Electric Car : విన్‌ఫాస్ట్ VF MPV 7 టీజర్ విడుదల.. భారత్‌లోకి రానున్న ప్రీమియం 7-సీటర్ ఈవీ!

వ్రాసిన వారు Sirish Praharaju

Apr 01, 2026

12:35 pm

ఈ వార్తాకథనం ఏంటి

భారత ఎలక్ట్రిక్ వాహనాల (EV) మార్కెట్‌లో తన స్థానాన్ని మరింత బలపరచడానికి వియత్నాం ఆటో మొబైల్ దిగ్గజం విన్‌ఫాస్ట్ దూకుడు పెంచింది. తాజాగా తన రాబోయే మోడల్ VF MPV 7కి సంబంధించిన మొదటి అధికారిక టీజర్ చిత్రాన్ని విడుదల చేసింది. ఈ టీజర్‌తో పాటు, ఈ కొత్త ఎలక్ట్రిక్ వాహనాన్ని త్వరలోనే భారత మార్కెట్‌లో విడుదల చేయనున్నట్లు సంకేతాలు ఇచ్చింది. ఇప్పటికే VF6, VF7 వంటి ఎలక్ట్రిక్ SUVలను పరిచయం చేసిన సంస్థ.. ఇప్పుడు 7-సీటర్ ఎంపీవీ సెగ్మెంట్‌లోకి అడుగుపెడుతోంది.

వివరాలు

కుటుంబాల కోసం ప్రత్యేకంగా డిజైన్ చేసిన ఈవీ

VF MPV 7 మోడల్, విన్‌ఫాస్ట్ 'లిమో గ్రీన్' వెర్షన్‌తో సమానమైన పరిమాణం,సీటింగ్ సామర్థ్యాన్ని కలిగి ఉన్నప్పటికీ.. ఇది పూర్తిగా ప్రైవేట్ వినియోగదారుల కోసం రూపొందించబడింది. కమర్షియల్ ఉపయోగాల కోసం వచ్చే లిమో గ్రీన్‌తో పోలిస్తే, ఈ ఫ్యామిలీ కారులో మరింత లగ్జరీ ఫీచర్లు అందుబాటులో ఉన్నాయి. ఎక్స్‌టీరియర్ ఫీచర్లు: సిగ్నేచర్ స్టైల్‌లో స్లిమ్ LED హెడ్‌లైట్లు ఇంటర్‌కనెక్టెడ్ టెయిల్ లైట్లు ఆకర్షణీయమైన 19-ఇంచ్ అలాయ్ వీల్స్ ఇంటీరియర్ హైలైట్స్: ప్రీమియం లెదరెట్ సీట్లు కీ-లెస్ ఎంట్రీ సిస్టమ్ ముందు, వెనుక భాగాల్లో ఇంటిగ్రేటెడ్ లైటింగ్ టెక్నాలజీ: 10.1-ఇంచ్ ఇన్ఫోటైన్‌మెంట్ డిస్‌ప్లే USB-A, USB-C ఛార్జింగ్ పోర్టులు

వివరాలు

కంఫర్ట్ ఫీచర్లు:

హైట్ అడ్జస్టబుల్ డ్రైవర్ సీట్ అడ్జస్టబుల్ స్టీరింగ్ వీల్ సాంకేతిక వివరాలు - పవర్ & పనితీరు అధికారిక లాంచ్ సమయంలో పూర్తి స్పెసిఫికేషన్లు వెల్లడికానున్నప్పటికీ, ప్రస్తుతం అందుబాటులో ఉన్న సమాచారం ప్రకారం: బ్యాటరీ సామర్థ్యం: 60.1 kWh మోటార్: ఫ్రంట్-యాక్సిల్ ఎలక్ట్రిక్ మోటార్ పవర్: సుమారు 150 bhp టార్క్: 280 Nm ఈ ఎలక్ట్రిక్ ఎంపీవీ కేవలం 10 సెకన్లలోపు 0-100 km/h వేగం అందుకుంటుంది. నగర ట్రాఫిక్‌తో పాటు హైవే డ్రైవింగ్‌కు కూడా ఇది మంచి ఎంపికగా నిలవనుంది. డ్రైవింగ్ మోడ్‌లు: మల్టిపుల్ డ్రైవ్ మోడ్‌లు, రీజెనరేటివ్ బ్రేకింగ్ ఆప్షన్లు

వివరాలు

ధర, పోటీ & మార్కెట్ ప్రభావం

భారత మార్కెట్‌లో VF MPV 7 ప్రధానంగా కియా క్యారెన్స్ క్లావిస్ ఈవీ, BYD eMax 7 వంటి మోడళ్లకు పోటీ ఇవ్వనుంది. అదేవిధంగా మహీంద్రా XEV 9Sతో కూడా గట్టి పోటీ ఉండే అవకాశం ఉంది. అంచనా ప్రారంభ ధర: రూ. 19.90 లక్షలు (ఎక్స్-షోరూమ్) రాబోయే వారాల్లో ఈ కారు వేరియంట్లు, ఖచ్చితమైన ధర, రంగులు, డ్రైవింగ్ రేంజ్ వంటి పూర్తి వివరాలు వెల్లడికానున్నాయి. విన్‌ఫాస్ట్ నుంచి వస్తున్న ఈ 7-సీటర్ ఎలక్ట్రిక్ వాహనం భారతీయ కుటుంబాలకు ఒక ప్రీమియం, పర్యావరణహిత ప్రత్యామ్నాయంగా నిలవనుంది.