హారియర్ ఈవీలో ఉపయోగించిన 'acti.ev+' ఆర్కిటెక్చర్పై ఆధారపడి ఉంటుంది. ఇది పూర్తిస్థాయి 'బోర్న్-ఈవీ' కాకపోయినా, ఐసీఈ నుంచి ఈవీకి మార్చిన ఆధునిక ప్లాట్ఫామ్గా రూపుదిద్దుకుంది ఈ ఎలక్ట్రిక్ ఎస్యూవీలో రెండు బ్యాటరీ ఆప్షన్లు ఉండే అవకాశం ఉంది: 65 కిలోవాట్-ఆవర్ బ్యాటరీ: సుమారు 538 కి.మీ రేంజ్ (ఆర్డబ్ల్యూడీ) అందిస్తుంది. 75 కిలోవాట్-ఆవర్ బ్యాటరీ: 600 కి.మీ పైగా రేంజ్ ఇవ్వగలదు.
వివరాలు
సఫారీ ఈవీ 100 కిలోవాట్ డీసీ ఫాస్ట్ ఛార్జింగ్ సపోర్ట్
స్టాండర్డ్ మోడల్స్లో రియర్-యాక్సిల్ మౌంటెడ్ ఎలక్ట్రిక్ మోటార్ (ఆర్డబ్ల్యూడీ) ఉండగా, హై-స్పెక్ వేరియంట్లలో డ్యూయల్ మోటార్తో కూడిన ఆల్-వీల్ డ్రైవ్ (ఏడబ్ల్యూడీ) సెటప్ అందుబాటులోకి రానుంది. ఇక టాటా హారియర్ EV 75 కిలోవాట్-ఆవర్ బ్యాటరీతో 627 కి.మీ (ఆర్డబ్ల్యూడీ), 622 కి.మీ (ఏడబ్ల్యూడీ) క్లెయిమ్డ్ రేంజ్ ఇస్తోంది. సఫారీ ఈవీ 100 కిలోవాట్ డీసీ ఫాస్ట్ ఛార్జింగ్ సపోర్ట్తో పాటు నార్మల్, స్నో/గ్రాస్, మడ్, సాండ్, రాక్, క్రాల్, కస్టమ్ వంటి మల్టిపుల్ టెర్రైన్ మోడ్స్తో రానుంది.
వివరాలు
డిజైన్, ఇంటీరియర్ ప్రత్యేకతలు
బాహ్య రూపంలో ప్రస్తుత ఐసీఈ సఫారీ మోడల్ను పోలి ఉన్నప్పటికీ, ఈవీకి ప్రత్యేక గుర్తింపు కోసం క్లోజ్డ్ ఫ్రంట్ గ్రిల్, కొత్త బంపర్లు, ఈవీ బ్యాడ్జింగ్, ఏరో-ఆప్టిమైజ్డ్ అలాయ్ వీల్స్ వంటి మార్పులు చేశారు. ఇంటీరియర్లో 'టిడాల్' (టాటా ఇంటెలిజెంట్ డిజిటల్ ఆర్కిటెక్చర్ లేయర్) టెక్నాలజీని అందించారు. దీని ద్వారా: ఓటీఏ అప్డేట్స్ 540-డిగ్రీ సరౌండ్ వ్యూ ఫీచర్ అప్గ్రేడెడ్ లెవల్ 2 ఏడాస్ ఆటో-పార్క్ అసిస్ట్, సమ్మన్ మోడ్ యూపీఐ ఆధారిత ఇన్-కార్ పేమెంట్ సిస్టమ్ (డ్రైవ్పే) వంటి ఆధునిక ఫీచర్లు అందుబాటులోకి రానున్నాయి.
వివరాలు
మార్కెట్ అంచనాలు
సఫారీ ఈవీ విడుదలతో టాటా ఎలక్ట్రిక్ ఎస్యూవీ పోర్ట్ఫోలియో మరింత బలపడనుంది. మార్కెట్లోకి వచ్చిన తర్వాత ఇది నేరుగా మహీంద్రా XEV 9eతో పోటీ పడనుంది. ఈ వాహనం ధర సుమారు రూ.22.5 లక్షల నుంచి రూ.30 లక్షల (ఎక్స్-షోరూమ్) మధ్య ఉండవచ్చని అంచనా. ఈ ఏడాది ఇప్పటికే లాంచ్ అయిన సఫారీ పెట్రోల్ వెర్షన్ తరువాత, ఈ ఎలక్ట్రిక్ వెర్షన్ టాటాకు నెలకు అదనంగా 1000-1500 యూనిట్ల అమ్మకాలను తీసుకురాగలదని కంపెనీ భావిస్తోంది.