Loading...
Tesla Cybercab జర్మనీ ఆటో రంగానికి టెస్లా గుడ్‌న్యూస్‌.. సైబర్‌క్యాబ్‌పై భారీ పెట్టుబడి
జర్మనీ ఆటో రంగానికి టెస్లా గుడ్‌న్యూస్‌.. సైబర్‌క్యాబ్‌పై భారీ పెట్టుబడి

Tesla Cybercab జర్మనీ ఆటో రంగానికి టెస్లా గుడ్‌న్యూస్‌.. సైబర్‌క్యాబ్‌పై భారీ పెట్టుబడి

వ్రాసిన వారు Balachander Sharma
Nov 17, 2026
10:02 am

ఈ వార్తాకథనం ఏంటి

జర్మనీ ఆటో మొబైల్‌ పరిశ్రమలో టెస్లా మరోసారి తనదైన ముద్ర వేయబోతోంది. బెర్లిన్‌ సమీపంలోని గ్రున్‌హైడె గిగాఫ్యాక్టరీ విస్తరణకు సుమారు €3 బిలియన్‌ (3.3 బిలియన్‌ డాలర్లు) పెట్టుబడి పెట్టనున్నట్లు టెస్లా ప్రకటించింది. ఈ నిర్ణయం ఆసక్తికరంగా మారడానికి కారణం.. జర్మనీకి చెందిన వోక్స్‌వ్యాగన్‌, మెర్సిడెస్‌ బెంజ్‌, బీఎండబ్ల్యూ వంటి దిగ్గజ సంస్థలు ఉద్యోగాల కోత, ప్లాంట్ల మూసివేత వంటి కఠిన నిర్ణయాల వైపు వెళ్తున్న సమయంలో టెస్లా మాత్రం విస్తరణ బాట పట్టడమే. కొత్త ప్లాంట్‌ పూర్తయితే సామర్థ్యం పరంగా జర్మనీలోనే అతిపెద్ద ఆటో ప్లాంట్లలో ఒకటిగా నిలిచే అవకాశం ఉంది.

Details

సైబర్‌క్యాబ్‌ కోసం కొత్త ఫ్యాక్టరీ

ఈ విస్తరణ వెనుక ప్రధాన కారణం టెస్లా సైబర్‌క్యాబ్‌ రోబోట్యాక్సీ. గ్రున్‌హైడెలో ఏడాదికి ఏకంగా 10 లక్షల సైబర్‌క్యాబ్‌లను తయారు చేయాలని కంపెనీ లక్ష్యంగా పెట్టుకుంది.

ప్రాజెక్టుకు సంబంధించిన నిర్మాణ అనుమతి కోసం ఈ ఏడాది చివర్లో దరఖాస్తు చేయనుంది. నిర్మాణ పనులు 2027 తొలి అర్ధభాగంలో ప్రారంభమై, ఉత్పత్తి 2029లో మొదలయ్యేలా ప్రణాళిక రూపొందించింది.

తొలి దశలోనే వందలాది కొత్త ఉద్యోగాలు వచ్చే అవకాశం ఉందని టెస్లా తెలిపింది. అయితే ఈ రోబోట్యాక్సీకి ఇప్పటివరకు భారీ స్థాయిలో వాణిజ్య విక్రయాలు జరగకపోవడం ఆసక్తికర అంశంగా మారింది.

Details

జర్మనీకి ఊరట.. టెస్లాకు కొత్త సవాళ్లు

టెస్లా పెట్టుబడి జర్మనీ ఆటో రంగానికి కొంత ఊరటనిచ్చినా, కంపెనీకి సవాళ్లు లేకపోలేదు. గ్రున్‌హైడె ప్లాంట్‌ ప్రారంభమైనప్పటి నుంచి పర్యావరణ కార్యకర్తల నిరసనలు, IG Metall కార్మిక సంఘంతో విభేదాలు కొనసాగుతున్నాయి.

ఇదిలా ఉంటే, టెస్లా ఇటీవల ఈ ప్లాంట్‌లో మోడల్‌ Y ఉత్పత్తిని పెంచి 2,000 మందికి పైగా కొత్త ఉద్యోగులను నియమించింది. వచ్చే ఏడాది మధ్య నుంచి బ్యాటరీ సెల్‌ ఉత్పత్తిని కూడా ప్రారంభించాలనే లక్ష్యంతో ఉంది.

మరోవైపు అమెరికాలోని టెక్సాస్‌ ప్లాంట్‌లో Cybertruck ఉత్పత్తిని 2027 వేసవి చివర్లో తగ్గించి, ఆ సామర్థ్యాన్ని సైబర్‌క్యాబ్‌ వైపు మళ్లించేందుకు కంపెనీ సిద్ధమవుతోంది.

ADVERTISEMENT