Anthropic IPO: చరిత్రలోనే అతిపెద్ద ఐపీఓ దిశగా ఆంత్రోపిక్.. ఇన్వెస్టర్లలో ఆసక్తి
ఈ వార్తాకథనం ఏంటి
అమెరికాకు చెందిన ప్రముఖ ఆర్టిఫిషియల్ ఇంటెలిజెన్స్(ఏఐ)సంస్థ ఆంత్రోపిక్ గ్లోబల్ స్టాక్ మార్కెట్‌లో సంచలనం సృష్టించేందుకు సిద్ధమవుతోంది. ప్రముఖ ఏఐ చాట్‌బాట్ క్లాడ్‌ను అభివృద్ధి చేసిన ఈ సంస్థ.. ఏకంగా 100బిలియన్ డాలర్ల వరకు నిధులు సమీకరించే లక్ష్యంతో సోమవారం ఇనీషియల్ పబ్లిక్ ఆఫరింగ్ (ఐపీఓ)కోసం అధికారిక పత్రాలను దాఖలు చేసినట్లు సమాచారం. ఈ ఐపీఓ పూర్తయితే కార్పొరేట్ చరిత్రలోనే అతిపెద్ద స్టాక్ మార్కెట్ లిస్టింగ్‌గా నిలిచే అవకాశం ఉందని మార్కెట్ వర్గాలు అంచనా వేస్తున్నాయి. శాన్‌ఫ్రాన్సిస్కో కేంద్రంగా కార్యకలాపాలు నిర్వహిస్తున్న ఆంత్రోపిక్..'ANT'ట్రేడింగ్ సింబల్‌తో నాస్‌డాక్ గ్లోబల్ సెలెక్ట్ మార్కెట్‌లో షేర్లను లిస్ట్ చేసేందుకు దరఖాస్తు చేసుకుంది. ఈ భారీ ఐపీఓ పరిమాణం,షేర్ల ధరల శ్రేణి, కంపెనీ తుది విలువపై ఇంకా స్పష్టత రాలేదు.
వివరాలు
2 ట్రిలియన్ డాలర్ల వాల్యుయేషన్‌పై అంచనాలు
అయితే, గత మేలో జరిగిన ప్రైవేట్ నిధుల సమీకరణ సమయంలో కంపెనీ విలువ 965 బిలియన్ డాలర్లుగా ఉన్నట్లు నివేదికలు పేర్కొన్నాయి.
తాజా ఐపీఓ ద్వారా సంస్థ మొత్తం విలువ 1.5 ట్రిలియన్ డాలర్ల నుంచి 2 ట్రిలియన్ డాలర్ల వరకు చేరవచ్చని అంచనాలు వెలువడుతున్నాయి.
ఈ ఐపీఓ ద్వారా ఆంత్రోపిక్.. స్పేస్‌ఎక్స్ గతంలో సమీకరించిన 86 బిలియన్ డాలర్ల రికార్డును అధిగమించే అవకాశం ఉంది.
దీంతో ప్రపంచంలోనే అత్యధిక నిధులు సమీకరించిన ఐపీఓగా ఇది నిలవవచ్చని భావిస్తున్నారు. ఈ పబ్లిక్ లిస్టింగ్ నవంబర్‌లో ప్రారంభమయ్యే అవకాశం ఉందని సమాచారం.
అయితే, దీనిపై తుది నిర్ణయం, అధికారిక వివరాలు ఇంకా వెల్లడికావాల్సి ఉంది.
వివరాలు
మౌలిక సదుపాయాలపై భారీ పెట్టుబడులు
ఐపీఓ ద్వారా సమీకరించే నిధులను వ్యాపార విస్తరణకు వినియోగించనున్నట్లు ఆంత్రోపిక్ వెల్లడించింది.
ముఖ్యంగా అత్యాధునిక కంప్యూటింగ్ మౌలిక సదుపాయాల అభివృద్ధి, డేటా సెంటర్ల సామర్థ్యం పెంపు, కొత్త ఏఐ మోడళ్ల రూపకల్పనకు ప్రాధాన్యం ఇవ్వనుంది.
వ్యూహాత్మక వ్యాపారాలు, సాంకేతిక పరిజ్ఞానాన్ని కొనుగోలు చేయడానికి కూడా ఈ నిధులను ఉపయోగించనున్నట్లు ఐపీఓ పత్రాల్లో పేర్కొంది.
