Tesla: తగ్గుతున్న డిమాండ్ మధ్య టెస్లా కొత్త ఈవీ ప్లాన్
ఈ వార్తాకథనం ఏంటి
అమెరికాకు చెందిన ఎలక్ట్రిక్ వాహనాల తయారీ సంస్థ టెస్లా కొత్తగా తక్కువ ధరలో అందుబాటులో ఉండే చిన్న కాంపాక్ట్ ఎస్యూవీ వాహనాన్ని తయారు చేసే పనిలో ఉన్నట్లు సమాచారం. ఇది ప్రస్తుతం ఉన్న మోడల్ 3 లేదా మోడల్ వై వాహనాలకి సంబంధం లేకుండా పూర్తిగా కొత్త మోడల్గా ఉండనుంది. ఇటీవల సరఫరాదారులతో తయారీ విధానం, లక్షణాలపై చర్చలు కూడా జరిపినట్లు తెలుస్తోంది. సుమారు 4.28 మీటర్ల పొడవు కలిగిన ఈ వాహనం, కంపెనీకి అత్యధికంగా అమ్ముడవుతున్న మోడల్ వై కంటే చిన్నదిగా ఉంటుంది. ఈ కొత్త వాహనాన్ని మొదటగా చైనాలో తయారు చేసి, తరువాత అమెరికా, యూరప్ దేశాలకు విస్తరించే యోచనలో ఉంది.
వివరాలు
సాధారణ వినియోగదారుల కోసం చిన్న ఎస్యూవీ
కంపెనీ సీఈఓ ఎలాన్ మస్క్ 2024లో తక్కువ ధర ఎలక్ట్రిక్ వాహన ప్రాజెక్ట్ను నిలిపివేసి రోబోటాక్సీలు, హ్యూమనాయిడ్ రోబోట్లపై దృష్టి పెట్టిన సంగతి తెలిసిందే. ఇప్పుడు మళ్లీ చిన్న ఎస్యూవీ అభివృద్ధి చేయడం వల్ల సాధారణ వినియోగదారుల కోసం వాహనాలపై దృష్టి తిరిగి పెట్టినట్లు భావిస్తున్నారు. అయితే ఈ కొత్త మోడల్ పూర్తిగా స్వయంచాలిత వాహనాల ప్రణాళికలో భాగమా అన్నదానిపై స్పష్టత లేదు.
వివరాలు
బరువు కూడా సుమారు 1.5 టన్నులు
ఈ వాహనం ధరను ప్రస్తుతం ఉన్న ఎంట్రీ లెవల్ మోడల్ 3 కంటే తక్కువగా ఉంచే యోచనలో టెస్లా ఉంది. ఖర్చులు తగ్గించడానికి చిన్న బ్యాటరీ, ఒకే ఎలక్ట్రిక్ మోటార్ వాడే అవకాశం ఉంది. బరువు కూడా సుమారు 1.5 టన్నుల వరకు ఉండి, మోడల్ వై కంటే తక్కువగా ఉంటుంది. గతంలో 25 వేల డాలర్లలో "మోడల్ 2" వాహనం తీసుకురావాలని టెస్లా యోచించినప్పటికీ, ఆ ప్రణాళికను 2024లో రద్దు చేసింది. ప్రస్తుతం రోబోటాక్సీల ద్వారా ప్రయాణ ఖర్చులు తగ్గించే దిశగా కంపెనీ ముందుకు సాగుతోంది.