'వెస్పా' కొత్త స్కూటర్ లుక్ అదుర్స్.. ధర తెలిస్తే నోరెళ్లబెట్టాల్సిందే!
ఈ వార్తాకథనం ఏంటి
ఇటలీకి చెందిన ప్రముఖ ఆటోమొబైల్ సంస్థ పియాజియోకు చెందిన పియాజియా వెహికల్స్ కొత్త వెస్పా స్కూటర్ ను ఇండియన్ మార్కెట్లోకి ప్రవేశపెట్టింది.
దీని ధర అక్షరాల రూ.6.45 లక్షలు. జస్టిన్ బీబర్ ఎక్స్ ఎడిషన్ పేరుతో కంపెనీ ఈ వెహికల్ ని లాంచ్ చేసింది.
కెనడా పాప్ స్టార్ జస్టిన్ బీబర్ ఆలోచనలకు అనుగుణంగా ఈ స్కూటర్ ను డిజైన్ చేసినట్లు పేర్కొంది. దీని కోసం జస్టిన్ బీబర్ తో ఆ సంస్థ భాగస్వామ్యం కుదుర్చుకుంది.
ఇదో లిమిటెడ్ ఎడిషన్ స్కూటర్ అని పియాజియా స్పష్టం చేసింది.
ప్రీ ఆర్డర్ పై ఈ స్కూటర్లను దిగుమతి చేయనున్నట్లు ఆ సంస్థ వెల్లడించింది.
Details
వెస్పా కొత్త మోడల్ స్కూటర్ లో 150 సీసీ ఇంజిన్
వెస్పా కొత్త మోడల్ స్కూటర్‌లో 150 సీసీ ఇంజిన్ ఉంది. యూరో 5 ఉద్గార ప్రమాణాలతో వస్తోంది. 8 లీటర్ల ఫ్యూయల్ కెపాసిటితో వస్తోంది.
మరోవైపు దేశీయంగా ఆటోలతో పాటు ఏప్రిల్లా, వెస్పా స్కూటర్లను పియాజియో విక్రయిస్తోంది.
ఈ వెహికల్ 10.4hp గరిష్ట శక్తిని, 10.6Nm గరిష్ట టార్క్‌ను ఉత్పత్తి చేస్తుంది. CVT ఆటోమేటిక్ గేర్‌బాక్స్‌ను కలిగి ఉంటుంది.
వెస్పాలో క్లాసిక్, స్పోర్ట్స్, రేసింగ్ సిక్స్ టీస్ పేరుతో వివిధ మోడళ్లు దేశీయంగా అందుబాటులో ఉండనున్నాయి.