ఏఐ మోడళ్లకు శిక్షణ ఇవ్వడానికి భారీ కంప్యూటింగ్ సామర్థ్యం, విద్యుత్, డేటా మౌలిక సదుపాయాలు అవసరమవుతున్నాయి.
ఈ అవసరాలను తీర్చుకునేందుకు అమెజాన్, గూగుల్, మైక్రోసాఫ్ట్ వంటి ప్రముఖ క్లౌడ్ సేవల సంస్థలతో కలిసి రాబోయే సంవత్సరాల్లో 500 బిలియన్ డాలర్లకు పైగా ఖర్చు చేయడానికి ఆంత్రోపిక్ కట్టుబడి ఉన్నట్లు సమాచారం.
వివరాలు
2026 మొదటి ఆరు నెలల్లో 693 మిలియన్ డాలర్ల నిర్వహణ నష్టం
ఏఐ రంగంలో పెరుగుతున్న పోటీ నేపథ్యంలో మౌలిక సదుపాయాలపై భారీగా పెట్టుబడులు పెట్టడం ద్వారా తన సామర్థ్యాన్ని మరింత పెంచుకోవాలని సంస్థ భావిస్తోంది.
మరోవైపు, ఆంత్రోపిక్ ఆదాయం గణనీయంగా పెరుగుతోంది. సంస్థ ఆర్థిక నివేదికల ప్రకారం.. 2024లో 386 మిలియన్ డాలర్లుగా ఉన్న ఆదాయం 2025 నాటికి 4.59 బిలియన్ డాలర్లకు చేరింది.
2026 తొలి ఆరు నెలల్లోనే ఏకంగా 16.29 బిలియన్ డాలర్ల ఆదాయాన్ని నమోదు చేసినట్లు నివేదికలు వెల్లడిస్తున్నాయి.
అయితే, వ్యాపార కార్యకలాపాల విస్తరణకు పెరుగుతున్న ఖర్చుల కారణంగా 2026 మొదటి ఆరు నెలల్లో సంస్థకు 693 మిలియన్ డాలర్ల నిర్వహణ నష్టం వచ్చింది.
వివరాలు
ఏఐ రంగంలో దిగ్గజాలతో పోటీ
దీనికి తోడు,భవిష్యత్తులో షేర్లుగా మార్చుకునే అవకాశం ఉన్న ఆర్థిక సాధనాల విలువ పెరగడంతో ఏర్పడిన అకౌంటింగ్ ఛార్జీల కారణంగా సంస్థ నివేదించిన నికర నష్టం 80.7 బిలియన్ డాలర్లకు చేరినట్లు సమాచారం.
ఈ నేపథ్యంలో ఆదాయం వేగంగా పెరుగుతున్నప్పటికీ, సంస్థ లాభదాయకతను సాధించడం కూడా కీలకంగా మారింది.
ఆంత్రోపిక్‌ను 2021లో మాజీ ఓపెన్‌ఏఐ పరిశోధకులు డారియో అమోడెయ్, డానియెలా అమోడెయ్ దంపతులు స్థాపించారు.
వివరాలు
ఏఐ రంగంలో దిగ్గజాలతో పోటీ
ప్రస్తుతం ఓపెన్‌ఏఐ, గూగుల్ వంటి దిగ్గజ సంస్థలతో ఈ కంపెనీ తీవ్ర పోటీని ఎదుర్కొంటోంది.
కోడింగ్, వ్యాపార కార్యకలాపాల ఆటోమేషన్, వివిధ పనుల్లో ఏఐ సహాయం కోసం ఉపయోగించే క్లాడ్ మోడళ్లతో ఆంత్రోపిక్ మార్కెట్‌లో తన స్థానాన్ని బలోపేతం చేసుకుంటోంది.
ప్రతిపాదిత ఐపీఓ విజయవంతమైతే, ఏఐ రంగంలో మరింత విస్తరించేందుకు, ప్రపంచ సాంకేతిక పరిశ్రమలో తన స్థానాన్ని బలోపేతం చేసుకునేందుకు సంస్థకు భారీగా నిధులు అందుబాటులోకి రానున్నాయి.