మిరాకిల్ GR, DeX GR ఎలక్ట్రిక్ స్కూటర్స్ ను ప్రకటించిన Yulu-బజాజ్ ఆటో
ఈ వార్తాకథనం ఏంటి
బజాజ్ ఆటో అనుబంధ సంస్థ చేతక్ టెక్నాలజీ లిమిటెడ్‌తో కలిసి బెంగళూరుకు చెందిన Yulu, మిరాకిల్ GR, DeX GR అనే రెండు కొత్త ఎలక్ట్రిక్ స్కూటర్స్ ను ప్రదర్శించారు. బజాజ్ కు Yulu తన రెండవ తరం ఈ-స్కూటర్‌లను అప్‌గ్రేడ్ చేయడంలో సహాయపడింది, దానితో పాటు కొన్ని భాగాలను ఉత్పత్తి చేసింది.
Yulu కొత్త ఎలక్ట్రిక్ వాహనాలు ముందూ మోడళ్ల కంటే సామర్ధ్యంగా పనిచేస్తాయి. Yulu AIటెక్నాలజీ స్టాక్‌తో, స్కూటర్ 25km/h వేగాన్ని అందుకోగలదు. డెలివరీ ప్రయోజనాల కోసం ఉద్దేశించిన భారతదేశపు మొట్టమొదటి ఎలక్ట్రిక్ వాహనం DeX GR. స్కూటర్ Yulu AI- ఆధారిత టెక్నాలజీతో పనిచేస్తుంది. ఇది వ్యక్తిగత, వాణిజ్య వినియోగం రెండింటికీ సులభంగా ఉంటుంది.
స్కూటర్
Yulu అక్టోబర్ నాటికి లక్ష ఎలక్ట్రిక్ స్కూటర్స్ ను లక్ష్యంగా పెట్టుకుంది
మిరాకిల్ GR, DeX GRను Yulu యాప్ ద్వారా యాక్సెస్ చేయచ్చు. డ్రైవింగ్ లైసెన్స్ లేదా హెల్మెట్ కూడా అవసరం లేదు. Yulu అప్లికేషన్ ఉపయోగించి, సమీప Yulu వాహనాన్ని గుర్తించచ్చు, బైక్‌ను ఎంచుకుని అన్‌లాక్ చేయడానికి బైక్ ప్యానెల్‌లోని QR కోడ్‌ను స్కాన్ చేయాలి. రైడ్‌ను ముగించడానికి, Yulu జోన్‌కి చేరుకుని, బైక్‌ను పార్క్ చేసి లాక్ చేసి, యాప్‌లో 'End' క్లిక్ చేయాలి.
Yulu అక్టోబర్ 2023 నాటికి భారతదేశంలో దాదాపు లక్ష ఎలక్ట్రిక్ ద్విచక్ర వాహనాలను ఉంచాలని లక్ష్యంగా పెట్టుకుంది. ఇది అధిక ఎనర్జీతో నడిచే స్వాప్ చేయగల బ్యాటరీలతో నడుస్తుంది. మాగ్నా సహకారంతో Yulu బ్యాటరీ-స్వాపింగ్ నెట్‌వర్క్ (100కి పైగా స్టేషన్‌లతో)ను ప్రారంభించింది.