Income tax deadlines for FY27: వారికి అలెర్ట్.. ట్యాక్స్ గడువులు ఇవే.. ఈ నియమాలు మీకు తెలుసా?
ఈ వార్తాకథనం ఏంటి
2026-27 ఆర్థిక సంవత్సరం ప్రారంభమైంది. ఈ ఏడాది నుంచి కొత్తగా రూపొందించిన ఆదాయపు పన్ను చట్టం 2025, అలాగే ఆదాయపు పన్ను నియమావళి 2026 అమల్లోకి వచ్చాయి. ఈ నేపథ్యంలో పన్ను చెల్లింపులు, ITR ఫైలింగ్, TDS సర్టిఫికెట్ల జారీ వంటి కీలక ప్రక్రియలకు నిర్దిష్టమైన గడువు తేదీలు నిర్ణయించబడ్డాయి. ఈ గడువులను పాటించకపోతే జరిమానాలు మాత్రమే కాకుండా, కొన్నిసార్లు చట్టపరమైన సమస్యలు కూడా ఎదురయ్యే అవకాశం ఉంటుంది. అందువల్ల సమయానికి పెట్టుబడులు పెట్టడం, పన్ను సంబంధిత పనులను పూర్తి చేయడం ద్వారా ఇబ్బందులను నివారించవచ్చు. ఇప్పుడు ఈ సంవత్సరానికి సంబంధించిన ముఖ్యమైన ట్యాక్స్ డెడ్లైన్స్ను వివరంగా చూద్దాం.
వివరాలు
ముఖ్యమైన తేదీలివే..
ఏప్రిల్ 14 : సెక్షన్ 194IA, 194IB, 194BA, 194S కింద వచ్చే లావాదేవీలకు సంబంధించి TDS సర్టిఫికెట్లు జారీ చేయాలి. స్టాక్ ఎక్స్చేంజీలు, గుర్తింపు పొందిన సంస్థలు క్లయింట్ కోడ్ మార్పుల నివేదికలను సమర్పించాలి. ఏప్రిల్ 30 : ప్రభుత్వేతర డిడక్టర్లు మార్చి 2026 నెలకు సంబంధించిన TDS, TCS చెల్లింపులు పూర్తి చేయాల్సిన చివరి రోజు. ప్రభుత్వ విభాగాలు ఫారం 24G సమర్పించాలి. ఫిక్స్డ్ డిపాజిట్లు లేదా ఇతర పెట్టుబడులపై వడ్డీ పొందేవారు ఫారం 15G లేదా 15H సమర్పించాలి. అలాగే పెన్షన్ ఫండ్లు, సావరిన్ వెల్త్ ఫండ్లు తమ త్రైమాసిక నివేదికలు ఇవ్వాలి. మార్చి నెల TDS కు సంబంధించిన చలాన్లు, స్టేట్మెంట్లు కూడా ఈ రోజుకల్లా సమర్పించాలి.
వివరాలు
టీడీఎస్ విషయంలో జాగ్రత్త..
మే 7 : ఏప్రిల్ నెలకు సంబంధించిన TDS, TCS డిపాజిట్ చేయాలి. కొత్త పన్ను నిబంధనల ప్రకారం ట్యాక్స్ ఫ్రీ వస్తువుల కొనుగోలుకు సంబంధించిన డిక్లరేషన్ సమర్పించాలి. మే 15 : కొన్ని ప్రత్యేక లావాదేవీలకు సంబంధించిన TDS సర్టిఫికెట్ల జారీకి ఇదే గడువు. TCS త్రైమాసిక స్టేట్మెంట్ సమర్పణ, అలాగే క్లయింట్ కోడ్ మార్పుల నివేదికల సమర్పణ కూడా ఈ తేదీలోపు పూర్తి చేయాలి. మే 30 : 2025-26 ఆర్థిక సంవత్సరానికి సంబంధించిన నాలుగో త్రైమాసికం TCS సర్టిఫికెట్లు జారీ చేయాల్సిన చివరి రోజు. సెక్షన్ 285B ప్రకారం వ్యాపార లావాదేవీల రిపోర్టింగ్ కూడా ఈ తేదీలోపు చేయాలి.
వివరాలు
ఇవి మర్చిపోవద్దు...
