China Economy: వడ్డీ రేట్ల తగ్గింపు.. స్థిరాస్తి సంక్షోభాన్ని నివారించేందుకు చైనా కీలక చర్యలు
ఈ వార్తాకథనం ఏంటి
ఆర్థిక వ్యవస్థను తిరిగి పటిష్టం చేసేందుకు చైనా పలు కీలక చర్యలు చేపట్టింది.
ఈ సెంట్రల్ బ్యాంక్, పీపుల్స్ బ్యాంక్ ఆఫ్ చైనా, స్థిరాస్తి రంగానికి బూస్ట్ ఇచ్చేందుకు కీలక నిర్ణయాలను ప్రకటించింది.
క్యాష్ రిజర్వ్ రేషియో, కమర్షియల్ బ్యాంకులకు ఇచ్చే రుణాలపై వడ్డీ, ప్రాపర్టీ కొనుగోలుపై డౌన్ పేమెంట్ శాతం వంటి అంశాలను తగ్గించినట్లు తెలుస్తోంది.
కొవిడ్-19 సమయంలో చైనా ఆర్థిక వ్యవస్థ మందగించిన విషయం తెలిసిందే. నిరుద్యోగిత పెరగడం, ఇళ్ల ధరలు గణనీయంగా తగ్గాయి. చైనీయుల కొనుగోలు శక్తి కూడా తగ్గుముఖం పట్టింది.
Details
మార్ట్ గేజ్ రుణాలపై వడ్డీ 0.5శాతం తగ్గింపు
ఇల్లు, విద్యుత్ వాహనాల కొనుగోలుకు ప్రభుత్వం చేసిన ప్రయత్నాలు ఫలితం ఇవ్వలేదు. ఈ పరిస్థితుల వల్ల చైనా వృద్ధి నెమ్మదిస్తోంది.
చైనా సెంట్రల్ బ్యాంక్ గవర్నర్ పాన్ గాంగ్షెంగ్ మాట్లాడుతూ, బ్యాంకులు కనీసం కలిగి ఉండాల్సిన నగదు నిల్వల నిష్పత్తిని 0.5 శాతం తగ్గించాలని నిర్ణయించారు.
ఈ చర్యలతో బ్యాంకులు పౌరులకు ఎక్కువ రుణాలు ఇచ్చేందుకు అవకాశముంది.
మార్ట్‌గేజ్ రుణాలపై వడ్డీ 0.5 శాతం తగ్గించాలని కమర్షియల్ బ్యాంకులకు సూచించారు.
రెండో ఇంటిని కొనుగోలు చేస్తున్న వారి డౌన్ పేమెంట్‌ను 25 శాతం నుంచి 15 శాతానికి తగ్గించడం విశేషం.
Details
15 కోట్ల మందికి ప్రయోజనం
ఈ నిర్ణయాలతో 5 కోట్ల కుటుంబాలకు, 15 కోట్ల మందికి ప్రయోజనం చేకూరనుందని గవర్నర్ పేర్కొన్నారు.
ఈ చర్య వల్ల సుమారు 150 బిలియన్ యువాన్లు (21 బిలియన్ డాలర్లు) వడ్డీ భారం తగ్గుతుందని అంచనా వేస్తున్నారు.
చైనా రియల్ ఎస్టేట్ ప్రధాన మార్కెట్‌గా ఉంది, దీనిపై నిర్మాణ రంగం, హోమ్ డెకరేషన్, గృహోపకరణాల వంటి పరిశ్రమలు ఆధారపడి ఉన్నాయి.
అయితే అధిక రుణాలు, గృహ విక్రయాలు తగ్గడం వల్ల స్థిరాస్తి మార్కెట్ సంక్షోభానికి గురైంది.
ఈ నేపథ్యంలో చైనా అధ్యక్షుడు జిన్ పింగ్ ఆర్థిక వ్యవస్థను పటిష్టం చేసేందుకు చర్యలు చేపట్టాలని అధికార యంత్రాంగాన్ని ఆదేశించారు.