Tata Sierra EV : 500 కి.మీ రేంజ్తో టాటా సియెర్రా ఈవీ.. లాంచ్ డేట్ ఫిక్స్!
ఈ వార్తాకథనం ఏంటి
భారతీయ ఆటో మొబైల్ దిగ్గజం టాటా మోటార్స్ తన ఎలక్ట్రిక్ వాహనాల విభాగాన్ని మరింత విస్తరించేందుకు సిద్ధమవుతోంది. కొంతకాలంగా ఆటో ప్రియుల్లో ఆసక్తిని రేకెత్తిస్తున్న టాటా సియెర్రా ఈవీ త్వరలోనే షోరూమ్లలోకి రానుంది. ఈ మోడల్ను 2026-27 ఆర్థిక సంవత్సరం మొదటి త్రైమాసికంలో, అంటే 2026 ఏప్రిల్ నుంచి జూన్ మధ్యలో అధికారికంగా విడుదల చేయనున్నట్లు సంస్థ ధృవీకరించింది. ఇప్పటికే దేశవ్యాప్తంగా ఈ వాహనం టెస్ట్ రన్లు జరుగుతున్నాయి, దీంతో దీని అభివృద్ధి తుదిదశకు చేరుకున్నట్లు స్పష్టమవుతోంది.
వివరాలు
అత్యాధునిక ప్లాట్ఫారమ్, బ్యాటరీ టెక్నాలజీ
సియెర్రా ఈవీ పాత పేరు మాత్రమే కాదు, పూర్తిగా కొత్త టెక్నాలజీతో వస్తోంది. ఇది Acti.ev+ ఆర్కిటెక్చర్పై రూపొందుతోంది. ఈ ఫ్లెక్సిబుల్ స్కేట్బోర్డ్ ప్లాట్ఫారమ్ వివిధ బ్యాటరీ పరిమాణాలు, డ్రైవ్ట్రెయిన్ కాన్ఫిగరేషన్లకు అనుకూలంగా ఉంటుంది. Tata Harrier EVలో ఉపయోగించే కీలక భాగాలను కూడా ఇందులో వినియోగించనున్నారు. బ్యాటరీ పరంగా రెండు ఆప్షన్లు అందుబాటులో ఉండనున్నాయి 55 kWh బ్యాటరీ ప్యాక్ - Tata Curvv EV తరహాలో 65 kWh బ్యాటరీ ప్యాక్ - హారియర్ ఈవీ నుంచి ఈ పెద్ద బ్యాటరీతో సియెర్రా ఈవీ ఒకసారి చార్జ్ చేస్తే 500 కిలోమీటర్లకు పైగా రియల్-వరల్డ్ రేంజ్ అందించే అవకాశం ఉంది.
వివరాలు
డిజైన్, లుక్స్
ఒరిజినల్ సియెర్రా క్లాసిక్ డిజైన్ను కొనసాగిస్తూ, ఆధునిక ఈవీ స్టైలింగ్తో ఈ ఎస్యూవీని రూపొందించారు. క్లోజ్డ్ గ్రిల్, పూర్తి వెడల్పున ఎల్ఈడీ డీఆర్ఎల్, స్ప్లిట్ హెడ్ల్యాంప్స్ ఇందులో ఉంటాయి. అలాగే ఫ్లష్ డోర్ హ్యాండిల్స్, కొత్త అల్లాయ్ వీల్స్, మస్క్యులర్ వీల్ ఆర్చెస్, వెనుక భాగంలో కనెక్టెడ్ ఎల్ఈడీ లైట్ బార్ ఈ వాహనానికి ప్రీమియం లుక్ ఇస్తాయి.
వివరాలు
ఇంటీరియర్, ఫీచర్లు
ఈ వాహనం లోపలి భాగం మరింత లగ్జరీగా ఉండనుంది. ముఖ్యంగా త్రీ-స్క్రీన్ సెటప్ ప్రధాన ఆకర్షణగా నిలుస్తుంది. ఇందులో డిజిటల్ ఇన్స్ట్రుమెంట్ క్లస్టర్, పెద్ద ఇన్ఫోటైన్మెంట్ స్క్రీన్తో పాటు ప్యాసింజర్ సైడ్ డిస్ప్లే ఉంటుంది. టాప్ వేరియంట్లలో లెవల్-2 ADAS, 360-డిగ్రీ కెమెరా, పనోరమిక్ సన్రూఫ్, వెంటిలేటెడ్ సీట్లు, యాంబియెంట్ లైటింగ్, పవర్డ్ టెయిల్గేట్ వంటి ఆధునిక సదుపాయాలు అందుబాటులో ఉంటాయి. ధర, మార్కెట్ పొజిషనింగ్ ఈ మోడల్ను కర్వ్ ఈవీకి పైగా, హారియర్ ఈవీకి దిగువగా మార్కెట్లో ఉంచనున్నారు. ప్రారంభ ధర సుమారు రూ.18 లక్షల (ఎక్స్-షోరూమ్) నుంచి ఉండవచ్చని అంచనా. వచ్చే ఏడాది రానున్న 'అవిన్యా' సిరీస్కు ముందుగా, టాటా ఈవీ పోర్ట్ఫోలియోలో సియెర్రా కీలక పాత్ర పోషించనుంది.