టయోటా హిలక్స్ ధరల తగ్గింపు, కొత్త ధరల వివరాలు
టయోటా కిర్లోస్కర్ మోటార్ ఇటీవల తన హిలక్స్ పిక్-అప్ ట్రక్ ధరలను సవరించింది. స్టాండర్డ్, హై అనే రెండు వేరియంట్‌లలో అందుబాటులో ఉంది. Hilux స్టాండర్డ్ వేరియంట్ ధర రూ.3.60 లక్షలు తగ్గింది, అయితే హై వేరియంట్ ధర మాత్రం రూ.1.35 లక్షలు పెరిగాయి. దాదాపు ఒక సంవత్సరం తర్వాత, కంపెనీ టయోటా హిలక్స్ బుకింగ్‌లు ప్రారంభించింది. 2023 టయోటా హిలక్స్ 4X4 స్టాండర్డ్ MT వేరియంట్ ధర రూ.3.60 లక్షలు తగ్గింది, అయితే MT, AT వేరియంట్ రూ.1.35 లక్షలు, రూ.1.10 లక్షల ధరలు పెరిగాయి. 2023 టయోటా హిలక్స్ ధరలు ఇప్పుడు రూ. 30.40 లక్షల నుండి రూ. 37.90 లక్షలు(రెండు ధరలు ఎక్స్-షోరూమ్, ఢిల్లీ).
టయోటా హిలక్స్ భారతీయ మార్కెట్లో అతిపెద్ద వాహనాలలో ఒకటి
టయోటా హిలక్స్ భారతీయ మార్కెట్లో అతిపెద్ద వాహనాలలో ఒకటి. లోపల, టయోటా హిలక్స్ ఆండ్రాయిడ్ ఆటో, ఆపిల్ కార్‌ప్లేతో ఉన్న 8.0-అంగుళాల టచ్‌స్క్రీన్, డ్యూయల్-జోన్ క్లైమేట్ కంట్రోల్, ఆరు-స్పీకర్ సౌండ్ సిస్టమ్ ఉంది. సేఫ్టీ సూట్‌లో ముందు, వెనుక పార్కింగ్ సెన్సార్లు, ఏడు ఎయిర్‌బ్యాగ్‌లు, టైర్ యాంగిల్ మానిటర్, హిల్ అసిస్ట్ కంట్రోల్, వెహికల్ స్టెబిలిటీ కంట్రోల్, EBDతో ఉన్న ABS ఉన్నాయి. టయోటా హిలక్స్ 2.8-లీటర్ నాలుగు-సిలిండర్ టర్బోచార్జ్‌డ్ డీజిల్ ఇంజన్‌తో నడుస్తుంది. అంతేకాకుండా, టొయోటా హిలక్స్ 4X4 డ్రైవ్ సిస్టమ్ స్టాండర్డ్‌గా మరియు ముందు, వెనుక ఎలక్ట్రానిక్ డిఫరెన్షియల్ లాక్‌లతో వస్తుంది.
