FASTag annual pass: ఫాస్టాగ్ వార్షిక పాస్ ఇక గిఫ్ట్‌గానూ ఇవ్వొచ్చు: ఎన్‌హెచ్ఏఐ
ఈ వార్తాకథనం ఏంటి
దేశంలోని జాతీయ రహదారులపై అతి తక్కువ ఖర్చుతో ప్రయాణించేందుకు కేంద్రం కొత్త ఫాస్టాగ్ వార్షిక టోల్‌పాస్‌ను ప్రవేశపెట్టింది. జాతీయ రహదారుల ప్రాధికార సంస్థ (NHAI) తెలిపినట్లు, దీపావళి పండగ వేళ ఈ కొత్త ఆప్షన్ అందుబాటులోకి వచ్చింది. ఈ పాస్‌ను మీకు నచ్చిన వ్యక్తులకు గిఫ్ట్‌గా కూడా ఇవ్వొచ్చని NHAI ప్రకటించింది. గిఫ్ట్ చేయడం ఎలా రాజమార్గ్ యాప్‌లోని 'యాడ్ పాస్' విభాగంలో వెళ్లి, గిఫ్ట్ ఇవ్వాలనుకునే వ్యక్తి వాహన నంబర్, కాంటాక్ట్ వివరాలు నమోదు చేయాలి. ఆ తర్వాత ఓటీపీ వెరిఫికేషన్ పూర్తి చేసిన తరువాత వార్షిక పాస్ యాక్టివేట్ అవుతుంది.
Details
ఫాస్టాగ్ వార్షిక పాస్ వివరాలు
దేశవ్యాప్తంగా 1150 టోల్‌ప్లాజాల్లో ఈ పాస్ చెల్లుబాటు అవుతుంది. ఒక్కసారి రూ.3,000** చెల్లించి, పాస్ పొందితే ఏడాది పాటు లేదా 200 సార్లు (ఏది ముందైతే) టోల్‌ప్లాజాలను దాటవచ్చు. ఈ పాస్ కేవలం ప్రైవేట్, నాన్-కమర్షియల్ వాహనాలకు మాత్రమే వర్తిస్తుంది. రాజమార్గ్ యాప్‌లో యాక్టివేట్ చేస్తే రెండు గంటల్లో పాస్ యాక్టివ్ అవుతుంది. ఈ ఏడాది ఆగస్టు 15న ఈ పాస్ ప్రారంభమై, కేవలం రెండు నెలల్లో 25 లక్షల మంది ఈ సౌకర్యాన్ని పొందారు. మొత్తం 5.67 కోట్ల లావాదేవీలు జరిగాయని NHAI వెల్లడించింది.
Details
ఫిర్యాదు & రివార్డ్ స్కీమ్
టోల్‌ప్లాజాల్లో అపరిశుభ్రంగా ఉన్న మరుగుదొడ్లపై ఫిర్యాదు చేసే వాహనదారుల ఫాస్టాగ్ అకౌంట్లకు రూ.1,000 రివార్డ్ జమచేస్తారని NHAI ప్రకటించింది. ఈ రివార్డు అక్టోబర్ 31 వరకు అమలులో ఉంటుంది. వాహనదారులు 'రాజమార్గ్ యాత్ర' యాప్ ద్వారా తమ యూజర్‌నేమ్, లొకేషన్, వాహన రిజిస్ట్రేషన్ నంబర్, మొబైల్ నంబర్ వంటి వివరాలను నమోదు చేసి, అపరిశుభ్రంగా ఉన్న టోల్‌ప్లాజా ఫోటోలు అప్‌లోడ్ చేయవచ్చు. ఈ పద్ధతిలో ఫిర్యాదు చేసిన అర్హత గల వాహనదారులు రూ.1,000 ఫాస్టాగ్ రీచార్జి రూపంలో బహుమతి పొందుతారు.