మే 31 : ఫారం 61A ద్వారా వార్షిక ఆర్థిక లావాదేవీల నివేదిక ఇవ్వాలి. PAN కోసం దరఖాస్తు చేయడం, ఫారం 61B, ఫారం 10BD సమర్పణకు ఇదే గడువు. ఉద్యోగుల సూపర్ యాన్యుయేషన్ ఫండ్ రిటర్నులు కూడా ఈ రోజుకల్లా ఫైల్ చేయాలి. జూన్ 7 : మే నెలకు సంబంధించిన TDS, TCS చెల్లింపులు పూర్తి చేయాలి. అదే నెలలో కొనుగోలు చేసిన వస్తువులకు సంబంధించి కొనుగోలుదారులు తమ డిక్లరేషన్ ఇవ్వాలి. జూన్ 15 : జీతం, ఇతర చెల్లింపులపై TDS సర్టిఫికెట్లు జారీ చేయాలి. 2026-27 ఆర్థిక సంవత్సరానికి సంబంధించిన అడ్వాన్స్ ట్యాక్స్ తొలి విడత చెల్లించాలి. నాలుగో త్రైమాసిక TDS సర్టిఫికెట్లు కూడా జారీ చేయాలి.
వివరాలు
ఈ డేట్లు మర్చిపోకండి...
జూన్ 30 : ఆల్టర్నేటివ్ ఇన్వెస్ట్మెంట్ ఫండ్లు తమ యూనిట్ హోల్డర్లకు వివరాలు అందించాలి. సెక్యూరిటీస్ లావాదేవీలకు సంబంధించిన సమాచారాన్ని సమర్పించాలి. మే నెల TDS ఛాలన్-కమ్-స్టేట్మెంట్ ఫైలింగ్ పూర్తి చేయాలి. జూలై 31 : ఉద్యోగులు, ఆడిట్ అవసరం లేని పన్ను చెల్లింపుదారులు గత ఆర్థిక సంవత్సరానికి సంబంధించిన ఆదాయపు పన్ను రిటర్నులు ఈ తేదీలోపు సమర్పించాలి. సెల్ఫ్ అసెస్్మెంట్ ట్యాక్స్ ఉంటే చెల్లించాలి. సెప్టెంబర్ 15 : అడ్వాన్స్ ట్యాక్స్ రెండో విడత చెల్లించాలి. మొత్తం పన్నులో కనీసం 45% వరకు చెల్లింపులు పూర్తి చేయాలి.
వివరాలు
ఆ వివరాలు గడువులోగా సమర్పించాల్సిందే..
అక్టోబర్ 31 : ఆడిట్కు లోబడే పన్ను చెల్లింపుదారులు తమ ITRలను ఈ తేదీలోపు ఫైల్ చేయాలి. నవంబర్ 30 : ట్రాన్స్ఫర్ ప్రైసింగ్ రిపోర్ట్ సమర్పించాలి. అవసరమైతే సెల్ఫ్ అసెస్మెంట్ ట్యాక్స్ కూడా చెల్లించాలి. డిసెంబర్ 15 : అడ్వాన్స్ ట్యాక్స్ మూడో విడతగా మొత్తం పన్నులో 75% చెల్లించాలి. ఇప్పటికే ఫైల్ చేసిన రిటర్నుల్లో లోపాలు ఉంటే సరిదిద్దిన (రివైజ్డ్) లేదా ఆలస్యంగా (బిలేటెడ్) రిటర్నులు సమర్పించాలి. జనవరి-ఫిబ్రవరి 2027 : ఎంచుకున్న పన్ను విధానం ప్రకారం పన్ను ఆదా పెట్టుబడులను ప్రణాళికాబద్ధంగా చేసుకోవాలి. తమ కంపెనీకి పెట్టుబడుల వివరాలను సమర్పించాలి.
వివరాలు
ఆ తేదీల్లోపు సమర్పించాలి...
మార్చి 15, 2027 : అడ్వాన్స్ ట్యాక్స్ చివరి విడతగా మొత్తం పన్నులో 100% చెల్లించాలి. మార్చి 31, 2027: పాత పన్ను విధానాన్ని ఎంచుకున్నవారు పన్ను ఆదా పెట్టుబడులు చేయడానికి చివరి అవకాశం ఇదే. అదనంగా, గత సంవత్సరాలకు సంబంధించిన రివైజ్డ్, బిలేటెడ్ రిటర్నులు కూడా ఈ తేదీలోపు సమర్పించాలి.