ప్రపంచ బ్యాంక్ అధ్యక్షుడిగా అజయ్ బంగాను నామినేట్ చేసిన అమెరికా
ఈ వార్తాకథనం ఏంటి
ప్రపంచబ్యాంక్‌లో భారతీయ-అమెరికన్‌ నాయకత్వం వహించే సూచనలు కనిపిస్తున్నాయి. మాజీ మాస్టర్ కార్డ్ సీఈఓ వ్యాపారవేత్త అజయ్ బంగాను ప్రపంచ బ్యాంక్ అధ్యక్షుడిగా US నామినేట్ చేసింది. బ్యాంక్ ప్రస్తుత చీఫ్ డేవిడ్ మాల్పాస్ ఈ నెల ప్రారంభంలో పదవీవిరమణ నిర్ణయాన్ని ప్రకటించారు. అమెరికా అధ్యక్షుడు జో బిడెన్ గురువారం బంగా నామినేషన్‌ను ప్రకటించారు.
బంగా ఆ పదవికి ఎంపికైతే, ప్రతిష్టాత్మక సంస్థకు నాయకత్వం వహించే మొదటి భారతీయ మూలాలు ఉన్న వ్యక్తిగా చరిత్ర సృష్టిస్తారు .
బంగా పంజాబీ కుటుంబంలో నవంబర్ 10, 1959న పూణేలో జన్మించారు. ప్రారంభ విద్య సిమ్లాలో హైదరాబాద్ లో జరిగింది. ఢిల్లీలోని ప్రతిష్టాత్మకమైన సెయింట్ స్టీఫెన్స్ కాలేజీలో ఆర్థికశాస్త్రంలో బ్యాచిలర్స్ పూర్తి చేశారు.
బ్యాంక్
దేశంలో పెప్సికో ఫాస్ట్-ఫుడ్ ఫ్రాంచైజీలను ప్రారంభించడంలో కీలక పాత్ర పోషించిన బంగా
ఇండియన్ ఇన్‌స్టిట్యూట్ ఆఫ్ మేనేజ్‌మెంట్, అహ్మదాబాద్ (IIM-A) నుండి MBAతో సమానమైన PGP సంపాదించారు. బంగా 1981లో నెస్లే ఇండియాలో 13 సంవత్సరాలపాటు, వివిధ పదవుల్లో పని చేశారు.
తర్వాత, పెప్సికోలో రెండేళ్లపాటు పనిచేశారు. ఆ సమయంలో దేశంలో పెప్సికో ఫాస్ట్-ఫుడ్ ఫ్రాంచైజీలను ప్రారంభించడంలో కీలక పాత్ర పోషించారు. మాస్టర్ కార్డ్‌లో 2009లో కంపెనీ ప్రెసిడెంట్ చీఫ్ ఆపరేటింగ్ ఆఫీసర్‌గా చేరారు. ఆ తర్వాత సీఈఓ అయ్యారు, ఆ కంపెనీ ఎగ్జిక్యూటివ్ ఛైర్మన్‌గా డిసెంబర్ 31, 2021 వరకు ఆ సంస్థలో ఉన్నారు.
మాస్టర్ కార్డ్‌ను విడిచిపెట్టిన తర్వాత బంగా జనరల్ అట్లాంటిక్ అనే ప్రైవేట్ ఈక్విటీ సంస్థలో చేరారు. ప్రస్తుతం అక్కడ వైస్ చైర్మన్‌గా వ్యవహరిస్తున్నారు.