LPG Gas: ఇక నుంచి వారికి ఎల్పీజీ గ్యాస్ సిలిండర్లు నిషేధం.. కీలక నిర్ణయం తీసుకున్న ప్రభుత్వం
ఈ వార్తాకథనం ఏంటి
పైప్డ్ నేచురల్ గ్యాస్ (PNG) కనెక్షన్లు ఉన్న కుటుంబాలకు ఎల్పీజీ సిలిండర్లు రీఫిల్ లేదా కొత్త కనెక్షన్ ఇవ్వడంపై ప్రభుత్వం గట్టి నిషేధం విధించింది. ఇది ప్రధానంగా పశ్చిమ ఆసియాలో కొనసాగుతున్న సంఘర్షణ కారణంగా దేశంలో ఎల్పీజీ సరఫరాలో తాత్కాలిక సమస్యలు ఏర్పడిన నేపథ్యంలో తీసుకున్న నిర్ణయం. ప్రస్తుతం PNG కనెక్షన్ ఉన్నవారికి రాయితీ ధరతో ఎల్పీజీ దుర్వినియోగం జరగకుండా చూసుకోవడం, సరఫరాను సమర్థవంతంగా నిర్వహించడం లక్ష్యంగా పెట్టబడింది. కొత్త సరఫరా ఆర్డర్ ప్రకారం, పీఎన్జీ కనెక్షన్లు ఉన్నవారికి కొత్త ఎల్పీజీ కనెక్షన్లు ఇవ్వడం, లేదా రీఫిల్ చేయడం పూర్తిగా నిషేధించారు. అలాగే పీఎన్జీ, ఎల్పీజీ రెండు కనెక్షన్లు ఉన్న కుటుంబాలు, ఇప్పటికే ఉన్న ఎల్పీజీ కనెక్షన్ను వదలాల్సి వస్తుంది.
వివరాలు
మార్చి 16, 17 తేదీలలో ముంద్రా, కాండ్లా ఓడరేవులకు చేరుకునే అవకాశం
అంటే, పునరావృత ఎల్పీజీ రీఫిల్కు వీలుండదు. ప్రస్తుత పరిస్థితుల్లో భారత జెండా కలిగిన రెండు ఎల్పీజీ నౌకలు సుమారు 92,700 టన్నుల ఎల్పీజీతో హోర్ముజ్ జలసంధిని విజయవంతంగా దాటాయి. నౌకాయాన, ఓడరేవులు, జలమార్గాల మంత్రిత్వ శాఖ ప్రత్యేక కార్యదర్శి రాజేష్ కుమార్ సిన్హా ప్రకారం ప్రస్తుతం పర్షియన్ గల్ఫ్లో 24 భారత జెండా నౌకలు నిలిచున్నాయి. ఇందులో LPG సరఫరా చేసుకున్న శివాలిక్, నందా దేవి నౌకలు సురక్షితంగా మార్గం దాటినట్లు చెప్పారు. వీటికి మార్చి 16, 17 తేదీలలో ముంద్రా, కాండ్లా ఓడరేవులకు చేరుకునే అవకాశం ఉంది.